جھان ءِ تہ ءَ زورگیریں ریاست ءُ ھمک جتائیں ٹولی دنیا ءِ تہ ءَ وتا چہ جنگ ءَ رکنگ لوٹ انت آ ”انسرجنسی“ بابت ءَ ”کاؤنٹر انسرجنسی“ رپورٹ شنگ کن انت جھد ءَ بے سوب کنگ ءِ ھاترا یا جنگ ءِ دیم ءِ دارگ ءِ ھاترا رپورٹ جوڑ کن انت ءُ پد ءَ زورگیر یک ھدے ءَ داں نزوریں راجانی تب ءِ ھساب ءَ وتی درشاناں بدل کناں کن انت۔
گوستگیں یک رپورٹے ءِ بابت ءَ ھمگام ءِ چاروکاں واستا چندے ھیال پیش کنیں۔
اے رپورٹ ءِ رد ءَ سئے چیز انت آئی سبب ءَ زورگیر جد ءُ جھد ءُ ”انسرجنسی“ ھلاس کت کنت یا ”انسرجنسی“ وت گوست ءِ کنڈاں کپ ایت ءُ بیگواہ بیت۔
زورگیر چے پیم ”انسرجنسی“ شورش ءَ چار ایت ءُ آئی دیم ءَ دار ایت؟
چے پیم یک “انسرجنٹ” ٹولی یے زورگیر ءَ چار ایت ءُ آئی دیم ءَ دار ایت؟
زورگیر ءِ نزیکی گوں دومی ملکاں چے ھساب ئیگ انت؟
اے رپورٹ ءَ یک گپے تَچک انت وھدے زورگیر تاگت کارمرز کنت ”انسرجنسی“ شورش ءِ ھلاس کنگ ءَ بلے ”انسرجنسی“ شورش ھلاس بوھگ ءَ چہ ابید گیشتر مھکم بیت زورگیر باز وھد ءَ چو مستیں پیل ءَ کوشست کنت نزوریں مھلوک ءَ اے سرڈگار ءِ سرا ءَ درستاں بہ لپاش ایت، بلے پد ءَ اوں یات بہ بیت کہ مستیں پیل ءَ را مُورے ءَ اوں کُشتگ۔
دنیا ءِ تہ ءَ زورگیراں مستیں پیلانی وڑ ءَ زوراکی ءِ کمک زرتگ ءُ زلم کتگ آیاں یک روچے الم شکست وارتگ، پہ درور امریکہ سپرپاور انت آئی ءَ ویتینام، ھراک ءُ اوگانستان ءِ تہ ءَ شکست وارت پد ءَ دومی برتانیہ، پرانس ءُ اسپین ءَ را امریکہ ءَ اپریکہ ءِ آجوئی ءِ جنگ ءَ شکست وارتگ۔
اے پٹ ءُ پول ءَ چہ پدر بیت ھر کجا کہ زورگیر ءَ تاگت کارمرز کتگ اود ءَ نود درسد جنزانی تہ ءَ زورگیر ءِ ھلاپ ءَ ”شورش“ ودی بوتگ نزوریں راجانی راجی جنزان ءَ سیت ءُ نپ رستگ پد ءَ دومی نیمگ ءَ لھتیں زورگیر تاگت ءَ ابید دگہ جنگی ھُنر کارمرز کن انت ءُ پٹ ءُ پولے ءِ رد ءَ اود ءَ ھپتاد درسد جنز اولی سال ءِ بندات ءَ پروش ور انت ءُ ھلاس بنت تھنا دو در سد وتی جنز ءَ مزنیں مدتاں برجم دار انت۔
راجی جنز ءِ جھد ءَ را یکشلا برجم دارگ مزنیں سوبمندی یے زانگ بیت پرچا کہ زورگیر ءِ پیشبندی (منصوبہ بندی)، (حکمت عملی) کار رھبند، راجی جنزانی بھر ءُ بانگ کنگ رھبند ءِ نہ بوھگ ءِ کمی ءُ یک دومی ءَ برداشت نہ کنگ ھمے رنگیں چیز پہ راجی جنز ءَ تاوان جوڑ بوتگ انت ھچ راجی جنز زورگیر ءِ زوراکیاں چہ ھلاس نہ بوتگ انت بلکیں زلم ءُ زوراکیاں راجی جنز مھکم ءُ پزور کتگ انت بلکیں زورگیر ءِ لالچ دیگ ءُ رپک ءُ ھنر کارمرز کنگ ءَ راجی جنز ءَ را اندری نزوریاں گیشتر نکسان داتگ چش کہ انگولا ءَ UNATA کو پرتگال 1975 ءَ داں 2002 تاگت ءِ زور ءَ ھلاس کت نہ کرت آ بلکیں گیشتر مھکم بوت ھمے رنگ ءَ موزمبیق کی راجی جنز تاگت ءِ زور ھلاس اِش نہ کت دومی نیمگ ءَ اسپین ءَ لب ءُ لالچ ءُ جنگی رپک ءُ ھنراں anti facist resistence gruop ھاموش کنگ بوت سیمی نیمگ ءَ کینیڈا ءَ تاگت ءِ زور ءَ ابید رپک ءُ ھنراں گوں front De liberation Du quebec ھلاس کت، ھرکس ءَ کہ سلاھبندیں جنگ کتگ اَت گند ءُ نند ءِ نام ءَ پروشگ ءُ لب لالچ دیگ بوت انت گوں ھنر ءُ ھیلہ رد دیگ ءُ ھلاس کنگ بوت انت۔
اے پٹ ءُ پول ءَ شہ پدر بیت راجی جنز زوراکی ءِ سبب ءَ ھلاس نہ بنت اگاں لھتیں راجی جنز نزور ءُ ھلاس بنت گڑا دژمن ءِ رپک ءُ ھُنر راج ءِ اندر ءَ کم زانتی ءُ راجی شھور ءِ نہ بوھگ ءِ ”اجتماعی“ مارشت نہ بوھگ ءِ سبب ءَ بھر ءُ بانگی ءِ ھرجان بوتگ انت زورگیر ءَ آیاناں ھلاس کتگ۔
