لیو ن ٹالسٹائی
1_ جنجشک ( جِنگ )
2_ بینگ ءِ نریں و مادگیں مسسک
3_ ماهیگ و ماهیگ گِر
4_ روباه و گوراگ
5_کِرِتن و زیتون
6_ شیر ، گرک و روباه
7_ آهوگ و آهوگ ءِ گورگ
8_ کارکنوکیں املیان و هورکیں ڈهل
9_ شَــپَـــرّ
10_ مرد چون ٹامبه ءَ چه راه دور کرت
11_ بلوط و جُؤز
12_ اپس و اپس دار
13_ الگا و وازوزا
14_ مردک و هیار
15_مُشک
16_ شهری و کوهی مُشک
17_ داد
18_ مار
19_ هبر مه زوریں اپس
20 _بادشاه و پیل
21 _ شاه و بانز
22 _ تولگ و پیل
23 _ شات و دان
24 _ وانندهیں بَچ
25 _ آپانبُڈو و ماه
26 _ تپر و هَرّگ
27_ جَؤز ءِ ٹال
28 _ جهان ءَ زلم ءِ بیه
29 _ الگ ءِ مَؤت
30 _ گهتریں ناکاں
31 _ مُرگاں و تور
32 _ چَرز و آئی ءِ چوکواں
33 _ آسک و هَنگور ءِ تاک
34 _ مرد و اپس
35 _ جنکویں مُشک
36 _همبار ءِ چیر ءِ مُشک
37 _ اپس گاڑی ءَ سواریں مم
38 _ گرک
39 _ مهمانجاه
40 _ گوراگکاں
41 _ چَرز و آئی ءِ چوکواں
42 _ روباه ءِ دُمب
43 _ کباه
44 _ شیری گوک
45 _ کوهی و شهری هَر
46 _ شادیک
47 _ شیلڑیں مرد
48 _ گوراگ و گوراگکاں
49 _ دو سوداگر
50 _ ماکیان و آئی ءِ چیپلاں
51 _ کچکاں و کن وَر کنوک
52 _ بوم و کرگوشک
53_ شاهیمک و کروس
54 _ بولکا و گراز
55 _ من چون اپس سواری بلد بوتاں
56 _ گلامی چه شکار ءَ گیش
57 _ سرپدی
58 _ ترو و آئی ءِ رامگیں جنجشک ءِ کسه
59 _ شادیک
60 _ مزنیں بادشاه پتر و پیره مرد
61 _ راستی چه هر چیز ءَ سر انت
62 _ زوت باورین گوراند
63 _ لوگواجه و کروس
64 _ کچک و دُزّ
65 _ کچک و کچک ءِ واهند
66 _ شکاری و چَرز
67 _ مورمُرگ و کنج
68 _ مورمرگ
69 _ مِـٹــو ( ادان ؛ دَهمی انت )
جنجشک
جنجشک دیست که مردماں کرپاس تهماں کشگ انت . بالی کت و شت مُرگانی گوئشت :
_ مرگاں هرچی زوتر بال کنیت و برو ات کرپاس ءِ تهماں ور ایت . کرپاساں اگں رُد انت ، آهاں لوکه دَیَنت ، مردماں لوکهاں مُچ و گوں آواں ، بندیک و دَسَگ ریس انت و چه بندیکاں تور گوپ انت و گوں تور ما را گر انت .
مُرگاں جنجشک ءَ گوش نه کرت و جنجشک ءِ جند سرجمیں تهماں وارت نه کت . کرپاساں رُست انت و پُلّ اش کت و اپدا جنجشک چه آواں لوٹت آهاں چونگ چن انت و لیڑین انت ، تاں چه آهانی لوکهاں ، مرگاں ازاب مه بنت . بلے مرگاں اپدا گوش نداشت .
وهدے که کرپاس ، لوکه بوت انت سئیمی گَشت آهانی توار کت و گوئشت . بلے اپدا گوش اش نه داشت . گڑاں جنجشک چه مُرگاں دلگران بوت و چه اودانی بال کت و دور و جتا بوت و شت گوں جهمنندیں مردماں نزیک و یکجاه نشت ( نِست ) .
بینگ ءِ نریں و مادگیں مَسِسک
گوں گرماگ ءِ رَسَگ ءَ بینگ ءِ نریں و مادگیں مسسکاں جیڑتنت که کے بینگ ءِ جوڑ کنوک انت ، نریں یا مادگیں . شؤر اش کت که آهانی شر ءَ گوئمز ( گودِرّ ) به گیشینیت . گوئمز آهاں گوئشت :
_ من شمئے شر ءَ هنوں گیشینت نه کناں پرچا که من نزاناں چه شما دوئیں کے بینگاں تیار کنت .شما چه یک و دگه جتا بئیت و ماں دو هالیگیں دندسک دان به روت . یکے ءَ نریں دندسک و دومی ءَ مادگیں . هپتگے ءَ چه رند من چاراں و شما را گوئشاں که کے گیشتر و گهتریں بینگ داتگ .
نریں دندسکاں نه مَنِّت و گوئشتش :
_ تئو هنوں مئی شر ءَ بجن و به گیشیں .
گودر گوئشت :
_ گڑاں من شما را هنوں گوئشاں ، شما نریں دندسکاں په اے هاتر نه منگ ایت که شما وت بینگ تیار کت نه کنیت و شما را وَش ءَ بیت که دگرانی جهدانی برکت ءَ ور ایت . مادگیں دندسکاں آهاں گَلّینیت .
