اے جنگ مانا دار اَنت ھر مُلک وتی نَپانی واست ءَ جنگ کنگ ءَ اَنت وتی پجارے منّارینگ ءَ ۔
اسرائیل ءِ جنگ ایران ءِ جنگ اے ھما جنگ اَنت کہ ایران ءَ باز زالمی کُرتگ ھر جاہ دِگرے زمین ءِ سر ءَ ھون ریزی کنگ ءَ اِنت ھون ریزی ءِ واستہ کِرایا کُش داشتگ ءُ دست ءِ ھوار اِنت بازیں جاھاں بلوچ راجے روچے پانزدہ15 شانزدہ 16 نپر پاھو دنت پہ چُنڈے نان ءِ ھاتر ءَ کہ وتی زھگوکانی شپ روچے گوازینگے ھاتر ءَ در کپ ایت کارے کنت کہ منی گوانڈو چمدار مہ بنت تیرے کنت کُشیت ئے زھگانیں چورہ کنت جنینانے جنوزام کنت گِسان ئے سوچیت ءُ ویراں ءُ برباد کنت جندے سرڈگارے سر ءَ روچے چند بلوچ پرزند گِیپت بارت ماتانی دپاں تھل کنت زھگان ئے تھاریں زنداناں بندی کنت اے زالمیاں کہ زوراک بلوچانی سر ءَ کنگ اَنت من ھرچیکس نبشتہ بکنی انگت کم اَنت ھمے زالمیانی تَھ ءَ آئی سر ءَ اللہ ءَ ھما کِساس کَچ کدے تاگت ورے آرتگ سر ءَ داتگ۔
ایران ءَ را اسرائیل ءِ جنگ ءَ گِپت انچو نرمی کُرت بلوچ واوا کُرت گوانکوانی تھ ءَ کلو پیگام کُرت جی منی بلوچ جی منی راج گوں من ھمکاری کن اِت من ءَ ھال اھوال بکن اِت منی گوانکو لمبر ایش ایش اَنت پرچہ کہ تنگ آت۔
بلے بلوچ مھلوک سرپد بو کہ اے جنگ تئی نہ اِنت اینکس سادگ مَبے اے ھما اَنت کہ تئی بلوچ ھر روچ پاھو دات اَنت پہ دپارے نان ءَ تیر کُرت کُشت اَنت۔
ایش اِنت مرچی بچار کہ جنگ اوشتوک بوت پد ءَ بندات کُرت اَنت کلاموری بلوچ ئے سر ءَ ۔
اے وھد بلوچ تئی سرپد بوھگ ءِ وھد اِنت وتی دوست دژمن ءَ بزان ھچ سر واجہ ئے تھت ءِ سرے بلوچ ئے دوست نہ بوتگ ھر راج ءِ کہ آتکگ تھت ءِ سر ءَ آئی ھما کار کُرتگ کہ پیسری تھت ءِ سرے نپر ءَ کُرتگ راجدپتر ءَ بچارے پھک تھت ءِ سرے مردماں بلوچ نسل کُشی کُرتگ ۔
تھنا ایران پاکستان نا بلکیں دُنیا ءَ بچارے آھانی ھم دل ءَ نہ لوٹ اِتگ پہ بلوچستان ءَ پکد دُنیا ءَ بلوچستان ءِ گنج مادانانی سودا جتگ پہ وت بُرتگ پہ وتی راج ءَ پہ وتی سرڈگار ءَ وتی سرڈگار ءَ را کانچ شیشگ جوڑ کُرتگ بلوچستان ءِ ماداناں چے۔
اے درست تاگت ورانی پگر پہ بلوچ ءَ یک ھساب ءَ اَنت۔
انسان دوستی چُٹ اِتگ چہ ھما جاھاں کہ وت ءَ را انسان دوست انسانیت ءِ مستریں ھُدا پھم انت ھماھاں ھم دُنیایے لالچ ءِ دُمب ءَ وت ءَ بھا کُرتگ بلوچ ءِ ھوناں گند اَنت چُپ ھاموش اَنت۔
اے چیز ءَ باید ما بزانیں انوں منی دژمن ءِ دژمن منی دوست بیت ایران کہ مئے نسل کُشی ءَ کنت گڑا اسرائیل امریکہ ایران ءَ جن اَنت اسرائیل امریکہ تاں کہ منی دژمن ءَ جن اَنت منی دوست بنت اے جنگ اسرائیل ایران ءِ پہ بلوچ ءَ نپ پائدگ اَنت۔
