کراچی( ہمگام نیوز ) بلوچ اسٹوڈنٹس فرنٹ کراچی ھنکین ءِ نیمگ ءَ پہ بلوچستان ءَ جتا جتائیں وانگجاھانی وانگی جیڑھانی بابت ءَ نبشتہ بوتگیں پنتاک/پمفلٹ کراچی 
اے پنتاک بلوچستان ءِ زانشتجاھانی تہ ءَ پہ بلوچ نودربرانی چہ وانگ ءَ دور کنگ ءِ پندل سازیانی پدر کنگ ءَ نبشتہ کنگ بوتگ کہ انوگیں وھد ءَ بلوچ ورنا چہ وانگ ءَ دور کنگ ءَ وانگجاہ ءُ کارگسانی تہ ءَ جتا جتائیں وتساچیں جیڑھانی دیمپان اَنت۔
پنتاک ءِ بھر ءُ بانگ کنگ ءِ مول ھمیش اِنت کہ راج ءِ ورنا سرپد نہ بنت پہ آیانی وانگ ءِ دیم ءَ اڑاند ودی کنگ ءَ چونیں پندل سازی کنگ بوهگ ءَ اِنت، دانکہ راجی ورنا اے جیڑھانی بگیری ءَ پاد بْیا اَنت ءُ پہ وتی وانگی بنکی اگبالانی پچگرگ ءَ پہ دلجمی توار چست بہ کن اَنت۔
وھدے راجی ورنا اے اڑاندانی باروا سرپد مہ بنت ءُ توار چست مکن اَنت گڑا روچ پہ روچ ءَ پندل ساز وتی مکر ءُ ھنرانی پیلو کنگ ءَ سوبین بنت۔ بلے بلوچ ورنایاں اے پندل سرپد بوهگ ءُ آیانی پندل بے سوب کنگی اَنت۔
