کوئٹہ (ہمگام نیوز) مستونگ کے علاقے میں حادثے کے نتیجے میں نوجوان ہلاک ہوگیا۔ تفصیلات کے مطابق مستونگ میں لکپاس کے قریب ٹریفک حادثے کے نتیجے میں ملک حافظ ابوبکر ہلاک ہوگیا۔
نعش ہسپتال منتقل کردی گئی۔ نعش ضروری کارروائی کے بعد ورثاء کے حوالے کردی گئی۔ مزید کارروائی مقامی انتظامیہ کررہی ہے۔
دریں اثناء حب کے علاقے کنڈ گڈانی الہ نہ گدور گوٹھ کے قریب مچھلی کا شکاری سمندر میں گر کر جاں بحق ،نعش حب اسپتال منتقل کردیا گیا۔
اس حوالے سے ایدھی ریسکیو ذرائع کے مطابق حبکو پاور پلانٹ الانہ گدور گوٹھ کے قریب سمندر کنارے مچھلی کے شکار کے دوران عبدالسبحان ولد عبدالواحد نامی شخص سمندرمیں ڈوب کر جاں بحق ہو گیا۔
متوفی کی نعش ایدھی ایمبولینس کے ذریعے جام غلام قادر گورنمنٹ اسپتال حب پہنچانے اور قانونی کاروائی کے بعد ورثا ء کے حوالے کردیا گیا متوفی کراچی کے علاقہ شیر شاہ کا رہائشی تھا ۔
