ھمگام بلوچی نبشتانک
ایش ھک ھر بلوچ زھگ ءَ را ھست کہ پہ بلوچ راج ءِ سرڈگار ءَ پہ وتی ھک ءُ ننگ ءَ جَنگ بکنت، وتی وتن ءِ دیمپانی ءِ پلہ مرزی ءِ واستہ وتی جان ءَ کُربان بکنت۔
بلوچستان بلوچانی سرڈگار اِنت، بلوچ وتی جند ءِ زمین ءِ سر ءَ دِگہ دریں راجانی دست ءَ روچ پہ روچ گیشتر گلام کنگ بوھگ ءَ انت۔ بلوچ ءِ گلام کنگ ءَ بازیں نکشہ ءِ ٹہینگ ءِ کار برجا اَنت۔ دری راج پگر کنگ ءَ اَنت کہ چوں بلوچ مھلوک ءَ بزگ ءُ گلام بکنیں۔
چہ درستاں چہ پیسر آ بلوچ ءَ بلوچ ءِ ھلاپ ءَ جَنگ دیگ ءِ جُھد ءَ کنگ ءَ اِنت، براس براس ءِ دُمب ءَ مُکبر کنگ ءِ جُھد ءَ دزگلائیش اِنت، ھرچ تاگتے بیت دژمناناں بلوچ نسل کُشی ءِ سر ءَ دیان انت ءُ انگت تاں روچ مروچی بلوچ نسل کُشی برجا اِنت۔
کُل بلوچ سرپد اَنت،ماشااللہ وانگ ءَ اَنت انچو گیش وانگ زانگ ءِ جُھد ءَ برجاہ بِدار اَنت چہ وانگ زانگ ءَ ما تاں جاھے سر بئیں۔ھمیش توپک ءَ دست ءَ کنیں بزانیں پہ کے، نوکے پچ بوھگ ءَ اِنت اے تیر کہ در بوھگ ءَ اِنت بلوچ ءِ پائدگ ءَ ھکّ ءَ روگ ءَ اِنت یا کہ دژمن ءِ ھکّ ءَ، توپک زانت اِلم لوٹ ایت وانگ زانگ ءَ چہ کار ترتیب وزن دار بنت۔
کائیں چاریں چمشانک دئیں وتی پُشت ءَ وتی ھما کامریڈاں وانیں چوش کہ جاور منا پرمان کنگ ءَ اَنت کہ وتی ند ءَ چست بکنی پہ نیک نیتی وتی ھیالاں درشان بکن آں تاں منی ند ءِ توار تاں بلوچ جُھد ءِ سرکماشاں سر بہ بیت۔
چوش کہ وتی اُمر ءِ بالاد ءَ گوں کامریڈانی نندگ ءُ پاداھگ ءَ وتی دزگٹیانی چار ءُ بچار ءَ وتی مارشتاں نبشتہ کناں۔
ما کہ نندیں پاد کائیں ھور ھوار گوں وتی مھلوک ءَ آ مارا جُست تچک ءَ کن اَنت مئے ھال ءَ گِر اَنت شُما چوں اِنت شُمئے جُھد چوں رَوگ ءَ اِنت۔
بازیں جُست کہ مارا بنت چہ نام توار ءَ پروشتگ اَنت کہ پلاں سنگت جُھد کارے پلاں سنگت اے رنگ ءَ مئے کاروان ءَ بازیں سنگت پدر اَنت زانگ بیت وتی وتی ھنداں شھیدانی ٹکّاھانی مردم جُست کن اَنت۔
بلوچءِ جُھد تاں کُج ءَ رستگ؟ سروک پرچا تپاک نَبنت؟ پرچا برابری نیست؟ آ کُجام بلوچ آجوئی لوٹوکیں گل اَنت کہ گوں ایران سپاہ ءَ ھور اَنت؟ شما کارکُن پرچہ نزور بوھگ ءَ اَنت؟ سروک پرچہ ٹش پش اَنت شُما چوش اِت؟
آ کُل جُست وتی جاہ ءَ۔
