ھمگام بلوچی
بلوچ راج هنچو شما سرپد اِت جُهد کار ایں راجاں وتا ما دنیا ءِ دلبند ءَ منائینتگ وتی هک پہ زور پچ گپتگ زوراکانی دپ ءُ دیماں شهمات جتگ بلوچ چاکہ دنیائے تہ ءَ نام ئے دار اِیت هماه اِنت کہ دَرّی راجانی هشری ءُ کُمکی اِنت بلے وهدیکہ گپ وتی تہ ءِ تپاکی یے ءُ یکے دومی گون ءَ همگرنچی یے کئیت مارا سیاه تَپ گیپت ما روشمُّی تپانی هرجان بہ اِنت من نہ کُشتگ هِلار نہ اِنت من بَہ منتگاں کہ مئے انا ءُ کس نمنّی چی ئیگ اِنت ما وتی کجام چیز سرا چو پهریگ اِنت وتی ننگ ءِ اگاں ننگ ءِ گُڑا شمارا سرپد بوھگی اِنت کہ مئے ننگ ءَ هروچ دژمن لپاش اِیت سنگتے ءَ کسّہ کُت بلوچستان ءِ یک شهرے ءَ مُدام پاکستانی نجس ءُ ناپاکیں لشکر (پوج) کئیت ءُ زالبولاں بارت گوں دَرّی مرداں بگیر چہ آهانی مرزی ءَ سیر دنت پہ مارا کجام گیرت ءُ ننگ پشت کپتگ ؟ مارا اینچکیں دردے هم نہ بیت؟ دگہ ما کجام چیز سرا وتی پهر بند اِیں ؟
زر ءُ مال ءِ سرا ؟ بلوچستان تاں نود ءُ هپت ءِ کساس ءَ مردم پِنڈگ ءَ پہ لاچار اَنت بلوچستان ءِ مردم گریب انت بیمار اَنت پہ بیماری هالتاں درداں نال اَنت ، مِرّ اَنت آیا اِشانی بیوسی شمارا گندگ ءَ نہ اِت شمئے گوش سیاه چپت ءُ دپ بند انت ءُ دست پرشتگ اَنت پہ بیوسانی واست ءَ جُهد کنگ ءَ دومی نیمگ ءَ شمئے آجز ءُ بزکاریں کماش ءُ پیریں مات ورنا ءُ کودک پوجی کیمپانی تہ ءَ ازیت ، لٹ ءُ کٹ ، ڈریل ، لگت ءُ شهمات ءُ دُژمانانی دیمپان اَنت آیا شمئے دل ءَ پہ اشاں رهم نیست هیر نیست شمئے دل ءَ
دگہ کجام چیز سرا شُما پهر بند اِت وتی آزاتی سرا هرچ کجام چیک پوسٹ ءَ کہ گوزئے شمارا بارت کوٹیانی تہ ءَ شمارا چیک کنت شمئے جان ءِ جر ءُ گُدّاں لگوش اِیت شمارا جاندر کنت اگاں شما اینچُکیں جاهے ءَ سُر اِت تیل یا کہ زمبادے زیر اِت شمارا پاکستانی نجسیں لَشکر (پوج) ٹیکس گیپت شمئے گیشتری نیم اِیں زَرّاں بارت پہ شُما چے پشت کپتگ بلوچ راج بلوچستان ءَ اگاں دُکانُک ئے پچ کنت کاینت پوجی اپسر شمئے دکانانی دپ ءَ وتی موٹل ءُ گاڈیاں هرچی کہ دل اِش لوٹ اِیت زیرانت برانت هِچ جُست ءُ پرس شمارا نہ کن اَنت بازارانی گریب ءُ بزکار اِیں دُکانداراں لشکر ءِ داشتگیں کاسگ چٹیں ءُ مُردگ زمیریں بلوچ کہ لشکر ءِ سیاڈی ءُ دلار اَنت من ءَ سنگت ئے ءَ یک روچ ئے گوانکو (ٹیلپون) کت مئے میتگ ءِ دُکاندارے اَت من گوْشت جی منی واجہ بہ گوْش من چار اِت دانکہ آ نیمگ ءَ هیسکگ ءُ گریوگانی توار اِنت من جُست کت تو پرچا گریوئے چی بیتگ گوشت ئے دوشی شپ ءِ هشت بج ءَ لشکر ءِ سیاڈی ایں پنچ بلوچ اتکگ گوں سِلاهاں منی دکان نیم رُپتگ برتگ منی مال ءُ متاه همے دکان اِنت کہ من وتی چکاں لاپ دئے آں مئے روچ شپ بنت مئے شپ روچ اے یک بازاری کسہ نہ اِنت نئے کہ دیستگیں واب اَنت بلکیں راستی اَنت کہ همُک روچ بلوچ گون ءَ هنچُش بنت اِے بژنی هبر اَنت درد اَنت کولنج اَنت بلوچ گوں شما دزبندی اِنت کہ وتی انا ءُ زِد ءُ کُنت ءَ یلہ کن اِت تپاک بہ بئے اِت دیم ءَ گوں سنگراں کن اِت وتی تہ ءِ گند ءُ گسڈاں در کن اِت یکے دومیگ ءِ برداشت ءُ اوپار ءَ بہ کن اِت وتی سیاسی ءُ جنگی گَلّاں پروشت ءُ پروش مکن اِت جُنز ءَ دیم ءَ بران کن اِت
بلوچ ، بلوچی ءُ بلوچستان آجو باتاں ، بلوچ شادان بات
