پاکستان ءِ چیر دستیں راج بلوچستان، شال بہ گر تاں چاغی ءُ مکُران ، دالبنیدین ءُ پَسِّنی ،کیچ، گوادر ءُ نوشکی ءُ دگہ بازیں دمک اَنچُو بلوچستان ءِ دَمک ءُ درا اَنت۔ اے دُرست بلوچستان ءِ مال ءُ مَڈی اَنت۔
بلے انوں بلوچستان 76 سال اِنت کہ پاکستان ءِ چیر دستی ءَ یک کبز ءَ کُرتگیں راجے۔ انچو ما بچار ایں گْوادر یک نِیلین زر یک اَنچین شوکین دلکشین جاگہ ءَ یے بلوچ وتی سر ءَ کُربان کن اَنت۔ بلے اَنچو چائنہ ءُ پاکستان گْش اَنت کہ گوادر ءِ تہ ءَ ھمے نیلین زِر کہ ھست اَنت اے بلوچانی نہ اَنت۔ آ گْوش اَنت کہ گوادر ھوار بلوچستان مئے گنت ءُ مئے ملکیت اِنت۔
اگاہ مرچی ما بچار ایں ھمے کہ پاکستان ءِ زالم ءُ زوراکیں مردم پہ بلوچستان ءُ پہ بلوچاں جاسوسی کنگ ءَ اَنت کہ بلوچستان ءَ من وتی کن آں۔
بلے بلوچ گْوش اَنت کہ ما وتی اے نیلین زر ءَ کوہ، اے دَمک ءُ کُچیگاں ھچ وڑا یل دات نکن اَنت۔
پرچہ کہ بلوچستان دگنیا ءِ تہ ءَ ھما جاگہ اِنت کہ آئی کُوھانی تہ ءَ ھمے سنگ ءِ مرمر ءُ سور ءُ چاندی جُوڑ بیت ءُ در کیت۔ اے جاگہ ءَ ما چے تور یل دات کن اَنت۔
اگاں ما وانگ ءِ نیمگ ءَ بچار ایں گڈاں بلوچستان ءِ وانگی پکر ءُ لیکہ سکّ کم اِنت پرچہ کہ بلوچستان ءِ تہ ءَ اَنچیں جاگہ ھست اِنت کہ اودہ نہ وانگ جاہ نہ یک شریں راہ یا شریں انیسٹوٹیشن ءِ ھست۔
ھمشیں اِنت نو لھتیں سال بیت کہ بلوچستان ءِ تہ ءَ شریں وانگ جاہ پچ بوتگ اَنت۔ مزن شاہ دربر جاہ بیت یا کہ کالج ءِ یا اسکول ءِ پیسرا ھچ اے وڑیں زانت ءُ وانگ ءِ نیمگ ءَ جُھد نکرتگ۔ اگاں کسے ءَ جُھد کُتگ گُڈاں آ پہ وانگ ءَ ڈنی مُلک ءَ شُوتگ۔
2013 ءِ سال ءَ دیم ما بچار ایں سجاھیں بلوچستان ءِ تہ ءَ جاور ءُ ھالات نگیگ بوتگ اَنت بلے نوں روچ پہ روچ بلوچستان ءِ جاور ءُ ھالت سک نگیگ ءُ گنتری ءِ نیمگ ءَ روگ ءَ اَنت۔
2014 یا 2015 دیم بلوچستان ءِ جاور پہ بلوچاں سکّ نیگیگ اَنت.
انوں ھرچ وڈیں بلوچے بیت پہ آئی واستہ ھالات سکّ ءَ ھراب اَنت.
گیشتِر بلوچ نودربر کہ وانگ لوٹ اِیت ھما کہ وتی زند ءُ وتی راج ءَ دیم ءَ آرگ لوٹ اِیت مرچی ما ھمے بلوچ نودربر بیگواہ کنگ بنت، کُشگ بنت ءُ مئے لاش جنگل ءُ ویرانگ ءَ دور دیگ بنت۔ ما سیاھیں کوٹیانی باھوٹ کنگ بنت۔
بلوچے بیگواہ بوگ ءُ لاش دور دیگ بلوچستان ءِ تہ ءَ یک رھبندے جوڑ بوتگ کہ کُجا بلوچ دیست بیگواہ کن یا پُکش دور دیگ بہ بیت کہ باندا چوں مہ بیت شعور یافتہ بہ بیت ءُ ھک ءُ آزادی ءِ لوٹ ءَ بکنت۔
ھمے زُلم ءُ زُوراکى بلوچانی سرا کنگ بیت۔
اگاں مرچی بلوچستان ءِ جاور پہ بلوچاں نگیگ اَنت گُڈاں ھر بلوچ ءَ را جھد کنگ لوٹ اِیت۔ توار چست کنگی اِنت۔ بلوچ ھاموشی ءِ سانکلاں پروش بہ دے اَنت ءُ قلم دست ءَ بکن اَنت۔ کتاب دست ءَ بکن اَنت۔ بلوچ وتی قلم ءِ سرا جھد بکنت۔ ھر بلوچ نودربر وانگ ءُ نبشتہ کنگ ءِ جھد بکنت کہ زالم چہ توپنگ ءُ اسلحہ نہ ترسیت بلے توار ءُ قلم پہ مظلوماں یک اسلحہ یے کہ ھر زالم پروش وارت۔
