تاکدیم: 172 تاں 173
یک زانتکارے ءِ گُشتن انت کہ ”مردرمانی گورا تاگت ءِ کمی نہ انت (مستقل ارادہ) دلجمیں ارادگ کمی انت“ اے کار ءِ کنگ ءَ پہ گیشتر مردمانی کرّ ءَ بودناکی ءِ کمی نہ انت، بلے آئی پاھدگ ءَ اے واستا چست کت نہ کنت پرچا کہ (استقلال) دل ستکی ءَ گوں داں دیراں جھد ءُ کوشست نہ کن انت، سوبینی ءَ پہ دراج کشیں جھد ءُ مھکمیں ارادگ المی انت، اگاں تو وتی کوشست ءِ جوانیں آسرے گِندگ لوٹ ئے گڑا ترا جیڑگ ءُ زانگ لوٹ ایت ترا مزنیں مدتے داں ودار کنگ کپ ایت، اگاں تئی تہ ءَ ودار کنگ ءِ تاگت نیست گڑا پہ وتی واستا جوانیں سوبمندی ءَ امُیت کشگی نہ انت، زندمان ءِ یک لبزانی تہ ءَ اِش انت….. تو امنچو گیش ودار کن ئے امنچو گیش سوبین بہ ئے۔
راجی زندمان ءِ جوڑشت کمو وھد ءَ اوں بوت کنت ءُ باز مدت اے واستا درکار بیت کہ اے چیز چارگ بیت تو چے رنگیں راجے جوڑینگ لوٹ ئے- اگاں راج ءِ اندر ءَ تھنا جزبگ ودی کنگ سیت مند انت، تو اے گپ ءَ شموشکار ءِ آیوکیں وھد ءَ ایشی ءِ ھرابی ءِ آسر چی بوت کن انت- مھلوک ءِ تب ءِ ھساب ءَ مھلوک ءَ را دزبندی کنگ ءُ توار کنگ ءُ اوگام جنگ ءَ کمو وھد ءِ واستا مچی یکجاہ کنگ ءَ تو سوبینی یے سرپد بہ ئے، اگاں تئی گوّرا روانک ءُ مچی ءِ راجی جوڑشت ءِ نام انت اے گڑا چونیں راجی جوڑشتے؟ اناگھی بہ گند ئے ترا چشیں موھے ترا بہ رس ایت چوناھائی ھو برے برے چش بیت کنت، بلے راستی ءَ راجانی جوڑشت قیادتے ءِ جوڑشت انت، پرچا کہ اے رنگیں کُوکار ءُ سلوات ءَ وھدی ھساب ءَ لھتیں سروکاں سیت ءُ نپ بوت کنت بہ رَس ایت، بلے انسانانی اے یکشلا (تسلسل) ءَ گوں برجمیں مچی ءَ را ھچ رنگیں سیت ءُ نپ نہ دنت بزاں راج ءُ ڈیھ ءَ را۔
یک ھسابے ءَ چارگ بہ بیت اے کار یک دروشمے ءِ زوراکی ءُ لگتمالی یے کہ مھلوک ءِ کمک ءَ نپ چست کن ءُ وھدی ھساب ءَ وتا رھشون منارین، چوناھا سستائیں رھشونی ءِ ھاسل کنگ ءِ یک وڑ ءُ پیمے ھمیش انت، ھمے کار ءَ بے بستاریں مردم نادانیانی بنیاد ءَ وتی زاتی واھشانی سرجم کنگ ءِ واستا ھمے راہ ءَ گر انت۔
اے اگاں راستے ءَ یک راجے یکجاہ کنگ لوٹ ئے اے گپ ترا یات دارگی انت انچو بزاں تو(شیرین بلوط) ءِ درچکے کشگ ءَ ئے نا کہ کُوٹگے ءِ ولے (شیرین بلوط یک درچکے ءِ نام انت رُدگ ءَ سک دیر کنت بلوچی نام ءِ نہ زاناں)۔
اے یک انچیں کارے ایشی ءَ پہ پیسرا تیاری کنگ لوٹیت، کسانیں مدتے ءَ اے ھاسل کنگ نہ بیت، اگاں یک رھشونے انچیں اوگامے بہ جنت اے گُڑا آئی سادگی انت یا و آ وت پرستے (استحصالی زہنیت) داروکے- اگاں یک راجے ھمے پیم انت کہ مزنیں ودارے ءَ ابید سوبینی ءُ دیمروئی ءِ کلات ءَ گندگ لوٹیت آیاں گڑا زانگ لوٹ ایت اے رنگیں کلات تھنا ھیالانی تہ ءَ جوڑ بنت، اے ڈول راستی ءَ ھچبر بوت نہ کنت۔
