انسانی گرنچ ءُ پُتینکانی تہ ءَ اگاں پٹ ءُ پول کنگ بہ بیت بازیں نایابیں چیز گندگ بیت ءُ آئی ءِ سرا الم ھرکس یک تجربہ ءُ یک اھساسے پیداک کرت کنت بلئے راستی جند ایش انت کہ اول کس گرنچانی گوما وھدءَ زوال نہ کنت ءُ وتی وھدءَ نہ بارت بلئے وھد زوال کنگ ءِ گپ نہ انت وھدءِ کدر کنگ ءِ گپ انت پرچہ کہ پٹ ءُ پول ءَ تو,گیشتر داناءُ ھنرمند بئے,اے داناہ ءُ ھنر مندی انسانءِ مستریں سپت انت پرچہ کہ انسان اگاں نہ بزانت جوڑ بہ بیت گڑا,انسانیت ءِ سرجمیں دنیا گردش کت نہ کنت آ ھچ کس ءَ پجا نیاریت بس تہنا وتی جیڑہانی تہ ءَ مانشولیت. باھد ھر انسان سرجمیں انسانی ھمددرد ءُ ھم روانءُ ھم جیڈہ بہ بیت پرچہ کہ انسانءِ بندری رگ ءُ ھنڈال یک ھساب انت, من مرچی باندا یک چیزےگندگ ءَ آں کہ چاگردر لھتے انچیں انسان انت کہ ایشاں مرچی اے سائنسی دور ءَ کس بُوچے ارزشت نہ دنت هالانکہ بیدء اشاں زندگی ءِ لوٹ سرجم نہ بنت. اے مزنیں ناراوئی ئے پرچہ کہ ھرانسانءِ وتی پجارءِ وتی Feld work ءِ وتی ھترامے انچش کہ مزدور یا پوریاگر انسانی چاگردءِ مستریں زلورت انت، انسانی چاگردءِ دیمروئی ءِ بنیادی منک پوریاگرانی منت ءُ هیدریچیانی برکت انت، بیدء پوریاگرءَ انسانی زندگی ءِ هچ تک ءُ پهنات سرجم نہ انت، مرچی همے پوریاگرانی هیدریچی ءُ دست ءُ پادانی تْرانبلانی برکت انت، کہ انسان آسودگیں زندگی یے گوازینگ ءَ انت، انسانی چاگردءُ زندگی ءِ درستیں تک ءُ پهنات پوریاگرءِ منت ءَ آسودگ ءُ سرجم، آ توری سهت ءُ سپرءِ وسیلہ بہ بیت کہ پوریاگرءِ دستانی تراولاں چہ جوڑبیتگیں روڈءُ دگ یا گاڑی ءُ مشینانی آسنانی ٹپگ ءُ پرزه پاٹ کنگ،آ آرام ءُ آسودگیں ماڈی ءُ بلڈنگانی تہ ءَ وشوابیں زندگی کہ چہ پوریاگرءِ دستانی کمال ءَ ابید ناسرجم انت، یا نادراه جاه ءُ وانگ جاهانی ماڈی ءُ بان بہ بنت، بلے مرچی ما گندگ ءَ انت کہ پوریاگرانی زندگی گوں چینچو ازابی ءُ تکلیپیاں گوں دچار انت، پہ سینسدءُ پنچسدکلدارءِ روزءَ سجهیں روچ ءَ زگریں روچ ءِ سرءَ هیدریچی کنت ءُ سرمایہ دارانی زندگی ءَ وش ءُ آسودگ کنگ ءِ جهدءَ کنت، بلے وت هما سرمایہ دار کہ لکانی هساب ءَ پگار گیپت پہ پوریاگرءَ چینچو مهربان ءُ مهروان انت، اشی ءِ اندازه ءَ من همدءَ جت کن ایں کہ دنیاءَ پوریاگرانی روچ دارگ بیت بلے آیانی آسودگی ءِ واستا هچ وڑیں پگرءُ مارشت نیست، همے پوریاگرانی روچ دارگ ءِ درگت ءَ سرمایہ دارءُ زردارانی موکل انت بلے وت بزگیں پوریاگر زگریں روچ ءِ سرءَ گوں ٹیکم ءُ کونڈالاں وتی دستانی تراولاں هساب کن انت، اے کج ءِ برابری انت اے کج ءِ انساپ انت،،، دنیا ءِ درستیں پوریاگر ءُ منتکپ کش وش ءُ آسودگ بات انت،،