من کہ بازیں ردی دیستگ وتی ند چست کُرتگ۔سنگت دیم پہ دیمی گُشتگ اَنت رزلٹ در نہ کپتگ چہ بے کانونی ءَ وھدے کہ ردکارانی گیشتری جمھوریت گیش بیت گڑا ھما یک دو بے وس ءِ گپ ءَ کئے گوش کنت۔
راستی ایش اِنت کس کسی سوچ پگر ءَ ھلاس کُرت نکنت پگر وتی جاہ ءَ برجم بنت۔
ھرچی کِش ئے ھمائی ءَ رُن ات۔
بلے من چار اِتگ دیستگ ھماھاں کانون پروشتگ اَنت آ مرچی وت وتی کُرتگیں کارانی سزا ءَ وت ورگ ءَ اَنت ما وت کہ انساپ کُرت نہ کت گپت نہ کُرت اَنت،آھانی ردی اش تبائیاں آھاناں کُج ءَ سر کُرتگ آ دیم ءَ اَنت وشی کن ئے پہ وشی نامے کئیت سِلی ھرابی کن ئے پہ ھرابی نامے کئیت۔
سوچ جھل نَبنت نزریاتی ھرچ ھالے تہ ءَ بہ بیت آئی ھدپ ٹارگٹ ھما بیت کہ آئی ءِ سوچ پگر داشتگ وتی مجگ ءِ تَہ ءَ کُجام باسک کُجام مکسد متلب ءَ بلوچ جُھد ءَ گوں ھور ھوار بوتگ آ شُتگ وتی جاہ ءَ سر بوتگ۔
مرات لالچ ءَ آتک ءَ آئی بلوچءِ نام ءَ وتی کار کُرتگ بلوچ فنانس وتی ذات ءَ پہ کارمرز کُرتگ یا کہ ناھکّ جاہ ءَ ھرچ کُرتگ ھکیتیں سنگت در پہ در کُرتگ، گَل پارٹی تاوان داتگ آ مرچی مراتانی وڈالی اَنت برے ایش گَل ءَ پروش دو کن آ پارٹی ءَ پروش وتی ذاتی ھیش نوش کن کارکُناں بزگ کن کارکُنانی بزگ کنگ ادارہ گَل ءِ نیزور کنگ ءَ برابر اِنت۔
بلوچءِ نام کارمرز کُرتگ جِتا جِتائیں پگرانی بُنیاد ءِ نپر بلوچ جُھد ءِ تہ ءَ بھرتی بوھگ بندات بوت کار ھراب تراب بوھاں بوت اَنت۔ چوش کہ مئے آجوئی لوٹوکیں گَل گُش اَنت مئے گڈی پوائنٹ آجوئی اِنت آ گڑا پہ آجوئی ءِ پگر ءَ کار کنت آجوئی سک وش جوان اِنت گوں راھبندی کانونی آجوئی وش اِنت۔
آجوئی ءِ نام ھُشکیں مئے کِر ءَ پَش مہ کپ ایت آجوئی لوٹوکیں کارکُن ءِ سر ءَ انساپ بہ بیت، شھیدانی زھگانی ھیال دارگ بہ بیت آھانی وانینگ ءِ جُھد ءَ بکن اَنت وتی ٹپی ایں سنگتاں ھیال بکن اَنت کارکُنانی ھکّاں مہ ور اَنت وتی ساھءِ رکینگ ءِ ھاتر ءَ چہ دژمن ءَ کُمک مہ لوٹ اَنت بلوچ ءِ تہا ءَ پرک درک میار اَنت وتی دژمن ءَ بزان اَنت براس ءِ دژمن ءَ بزان اَنت ھر روچ جار مَجن اَنت مارا دژمن کُمک بکن ساھ ءِ تُرس ءَ مہ تچ دمک پہ دمک ساھگ شلٹر شلٹر مکن۔
مردم باھد بزانت بلوچ تاں کُجا کُجا آباد بوتگ بلوچ رشتہ ازیزی تاں کُج ءَ ھستیں ما مُدام جِتا جِتا تپاکی ءِ جار ءَ جنیں۔