بلے ھمے دُنیا ءَ چار اِت اے جنگ پہ بلوچ ءَ پائدگ اِنت وت ما وت نِشت اَنت پگرے کُرت اے جنگ دیم ءَ شُت گڑا نیام ءَ بازیں دِگہ نوکیں مُلک جوڑ بیت ھمے تُرس ءَ جنگ بندی کُرت۔
13 سینزدہ روچے جنگ ءَ بلوچ آسودگ آت اَنت گُژنگی کم دستی اے بلوچ ءَ اینکس ناتور اَنت بلوچ ءَ دیستگ بلوچ ھما بلوچ اِنت وتی ءَ گوازینیت بلے گار بنت ھما کہ دگرے مالاں دُز اَنت وتی ایش نوشے زندگی ءَ وش واب اَنت۔
بلوچ کارگری کار کنت روچ شپ ءَ وتی گوازینیت پُرگنجیں بلوچستان ءَ بکول شھید گلام مھمد بلوچ ءَ اللہ ءَ مارا پُرگنجیں زمین ءِ داتگ انگت چو بد ھالیں۔
مئے بلوچستان ءِ مادن کُل دری مُلکانی دست ءَ اَنت سودا جَنگ بنت 100 سدے تھ ءَ 50 پنجاه چین زوریت 48 چِلھشت ھمے سیڈے پِٹو وزیر گزیر زور اَنت دو2 درسد پش کپ ایت آ بلوچ مھلوک ءَ پہ سر نہ بیت۔ زُلمانی تھ ءَ مستریں زُلم ھمیش اِنت بلوچ پُرگنجیں زمین ءِ واھُند واجہ اِنت پہ کارگری دل سند بوتگ تاں جاھے سر نہ بوتگ چہ زوراکانی زوراکی ءَ چے۔
بلوچ ءِ سر ءَ بازیں ردیں بتل آؤرتگ تاں بلوچ راج دیمروئی مہ کنت پُشت بروت۔
چوش کہ گُش اَنت
بلوچ ءُ بد روچ
کاھوکے بور راھوکے برو
سنگ سر میڈینگ نہ بیت
اے رد اَنت بدواھاناں وش نہ بوتگ پہ بلوچ ءَ اے بتل سر ءَ آؤرتگ اَنت ۔
بلوچ بد روچ نہ بوتگ راجدپتر ءَ بچارے بلوچ وشیں روچ بوتگ بلوچ وشیں روچ اِنت۔
دومی کاھوکے بور راھوکے برو اے ھم رد اِنت چوش کہ ایمان انچیں چیزے آ سے بَھر ءَ اِنت اول تاگت دارے ھرابیں کار ءَ بدارے داشت ءِ نہ کن ئے ایمان ءِ دومی درجہ ئے سر ءَ کار کن پہ زبان نا ئے کن اے کار ءَ مہ کن ھراب اِنت زبان ءَ گُشت ئے نہ کن ئے سیمی گڈی ایمان ءِ درجہ ئے سر ءَ کار کن دِلے تھ ءَ دژمن ءَ ھراب بد بزانے ھمراہ داری ءَ ئے مہ کن ھراب بدے۔ کاھوکے ورے راھوکے راوے گُش ئے من ءَ کار نیست بلے ھمے سِلّی وبا بیماری چاگردے تھ ءَ تئی ھم سر ءَ کپ ایت۔
سیمی بتل کہ گُش انتیں سنگ ءُ سر میڑینگ نہ بیت سر کے اِنت او سنگ کے اِنت اے چیز مارا دلگوش دیگ لوٹ ایت ما مھلوک ءَ سنگ تاگت سر پد بِبیں سنگ کار کنت تاگت اِنت مُچی اِنت مانا در ایت ۔
