کوئٹہ(ہمگام نیوز )اطلاعات کے مطابق دارالحکومت کوئٹہ کے علاقے کچلاک کے قریب جلوگیر کے قریب ٹریفک حادثہ ایک شخص جاںبحق جبکہ 8زخمی ہوگئے ۔اطلاعات کے مطابق گزشتہ روز کوئٹہ کے علاقے کچلاک جلوگیر کے مقام پر 2گاڑیوں میں تصادم کے نتیجے میں ایک شخص جاںبحق جبکہک 8افراد زخمی ہوگئے ۔
جاںبحق وزخمی ہونے والوں میں اکمل ،امین اللہ ،سید یس خان ،ریحان خان ،نوید خان ،محمد حنیف، شکیل ،محمود،مریان احمد شامل ہیں ۔لاش اور زخمیوں کو ہسپتال منتقل کردیاگیاہے مزیدکارروائی متعلقہ انتظامیہ کررہی ہے ۔
رپورٹ کے مطابق حب بھوانی کے مقام پر ندی میں ڈوب کر 8 سالہ بچہ جاں بحق ہو گیا، تفصیلات کے مطابق حب شہر کے قریب بھوانی کے مقام پر ندی کے پانی میں نہاتے ہوئے 8 سالہ بچہ محفوظ ولد مقبول جان بحق ہوگیا، نعش کو اسپتال منتقل کردیا جہاں پر ضروری کاروائی کے بعد بچے کی نعش کو ورثاء کے حوالے کردیا ۔
مزید کوئٹہ کے نواحی علاقے کچلاک جلوگیر کے مقام پر دو گاڑیوں میں ہولناک تصادم کے باعث ایک شخص جاں بحق جبکہ آٹھ افراد زخمی ہو گئے، تفصیلات کے مطابق کچلاک جلوگیر کے مقام پر دو گاڑیوں میں تصادم کے باعث آٹھ افراد زخمی جبکہ ایک شخص جاں بحق ہو گیا۔
جاں بحق اور زخمی افراد کو سول ہسپتال منتقل کردیا گیا ہے۔ زخمی افراد میں امین اللہ ،سدیس خان ،ریحان خان ،نوید خان ،محمد حنیف ،شکیل ،محمود اور مدیان احمد شامل ہیں ،جبکہ جاں بحق شخص کی شناخت اکمل کے نام سے ہوئی ہیں۔
ایک اور واقعہ میں پنجگور میں نامعلوم موٹر سائیکل سواروں کی فائرنگ سےایک شخص جاں بحق ہو گیا ،پولیس ذرائع کے مطابق پنجگور کے علاقے گرمکان حفاظتی بند کے قریب نامعلوم موٹر سائیکل سواروں کی فائرنگ سے ایک شخص جاں بحق ہو گیا ، جاں بحق شخص کی شناخت گرمکان کے رہائشی ظاہر ولد عبدالصمد کے نام سے ہوئی ہے۔ پولیس نے واقع کی تحقیقات کا آغاز کر دیا ہے۔
علاوہ ازیں ڈیرہ مرادجمالی میں زمین کے تنازعہ پر دو گروپوں میں مسلح تصادم کے دوران دو افراد جاں بحق ہو گئے۔تفصیلات کے مطابق ڈیرہ مرادجمالی میں زمین کے تنازعے پر لہڑی اور سولنگی قبائل کے مابین مسلح تصادم کے دوران فائرنگ سے دو افراد جاں بحق ھوگئے۔
