نوشکی (ہمگام نیوز) نوشکی کے آرسی ڈی شہراہ پر واقع ہوٹل کے قریب پر فائرنگ کے واقعے میں ایک شخص ہلاک اور دوسرا زخمی ہوگیا ہے۔
تفصیل کے مطابق نوشکی میں گزشتہ شب تین بجے آر سی ڈی شہراہ پر واقع محفل ہوٹل کے قریب نامعلوم افراد نے فائرنگ کرکے محمد حیات ولد رحمت اللہ گرگناڑی نام شخص کو ہلاک اور محمد یعقوب جمالدینی کو زخمی کردیا۔
واقعے کیخلاف محمد حیات کے لواحقین نے میت کے ہمراہ آر سی ڈی شہراہ پر پر دھرنا دیا۔
دھرنے کے باعث کوئٹہ ٹو تفتان روڈ پر ٹریفک کی روانگی معطل ہوگئی جس سے گاڈیوں کی لمبی قطاریں لگ گئیں۔
ڈی ایس پی اور ایس ایچ او کی قاتلوں کی گرفتاری کی یقین دہانی پر لواحقین نے دھرنا ختم کردیا۔