من اگاں بلوٹاں کہ گوں بی این ایم یا کہ گوں اللہ نذر کاروان ھور باں تپاک باں چوں بباں آ منی چمّانی دیم ءَ روکپتی بلوچ ءِ دژمن ءَ چے ھمایت کُمک لوٹ ایت کُمک بے کار ءَ ھچ کس ھچ کس ءَ نہ کنت تو کہ سپاہ ءَ ھور بَئے منی بلوچ ءَ کشگ ءَ ھور بَئے اد ءَ گڑا چوں تپاکی بیت؟ منی پگرے دگر آئی ءِ پگرے دِگر۔
آ جُست ھست اَنت مئے ھما سنگت آں بلوچ راج نُکس داتگ باھد آ بلوچ راج ءَ پسّہ جواب بِدینت کہ آ مرچی وت ءَ بلوچ راج ءِ سروک لیک اَنت جُست ھماھاں بیت کہ ذمہ دار اَنت باھد دیم ءِ مردم جوابدہ بہ بنت راج ءِ۔
بزگیں بیوسیں بے دسترسیں باسک کوپگ تھنا وت ءَ بھا نہ کن اَنت وتی راج مھلوک ءَ را نُکس ندینت۔
سنگت کہ جواب دات مہ کنت آئی ذمہ داری ھم بے پاھدگ بے سیت اِنت ھما ادارہ گَل ءِ واستہ وھد ءِ زوال کنگ ءَ دِگہ ھچ مانا ندنت۔
جُھد کار ءَ ردی کُرت ریا رُو مہ بیت سزا دیگ بہ بیت ما ھم وش بِئیں ما ردی نہ کنیں کہ سزا وریں جُھد کار باھد وت کبول بکنت پہنظام ءُ سسٹم ءِ واستہ جوان بیت، ھمیش چیز راھبند کانوں ءَ جوڑ کنت۔ راھبند کانوں کہ بیت مئے مکسد کار تاگت ور بنت دژمن ءِ رنگ ما کار بکنیں مئے اوِ دژمن ءِ تہا پرک نہ بیت۔
ھزاراں بلوچ ءَ ھون رھتگ ھزاراں بلوچ گار ءُ بیگوہ دژمن ءِ ٹارچرسیلانی ازیت ھانہ آنی توک ءَ ازیت ورگ اَنت بازیں ورناھانی جون کُچکّاں وارتگ اَنت آھانی بزگیں ماس گھار زھگ تاں روچ مرچی انتزار اَنت مئے زھگ کدیں آجو بنت۔
گڑا مارا زیب ندنت ما بلوچانی ھوناں پہ مراعات بدل بکنیں۔ مئے سنگتاناں مراعات ءِ نمب ءَ گپتگ اَنت کانون پروشت ءُ پروش کُرتگ اَنت۔
چہ مئے بلوچ ءِ ناتپاکی ءَ سیمسر ٹَٹ کَلّ بُمب کاری کُرت اَنت بلوچ بند کُرت اَنت۔
بلوچ وتی ناموس ءَ برکّینیت چہ درآمدیں راجانی دست ءَ بہ بیت وتی جند ءِ زمین ءِ سرا دِگہ راجانی دست ءَ بلوچ بزگ ءُ بے وس کنگ بوھگ ءَ اِنت ما کہ گپ کنیں سوال کنیں جواب نَئیت گڑا سنگت پریس کنگ بنت پُشت ءَ بازیں دروگ بند اَنت میاری کن اَنت سنگتاں۔
سنگت سنگت ءِ ھیال داری ءَ بند بکنت سنگت نزور بیت،ھما سرکماش ءِ ردی بیت گوں وتی باسک ءَ زُلم کنت سنگت مرچی مزدوری کنگ ءَ اَنت وت را داشتگ ے۔
باسک کوپگ انتزار اَنت کہ سسسٹم گوں برابری ءَ بیت،گَل پارٹی مھکم بَنت وتی ایراداں دل گوش بکن اَنت وتی اسلاہ بکن اَنت۔ راھے پہ درستاں گچین بکن اَنت دُنیا ءَ گوں وت دل گوش بکن اَنت کُل کارکُن برابری ءَ گوں چارگ بہ بنت۔
بلوچستان آجو بات
