بژن پہ وتی بلوچ ءِ بے اکلی ءَ وتی وتن چُنڈ چُنڈ ءَ اشت دری راجانی دست ءَ چُنڈے اپگانستان ءِ دست ءَ دات چُنڈے پاکستان ءِ چُنڈے ایران ءِ وت ءَ را دست وت گلام کنائینت وتی زمین چہ دست ءَ برائینت وت ءَ را ناتپاک کُت ٹکّ ءُ کٹم ءَ تہا بھر بانگ کُت۔
مرچی بلوچ وتی چم ءَ وت کشّگ ءَ اَنت تو من ءَ بجن بکُش من ترا کُش آں پہ چُنڈے دپارے ءَ دژمن ءِ گُشگ ءَ ۔ بلوچ کار بار جوڑ کُتگ بلوچ ءِ سودا اِنت ھر نیمگ ءُ ھند ءَ ۔ ھمیش کہ بلوچ ءَ را ٹارگٹ کنگ ءَ اَنت بجیڑ اَنت کمّے پگر بکن اَنت دمانے ءَ آیا ما جوانیں کارے کنگایاں یا کہ ھرابیں؟
مرچیگیں جاوراں بچارے باز درد بیت برات برات ءَ کُشگ ءَ اِنت بدواھانی کاران آسان ءُ ارزان کنگا انت۔
اگاں بدوا دژمن ءَ بجتیں بلوچ دگہ گپے ءَ ھمیش گپ بیت کہ دژمن ءَ جت بلے دژمن نشتگ سندلی کُرسی یے سر ءَ واجہ اِنت پرمان کنت بے سُدیں بلوچ ءَ برو وتی برات ءَ بجن کہ من نزان این ئے یا کہ لوگ ءَ نشان دئے ھمیش بے سُدیں بلوچ وتی لوگ ءَ وت تباہ کنت پہ چار کَلدار ھاتر ءَ ۔
بلوچ ھوش کن ھمراہ نہ بئے مبو وتی ھکّ ءَ پیلو کُت نہ کن ئے مہ کن تاوان وتی راج ءَ مہ دئے بے اکل داری مبو ھما شاھڑ ءِ سر ءَ مہ نند ھما شاھوڑ ءَ مہ گُڈ۔
تو مرچی وتی برات جَتگ اَنت پہ چار کلدار ءِ ھاتر ءَ وتی برات ءِ زھگ بزگ چور ءَ یتیم کُرتگ اَنت وتی زھگانی لاپ دَیگ ءِ ھاتر ءَ وتی براتے لوگ ویران کُرتگ وتی لوگ آباد کتگ ایش تئی بے اکلی اِنت تو دست ءَ گپتگ بے سُدیں بلوچ ۔
کمے سر ءَ سار کن بجیڑ کہ تو چے کنگائے کئی گُشگ ءَ کنگائے ایش کاران او کَیا جَنگ کُشگ ءَ یے دژمن ءِ سیت پائدگ ءِ واستہ دری راجانی سیتانی واستہ وت ءَ را بے واب بے آرام کُتگ۔
بلوچ بلوچے جَنگ کُشگ ءَ بلوچ ءَ تاوان اِنت نہ کہ دری راجاناں تاوان اِنت بلوچ بلوچے چمّ ءَ کَشّگ ءَ اِنت۔
بکول شائرے
درآمد نہ دوستی زانت نہ دژمنی جندے وتیگ اِنت کہ ملکموت ءِ چہرگ ءَ جنت۔
بلوچ مرچی درآمد ءَ اینکس تاوان نُکس نداتگ اینکس وتی ءَ داتگ درأمد ھچ نزانت پلانی کے اِنت پلانی کُج ءَ نیندیت پاد کئیت ۔
بلوچ ءِ گلام کنگ ءَ بلوچ ءِ دست مان اِنت بلوچ ءِ آجوئی یے دیم ءِ داروک میلانک بے سُدیں زر دوستیں مرات لالچ ھوریں بلوچ اَنت ۔
دگہ ھچ تاگت نیست دری راجاناں کہ بلوچ ءَ را وتی گلام جوڑ بکن اَنت۔
وھد انگت ھست بِپھم اَنت ھما بلوچ کہ وتی بلوچ ءَ دست وت جَنگ شھید کنگ اَنت ۔
او بِپھم اَنت ھما کہ زئی زئی یے سر ءَ پھر شان کن اَنت وت ءَ بھر بانگ کن اَنت آ گُش ایت من زرنگ آ گُشیت من کُل وت ءَ بلوچ بِپھم اَنت دژمن ءِ رپک ھرباھاں سر پد بے بنت وت ءَ یک بکن اَنت گوں وتی بلوچ ءَ مھر بھر بکن اَنت۔
بلوچ تئی بے اکلی ءُ ناتپاکی ءَ چہ بلوچستان کپ کپ کُت بدواھاں نبشتہ کار سنگت اکبر بلوچ