دژمن سر اِنت ما بلے ھمے بتل چپ کُرتگ وتی جندے سر ءَ آؤرتگ تاں وتی ھکے گپ ءَ مجناں او دپ ءَ گونک بِبا ھچ مہ گُشاں دژمن سنگ اِنت بلوچ مھلوک سر اِنت شُمارا کُش ایت شُما مِر اِت شُمارا کار مہ بیت شُمئے چُک چورہ بنت شُمئے زھگاں کس نہ سمبھالیت وتی ھکّے گپ ءَ مجن اِت کہ سنگ سر میڑینگ نہ بیت ھمے بتلانی سر ءَ دژمن کار کنگ ءَ اِنت ترا کار مہ بیت پِلانی تو گریبیں مردمے ئے ءِ کاھوکے بور راھوکے برو لھتیں بلوچ مھلوک چہ بے زانتی ءَ دژمن ءِ زبان ءَ ایش گپاں شِنگ تالان کنت لھتیں مُکبر دلار اِنت وت ءَ بھا کُرتگیں شے وتی اشتباھی وتی ردیں کارے چیر دیگ ءَ اے بتلاں کارمرز کنت پمیشکہ اے بتلاں بار بار کار ایت یا کہ چہ مرگ ءَ تُرس ایت اے رنگیں بتل کارمرز کنت بلوچے سر ءَ انونیں وھد ءَ ۔
اے وھد ءَ بلوچے سوبمندی وتی جندے دست ءَ اِنت تپاکی یکجاھی ھوری ودی بہ کن اَنت وت ما وتی جنجالاں ھلاس بکن اَنت تاں دیم ءَ گوں بلوچے دژمن ءَ بِداینت پہ اے اُمیت ءَ مہ نِند اَنت امریکہ مارا سپورٹ کُمک کنت یا ھندوستان اے یا آ مُلک ما پھر پہ دِگہ راجاں مہ بندیں بلوچستان ءِ کپ کپ کنگ ءَ دُنیا یے بازیں تاگتانی دست ماں بیتگ انگت بلوچستان ءِ کپ کپ کنگ ءِ جُھد جاری ساڑی اَنت۔
بلوچ وت یک دومی ءَ اُپار بکنت وتی برات ءَ اُپار بکنت وتی راج ءَ اُپار بکنت گڑا بلوچستان ءَ کس نیزور کُرت نہ کنت بلوچانی سر ءَ واجھی ھچ زوراک ئے کُرت نہ کنت ۔
بلوچ نبایدیں ھما کار ءَ کہ دژمن کنت بکنت ئے دژمن ءِ دپ ءِ داتگیں گپاں ھلو ھالو بکنت وتی بلوچے دیم ءَ دژمن گُش ایت بلوچ جٹ پھوالے تو پد ءَ وت میا اے گپ ءَ مہ کن بلوچ مھلوکے تھ ءَ دژمن گُش ایت بلوچ بلوچستان ءَ داشت نہ کنت واجھی کُرت نہ کنت بلوچ بے سوات بے اِلمے بے زانتے تئی دپ ءَ دنتیں اے گپ تو شنگ مہ کن آ کار ءَ کہ دژمن کنت آ کار مہ کن نپ پائدہ پر تو نیستیں پہ تئی راج ءَ ھم نیستیں۔
بیست ءُ یکمی کرّن اِنت بلوچ نا کہ جٹ اِنت نا کہ بے سوات بے اِلم اِنت نا کہ وتی مُلک ءَ داشت نہ کنت بلوچ دُنیاے جِتائیں مُلکاں وانگ ءَ اِنت۔
ھر جنجال ءَ چے پد وشی یے کئیت شرت ھِمت ھِمت بیت مُشکلیں کار ارزان بنت بلوچی ءَ گُش ھمت ءِ مرداں مَدتّ ءِ ھُدا ۔
ھر کارے کُربانی لوٹ ایت بے کُربانی ءَ ھچ کارے جوڑ نہ بوتگ ۔
بلوچستان ءِ آجوئی زمین سرڈگار ھون لوٹ ایت ما بلوچ وت ما وتی جنگاں چے پھریز بکنیں وتی ھونان چو ارزان سرپد مبیں وت ءَ یک بکنیں وتی دژمن ءِ دیم ءَ پہ وتی گُلزمین ءَ وتی ساہ ءَ ھون ءَ ندر بکنیں۔
بلوچستان بلوچانی مکھیں ماتیں ما وپادار پہ وتی ھاک ءَ ببیں پہ وتی آؤکیں پدریچ ءَ جُھد بکنیں۔
درست دُنیا ءَ پہ وتی پدریچانی واستہ جدجُھد کنگ اَنت ما ھم پہ وتی سرڈگار ءَ پہ مھنت کوشش جُھد بکنیں انشااللہ وتی مکسد ءَ سر بیں۔
