ھمگام بلوچی کریم تھل
بلوچستان: آزادی ءِ لوٹ و مراد هما وهد که تو وتی مراداں و واهگاں سَک و باز به لوٹ ئے ، بزان تو وتا آ مرداد و واهگ ءِ بندیگ کن ئے که تئی واب و آرام ، هما بیت و بس ! وتی راج و وتی ملک ءِ آزاتی و گهبودی ءِ مراد و واهگ ءِ لوٹ ، زندگیں مردمانی مَستریں و گهتریں واب انت که په آئیا زر انت ، په آئی جیڑانت و جهد کن انت و په آئیا مر انت . پرچا که ماں آزاتی ، آئی ءِ راج ، آئی ءِ زهگ و نواسگ ، آئی کسانیں برات و گهار ، سیاد و مردم ، آئی ءِ راج دورو ایمن بنت . په وتی آزاتی ءَ ، راجاں بازیں بها داتگ و دینت ! ازاتی ءَ تو هما وهد رست کن ئے که تو واکدار و زور به بئے ، تو واکدار و زور بیت نه کن ئے ، ابید چه ایشی ءَ که گوں وتی راج ءِ درستیں و یا گیشتریں جهدکاراں ، مُچ و یکجاه و همراه بئیت .
