1893 ءِ نومبر ءِ دوازهمی روچ ءَ ، انگریزانی هلگر کنوکیں واکدارانی جرنیل « هنری مرتیمر دیورنڈ » بلوچستان ءِ دلگاه ءَ کشکے کشیت وبلوچستان ءِ برزی هلاکهاں ، اوگانستان ءِ بادشاه عبدالرحمن خان پٹان ءَ که آهانی کاسگ لیس ات دات و همے کشک یا سیمسر که بلوچستان ءِ دلگاه ءَ رندگ و کشگ بوته ، تاں هنوں همائی ءِ نام ءَ « دیورنڈ ءِ کِشک » زانگ بیت . « دیورنڈ ءِ کشک » تهنا بلوچاں بهر نه کرته بلکیں پٹانانی ملکی هم دوبهر کرته و اے کشک تاں مرچیگیں روچ نه پٹاناں منتگ و نه بلوچاں ! « دیورنڈ ءِ کشک » ءَ انگریز همے هاتر کشیت که بلوچ و پٹاناں بهر _ بهر بکنت تاں بلوچانی جنز پرشیت و ایدگراں هم په بلوچانی جنز ءِ پروشگ ءَ که انگریز اش تاں نپس رسینتگ ات ، آئی ءَ مدت کننت . هندی ، سندی ، پٹان و بلوچانی آزاتی ءِ جنز آهر ءَ انگریز اش چه اے دمگ ءَ گلینت ، بلے کلپ و کیورّیں انگریز وتی کوٹکیں چُک ءَ په اے هلاکه ءِ بیرانی ءَ همدان جوڑ کرت و نادینت که نامی پاکستان انت . ایشی ءِ روچ هم گوں راجانی پوه و سرپد بیگ ؛ همیش انت هلاسی ءِ نیمگ ءَ روان انت .
کریم تھل
