ھمگام بلوچی
راجدوستی ءِ مراد ھمیش اِنت وتی کھول ءُ ٹَکّر ءِ پدریچ یا کہ وتی ملک ءَ چہَ وت ءَ اوّل تِر بزاں شَرّ تر دوست بہ دار۔ ھر ھال ءَ وتی راج ئے مھلوک ءِ کُمک ءُ پلامَرزی ءَ بہ کن ءُ وتی راج ءِ دیمروئی ءِ جُھد ءَ بکن اِت۔
راجدوستی ءِ بنگیج چَہ 18 سدی ءِ کْوھنیں دور ءِ جاھلیت ھست اِنت۔ کدیمیں زمانگ ءَ انسان ءِ جزبات ءُ مارشت کوم ءِ جاگہ پدریچی یا کُٹُم ءَ گوں ھمگْرنچ ءُ بندوک بوتگ اَنت پمیشکا گْوش اَنت کہ آ وھد ءَ ابید راجدوستی ءُ پدریچی گیشتر بوتگ پمیشکا آ پدریچ دوستی ءِ دور گْوْشگ بیت۔
ارستو وتی وانگی ” السیاست” ءِ تہ ءَ پدریچی ءِ مارشت ءُ جزبات ءَ چو اے وڑ ءَ درشان کنت
“دگنیا ءَ دْرندگیں راج تھنا ھمے واستا پیداک کتگ اَنت کہ آ داں سرجمیں زند ءَ گلام بہ بنت۔
ھمے کتاب ءِ تہ ءَ ارستو دیمترا نبشتہ کنت کہ انسان ءِ اے وڑیں پدریچی یا تبکاتانی گلام کنگ ءِ واستا ما ھم جنگ بکنیں۔ آئی ءِ گْوشگ چو اے وڑا انت وھدے کہ پدریچ تبکات ءِ مردم پہ گلام کنگ ءِ واستا جوڑ بیتگ اَنت ءُ ارستو ءِ اے سَسّا اے وھد ءَ شَرّتر ءُ آسان تر انسانانی مَجگ ءَ کیت یونانیانی نزیک ءَ وھشی ءِ بزانت گیر یونانی راج اَنت یونانی راج آ زمانگ ءَ اے سرپد بیتگ اَنت کہ یونانی راج ءِ شرپ ءُ انسانی ھک ءُ ھکوک چَہ دگہ راجاں جتا اَنت۔
راجدوستی ءِ راجدپتر:
راجدوستی ءِ نادْرائی ءِ پیڑینگ مزنیں وھدے ءَ تاں ایساھیت ءِ زورانسراں داشتگ بیتگ ءُ ایشی ءَ پد رومن شھنشائی ءَ ھم مزنیں جُھدے کتگ۔ پوپ ءِ ارواھی ءُ شھنشاہ ءِ سیاسی اگدار یکجاہ بیتگ اَنت سکیں مزنیں وھدے ءَ تا علم مسیھی ءِ منّوگراں یک سسّایے ءِ سر ءَ مُھکم بہ کن اَنت ۔
اے نیکراھی ءُ شھنشائی زورانسراں وت ما وتی تچ ءُ تاک، سِلیں کار، زُلم ءُ زورانسری نوکیں دور ءِ علمی بیداری ءَ شانزدومی سدی ءَ سیاسی نیکراھی جُنزے ودی کُت آ جُنز ءَ اسلاہ ءِ جُنز (پروٹسٹنٹ اسلاح کلیسیا) گوش اَنت۔
اے جُنز ءَ جھاں ءِ مگرب ءَ را چَہ چرچ ءُ شھنشاھی رِد ءُ رھبنداں جانچُٹی دات یورپ ءَ ایشی ءَ یک تاوانے ھم بوت کہ ھما راج کہ وت ماں وت یک سْیادے ءَ گوں ھمگرنچ بیتگ اَنت آ سْیادی ھلاس بوت۔
سِلاہ ءِ جُنز ءَ جْوانی ءَ ایشی ءَ یک ارواھی تالک بزاں ھمگرنچی یے جوڑ کُت نہ کُت بلکیں ایسائی راجانی میان ءَ ھما روھانی تالُکت بزاں ھمگرنچی کہ چد ءُ پیش ایسھی راجانی میان ءَ ھست اَت ۔
نیکراھی ءُ سیاسی تپاکی ھمگرنچی پرشگ چد ءُ پد دوبر ءَ اے ساجگیں راج یکے گوں دومی ءَ جتا بیت اَنت۔ ھمے جتائی ءِ سوْب ءَ وتواجھیں راجانی استان ٹھینگ بنت۔
ھر راج ءِ زبان ءُ سْیاھگ جتا جتا دیمروئی کنگ بندات کن اَنت۔ پد ءَ چوش بیت کہ ھر راج ءِ زَری سیت ءُ پائدگ چہ دومی ھمساھگیں راجاں جتا بیان بنت۔ ھمے واست ءَ نسلی، سیاسی، زَری ءُ دودمان ءِ بُنّ ھِشت ءَ راجانی یک نوکیں سسّایے پیدک بیت آئی ءَ سرپدی ءِ کدیمیں جاھلی ءِ پکرے جاگہ گیپت۔ پد ءَ جتاجتائیں راجانی جیڑہ، چشمک ءُ بیگری ءِ ترامگام یکشل ءَ بندات بیت۔
جنگ بندات بنت یک راجے ءِ دومی راجانی ھک ءُ ھکوک ءِ سر ءَ زورانسری کنت، زلم ءُ زالمی ءِ بد رنگ ءُ کارکردگی گندگ ءَ کیت ھمے واستا
راجدوستی ءِ جزبات ءُ مارشتاں روچ پہ روچ تْرُندی پیداک بیت گُڈّ سری ءَ انچوش بیت کہ راجدوستی ءِ اھساس کم کم ءَ دیمروئی کنان بیت ءُ راجدوستی ءَ بدل بیت۔