مادگیں دندسکاں رتک انت و نریں دندسکانش رِدے لٹ دات .
ماهیگ و ماهیگ گِر
ماهیگ گرے ، ماهیگے گپت . ماهیگ آئیا گوئشت :
_ ماهیگ گر منا آپ ءَ یله کن . گندئے من کسانینے آں . من ترا سیر کرت نکناں . منا ویل کن ئے ، من مزن بیاں ، هما وهد بیا و منا بگر ، ترا گیشتر کار دات کناں .
ماهیگ گِر گوئشت :
_ هوڈ هما کس انت که په بازین ءِ تماه ءَ ، کمین ءَ ویل بکنت .
روباه و گوراگ
گوراگے ٹکرے گوشت ودی کت و درچکے ءَ نشت . روباه لوٹت آئی ءِ گوشت ءَ پُلیت ؛ آتک و گوئشتی :
_ هئو ، گوراگ ، هر وهد که ترا چاراں ، گنداں که تئی بالاد ، تئی رنگ و براه پوره شاه ءِ داب انت ! هئو تو پوره شاه بوت کن ئے ، اگں ترا جوانیے گٹے ببیت .
گوراگ وتی دپ ءَ پَچ کت شاکارتی تاں گٹی ساپتر بیت و تواری برزتر . گوشت کپت . روباه گوشت ءَ چکاپت و گوئشتی :
_ اُه گوراگ ، اگں ترا تشے زانت به بوتیں ، بوت که تو شاه به بوتین ئے .
کِرتن و زیتون
کِرتن و زیتون گوں یک و دگه جنجال کنان اتنت که کے مُهرتر و زوراک تر انت . زیتون ، کِرتن ءِ سرا ملنڈ کنان ات که هر گوات ءِ دیما لرزیت و سری جهل ءَ بیت . کِرتن چُپی ءَ گوشداشت انت .
مزنیں گئوش و توپانے بیت . کِرتن هر نیمگ ءَ چوٹ بیان و تُرّ وراں و لرزان ات و تاں زمین هم لچ ات بلے داشتی وتا .
زیتون گوں وتی ٹال و شاهڑاں ، گوات ءِ دارگ ءِ جهد ءَ کت ، بلے گوات آئرا سیلینت و آهر ءَ پروشت و دَؤری دات .
Результаты поиска
Результаты поиска по картинкамЛев и мышь (басня Эзопа
شیر ، گرک و روباه
پیریں و ناجوڑیں شیرے وپت ات وتی هونڈ ءَ . سرجمیں سهداراں په آئی ءِ گِندک ءَ آتک انت ، تهنا روباه ات که نیاتک . گرک په اے هاترا گلے چت که هنوں من روباه ءِ شیتانی ءَ کناں . گوئشتی :
_ روباه ترا نه مَرّینیت و ترا کسے هساب نه کنت . سرجمیں سهدار تئی گندک ءَ آتک انت ، بلے آئی یکبرے هم په بادشاه ءِ گندک ءَ نیاتک .
روباه تچاں چه هموداں گوئزان ات و گرک ءِ اے هبری اشکت انت . هما دمان ءَ دیما آتک ، پگری کت و گوں وت ، گوئشتی : « گرک دل ءَ بدار ، بچار که من ترا چون به کناں » . و آتک شیر ءِ کِرّ ءَ .
شیر آئی ءِ سرا گوں هِژم گُرّ ات . روباه گوئشت :
_ پیش چه مرک و ملامت کنئگ ءَ ، بلّ وتی هبراں به کناں . من اداں نبوتگ اوں و په همے هاتر اداں نیاتکگ اوں . اداں نبوتگ اوں په همے هاتر که سرجمیں جهان ءَ په دوایے په تئی الاج و درمان کنئگ ءِ شوهازءَ تتکگ اوں و سوج اوں کتگ . تهنا هنوں من اش سوج دات و گوئشت . و همیش انت که من آتکگ اوں .
شیر سوج کت :
_ کجام دوا تو زانت ؟
_ ایش انت دوا : اگں زندگیں گرکے ءَ تل کن ئے و آئی ءِ نوک پوست جتگیں وگرمیں پوست ءَ گوئر ءَ کن ئے …
_ روباه ءِ هبر هنگت نه کٹتگ ات …
شیر هما دمان ءَ گرک ءَ تل کت . روباه وتی دل ءَ کند ات و گوئشتی :
_ چش ، منی برات ، زانت ات . هدای ءَ نه گوں بد دلی ، بلکیں گوں مهراں پیکه یات کن ئے .
آهوگ و آهوگ ءِ گورگ
یگبرے آهوگ ءِ گورگ چه آهوگ سوج کت :
_ منی دوستیں پت ، تو مزنینے ئے و چه کچکاں ترس ئے ، هنگت ترا بلاهیں کانٹ پر انت که ترا رکینت کن انت . گڑاں پرچا تئو چش چه کچکاں ترس ئے ؟
اهوگ کند ات و گوئشتی :
_ منی چکلک تئو راست گوئش ئے . بلے منی یک بدبهتی یے ایش انت که هنچو که من کچکانی گپگاں اشکناں ، گڑاں من پگر نکناں و من تچاں .
کار کنوکیں اِملیان و هورکیں ڈهل