بلوچستان ءَ انونیں وھد ءَ درست دُنیا زانت پیسر ءَ ھم زانتگ ایش انوں ھم زان اَنت بلوچستان ءَ دری راجانی دست ءَ دسگیر اِنت او دری راج شپ روچ پِگر مند اَنت چون بلوچ ءَ گیش گلام جوڑ بِکنی تاں منی دیم ءَ سر چِست مہ کنت وتی سرڈگارے سر ءَ سرھال جوڑ بوتگ پنجابی گجرے کِرّا بس ھمے کار ءَ بکن اِت بلوچاں تپاکی ءَ مئیل اِت ۔ دژمن ھر وھد ءَ پِگر مند اِنت بلوچستان ءِ زمین ئے کپ کپ کنگ ءَ شھراں دِگہ نوکیں نام پِر کنگ آھانی ناماں ٹگلینگ تاں منی زبان ءَ بہ بیت اے جاہ ءَ آ تئی بلوچی ءَ رَد کنت وتی زبان ءَ کار ایت ۔ بلوچستان ءِ گلام کنگ ءَ بازیں مُلکانی دست مان ءُ ھوار کہ آ مرچی دُنیایے سر ءَ تاگت وریں مُلک گُشگ بنت۔
ما بلوچ اے جاوراں تپاکی یے نیمگ ءَ وت را یک مُشت بکنیں اھلاکی شئوری یک دومی یے کُمک کنوک جوڑ بَئیت۔ دژمناناں مُدام ھمے بیم تُرس دِل ءَ اِنت کہ بلوچ وت ماوت تپاک مہ بیت وت ماوت جنگ بِبَنت۔ بلوچ آزات مہ بنت بِل اِت ئے گلام بنت۔
بلوچستان آزات بیت یک مُھکمیں تاگتے ءِ واجہ واھُند بیت ھمے دید ءَ بلوچستان ءِ آزاتی ءَ بازیں دژمناناں ءَ وش نہ بیت۔
انگریز ءَ را پیسر ءَ وش نہ بیتگ پہ بلوچ ءَ چمے سک بوتگ اَنت بلوچے مَادن ءُ زِراں انگریز جنگ کنت گوں بلوچ ءَ جُھد کنت بلوچ ءَ گلام بِکنی بلے بے سوب بُوت چہ ھندوستان ءَ پرمائش کنت دیم دنت بلوچستان ءِ دسگیر کنگ ءَ کادو ھجامے دروشم ءَ پاگی یے دروشم ءَ ۔ ھمے وھد ءَ انگت انگریز دژمناناں کُمک کنت بلوچستان ءِ بھر بانگ کنگ ءَ وام ایش دنت گاڑی ءُ جنگی بالی گُراب توپ ءُ ٹینکے دنت کہ بلوچان بجن اِت نسل کُشی ءَ ئے بکن اِت۔
زُلمے آس جمبور کُرتگ ھر لوگ ءَ بلوچ بچے زھگ ءِ ھور جَتگ چیریں زنداناں بندی کُرتگ اَنت کَھر اِشتگ بلوچ درآمدانی دست ءَ جُست پد بیت ھمے ھلکے مردم ءَ را پنجابی لاھوری یے جُست کن تو کُجی ئے زمین چنڈ جوڑ اِنت بلوچ ءَ را وتی جندے لوگے رَاوگ ءَ بازیں مُشکل دیم ءَ اِنت وتی جندے گُلزمینے سر ءَ بژن بلوچستانے تَہ ءَ بلوچ ءَ ویزا پاسپورٹ لوٹ ایت راھداری 14 روچے ٹِکسے ھم گیپت۔
ھما مردم اُشتوک اَنت ھمے کَش اِتگیں لکیرانی سرا کہ زانگ نہ بنت وت جِندے کُجی اَنت بلے مزلومیں بلوچاں انچو پٹ پول کن اَنت چو دری راجانی وڑ یک نیمگے پنجابی پوج دومی نیمگ ءَ ایران گجر بلوچ ماس گُھار پیر کماش شپانی وھد ءَ دارگ بنت سردی ئے سر ءَ چو درآمد ءَ جندے بلوچستان ءَ۔
