کلات (ھمگام نیوز) ھالانی رد ءَ سلاہ بندیں مردماں کلات ءِ دمگ گیتانی ءَ راہ ءِ بند کتگ ءُ چیک کتگ۔ چیکنگ ءِ وھد ءَ یک سلاہ بندیں ریاستی کارمندے تیرگواری ءَ بیران بوتگ۔
گیشیں ھالانی ءِ رد ءَ گوستگیں روچ ءَ 8 بج ءَ کلات ءِ دمگ جوھان ءُ نرمک ءِ نیامی ھند گیتانی ءَ سرمچار گندگ بوتگ سلاہ بوتگ انت آیاں دگ بند کتگ ءُ پٹ ءُ پول بندات کتگ تاں 8 بج ءَ برجاہ بوتگ۔
دمگی مردمانی رد ءَ اے پٹ ءُ پول ءِ وھد ءَ سلاہ بند مردمانی پجار کاڑ چارگ ءَ بوتگ انت ءُ یلہ دیگ بوتگ انت۔
ھالانی رد ءَ گْوشگ انت کہ ھمے وھد ءَ یک سرکاری کارمندے اتکگ دگ بند کتگیں جاہ ءَ وتی سلاہ در کتگ ءُ سنگر سر بوھگ ءَ گوں تیرگواری ءِ بندات کنگ ءَ پہ پیسرا سلاہ بندیں مردماں تیر جتگ ءُ کُشتگ۔
بیران بوتگیں مردم ءِ پجار ابدالرزاک ءِ تالب ءِ نام ءَ بوتگ کہ آھالد لانگو ءِ نزیکیں کمکار بوتگ ءُ بنیات ءَ گشگ انت کہ آ ریاستی کارمندے بوتگ۔
انگت ءَ ھچ گل ءَ اے وئیل ءِ ذمہ واری نہ زرتگ۔
