اورماڑہ ( ہمگام نیوز) ویب نیوز ڈیسک کی رپورٹ کے مطابق تربت سے کراچی جانے والی الفیصل کوچ حادثے کا شکار، ایک شخص جاں بحق، دو خواتین سمیت دس افراد زخمی ہوگئے ۔ تفصیلات کے مطابق مکران کوسٹل ہائی وے پر اورماڑہ کے قریب بسول کے مقام پر تربت سے کراچی جانے والی الفیصل کوچ حادثے کا شکار ہو گئی ۔ حادثے میں ایک شخص بس کے نیچے دب کر جاں بحق ہو گیا جبکہ دو خواتین سمیت دس افراد زخمی ہوئے ہیں ۔
حادثہ ٹائر پھٹ جانے کے باعث پیش آیا تھا۔ تاہم حادثے کی اطلاع ملتے ہی پولیس اور ریسکیو ٹیموں نے جائے وقوعہ پر پہنچ کر زخمیوں کو ریسکیو کر کے بذریعہ ایمبولینس کے ذریعے ہسپتال منتقل کردیا گیا ۔