چین گوادر ءَ ساڑی اِنت چابھار ءَ ھم ساڑی اِنت ھندوستان ھم چابھار ءَ بلوچستان ءِ سائل وسائل مادِناں چو مُرگے وڑ پُٹ روس کنگ ءَ اَنت۔
دُنیایے ھما گَل ادارہ کے وت ءَ را انسان دوست شاھی تب ھک گو انساپ دوستیں مُلک وت ءَ سرپد بنت ھما ھم چُپ ھاموش ساکِت اَنت۔
توتک ءِ بلوچانی مُچی یے جِسد سدَانی کچّ ءَ دَر بوت اَنت زانگ نہ بوت اَنت اے کَئی زی اَنت ڈی این اے نہ کُرت اَنت تاں زانگ بوتیناں یک ماتے ءِ بچ زانگ بوتین ماتے دِل تسلہ گِپتیں ۔ بلے انسانی ھکانی گَلاں وت ءَ وابیناں جَتگ بلوچانی ھون دیم ءَ نیا اَنت۔
بلوچ بزانت وتی دوست دژمن ءَ بلوچ واکی آزاتی لوٹ ایت یک راھے پشکپتگ اتپاک اتھاد گوں راھبند ءَ تاں دژمنانی ھُنر بے سوب بِبنت۔ اتپاک راھبند اے دوئیں چیزانی بُنیاد ءَ بلوچ وتی منزل سر بوت کنت ۔
بلوچ تپاک بہ بیت دُنیایے مستریں تاگت وراں بے سوب کُرت کنت بلوچستان ءَ تپاکی جاھے سر کُرت کنت ۔ تھنا رودرآتکے بلوچ ایوک ءَ بلوچستان ءَ آزات کُرت نہ کن اَنت چوش کہ دژمن یک اَنت ۔ رودرآتک روبرکت گوریچان ایش یکجاہ بِبنت دژمناناں پہ تچگ ءَ راہ نَبیت۔
گجر بہ بیت پنجابی بہ بیت چہ واب ءَ پاد کاینت یک نکشھے یک پگرے پہ بلوچ ءَ جوڑ کنت جِتا جِتائیں رنگاں انچُش وت ءَ را تپاک کُرتگ دژمناں بلوچ ھچ سُر اِت مہ کنت روچے نوکیں ھُنرے جوڑ کن اَنت تاں بلوچے زند گوں جنجال مُشکلاں بہ بیت جنجالیں کارانی سر ءَ وھدے بُروت۔
انچیں کار ٹائین اَنت نوک نوکیں کُج ءَ نہ کُج ءَ بلوچ ءَ مُشکول بکناں پگر جیڑ اِت مہ کنت۔ دژمنانی ھُنر چہ سیمسراں انگریز ءِ کش اِتگیں لکیران چہ زانگ بیت اگاں یکے بئیت دیدے بکنت۔
بلوچ وتی زھگے دیدار ءَ وتی بیمارانی گِندگ ءَ زَرکلدار بدنت بلوچ وتی لاش کُنٹاں بُرت نہ کنت۔ اے درست ھُنر اَنت تراشتگ اَنت دژمناناں پہ بلوچ مھلوک ءَ روچ پہ روچ نوکیں پندل جوڑ کنگ اَنت دژمنے کَش اِتگیں لکیرانی سرا گوں وتی جاسوساں۔
بلوچ وت ءَ واب ءَ چہ آگاہ کن اِت پاکیں بلوچستان ءِ کپ کپ کنگ جُھد ءَ بے سوب کن اِت دژمن ءَ پہ سبّکے درونتے جوڑ کن اِت گوں یکجاھی ءُ تپاکی ءَ درست راہ بُن بست اَنت پکد راھے پش کپتتگ اتپاک یکجاھی۔
