سپرنامہ سیدی رئیس
ھمگام بلوچی
گُڈّی بَھر
سیدی رئیس ءَ سپرانی تہ ءَ بلوچ زر ءُ تیاب دیم ءُ سندھ ءِ ھکومتی چست ءُ ایرانی باروا بازیں گشتانک ھست اَنت چوش کہ چہ سیدی ءِ نبشتھاں مارا گوادر ءِ آنوبت ءِ ھاکم جلال الدین بچ دینار ءِ ڈس رس اِیت کہ گہ نبشتانکان تہ ءَ کس ءَ نام نہ گپتگ سندھ ءِ سیاسی چست ءُ ایرانی سر ءَ سیدی ءِ نبشتھانی باروا نامی ایں سندھی ندکار سید ھسّام الدین راشدی نبشتہ کنت کہ سیدی اِلمی رئیس (سیدی ءِ جند ءِ کتاب ءِ سرءَ تھنا “سیدی رئیس “) نبشتہ اِنت ۔
سندھ ءِ باروا نویستگیں در مزنیں تاریکی مڈّی یے ءِ جھت ءَ داریت آ سندھ ءِ ھما نوبت ءَ سر بوت کہ شاہ ھسین ارگون (ارغون) ءِ ھاکمی استال مرمران اَت سلتان مھمود ءِ مرزا اِیسا ءِ جنگ ءَ پد ءَ مرزا شاہ ھسین ءِ مرگ ءُ پدی سیاسی پروشت ءُ پروش سیدی رئیس ءِ دیم ءَ بوتگ ات انت تاریک تاھری ءِ تہ ءَ کمو اشاراہ ھست ءُ میر (معصوم) مئسوم ھاموش انت بلے سیدی رئیس ءَ سَپاہ نبشتہ کُتگ کہ ماہ بیگم ءِ سر ءَ شاہ ھسین ءَ راز ھر چارینگ ءِ دو بہ جنئگ بوتگ.
سید ھسام الدین راشدی دیمترا نبشتہ کنت کہ سیدی رئیس ءِ ھندوستان ءِ باروا نبشتہ ایں اھوال مئے تاریک ءِ باروا انت گوں ھمایوں ءَ سلتان مھمد بکھری ءِ شپارش ءُ پارت ءُ نزیکیانی بابت ءَ کاگد ءُ نمدی ھما وھداں گشتگ ایں شئیر ءُ شائری انچیں مڈّی انت کہ چہ اے ھالاں مئے جندے تاریک ءُ دپتر چَٹّ ھُورک انت سیدی رئیسبءَ ھمایون ءِ مرگ چم ءِ وت دیستگ اکبر ءِ بادشاھی منسب ءِ سر ءَ نندگ آئی ءِ دیم ءَ بوتگ.
مولانا مودودی ‘تپھیم کلام پاک ” تپسیر ءِ تہ ءَ نبشتہ کنت کہ تُرکی امیر البھر سیدی رئیس ءَ وتی زری سپرانی تہ ءَ پارس ءِ دریا ءِ سُوریں آپانی چیرءَ اوّلی گشتاں وشیں آپانی چمگ درگپت انت کہ اے چمگانی بیان ( الفرقان).سورہ پنجاہ ءُ سیمی آیت ءِ تہ ءَ اِنت
سیدی رئیس ءِ نبشتہ کُتگ ایں اِلمی مڈّیانی تہ ءَ ” محیط ” کہ بلوچ زر ءِ اومان ءِ ھور ءِ ھال ءُ ھندی زری موسمانی باروا اِنت ماں 1554 ءَ آئی ءَ نبشتہ کُتگ ” شیئر” کہ آئی ءِ شائری انت ءُ سیاھگ ءِ دروشمءَ انت چاپ نہ بوتگ” مرات الکائنات ” یک کتابے ھم سیاھگ ءِ دروشم ءَ انت ءُ انگت ءَ چاپ نہ بوتگ ” مرات الممالک ” آئی ءِ زری سپر نامہ انت یک نامی ایں ءُ چہ زری دگنیا ءِ ھالاں پُریں کتابے کہ تاں اے وھدی ایش ماں ” جرمنی ، پرانسیی ، انگریزی ءُ اردو ءَ رجانک بوتگ بلے اردو رجانک ءَ را دلجمی ئیں تریّنک ئے گشگ نہ بوتگ اے رِد ءَ واجہ راشدی ءِ گشگ انت کہ اردو رجانک چہ نُکس ءَ پُر انت ءُ گوں اسل کتاب ءِ تب ءَ نہ ٹھیت.
بُرز ءِ پیش داشتگ ایں نبشتھاں ابید سیدی ِرئیس ءِ بلوچ زر ، ھُر مزآپ ءُ اُمان ھور ءِ زری سپر ءِ بازیں ھال نبشتانکانی تہ ءَ انت کہ نزّ آرگ نہ بوتگ انت اے دراہ ءَ تُرکی زبان ءِ بولی اُسمانی گالوار ءِ تہ ءَ اَنت ایشانی تہ ءَ الم بلوچ زر ءُ بلوچ تیاب دیمی شھر ءُ میتگانی باروا کارآمدی ئیں مڈّی مان بیت کہ پولگ ءُ درگیجگ ءُ دیم ءَ آرگ لوٹ انت
. ۱ سرشون ۔ (طوائف) الادبیہ چہ مولانا اَبدُل ازیز ایمنی چاپ ( قاھرہ) 1937
۲ سرشون ۔ ٹرّکش. لڑیچر چہ ایچ ایف ھوف مین.
سیمی سرشون .ھیوز ءِ سندھ گزیٹئر ءِ در ” ننگرپارکر”
۴ سرشون . راج دپتر سندھ چہ ( معصوم) بکھری
۵ سرشون . گالیھوں گوٹ وٹن جوّن چہ سید ھسام الدین راشدی.
گُڈی سرشون ۔ ( الپت نسیم)
ھلاس
