نامداریں رھشون ءُ پری بلوچستان مومنٹ ءِ سروک ھیربیار مری ءَ چاگردی رسانکدر ایکس ءِ کمک ءَ ایرانی تھیوکریٹک ملا رجیم ءِ سروک ءَ را گشتگ کامنہ ای آدینگ “خطبہ” ءَ وتی بدیں کرداں پندل سازیں گشتانکانی رد ءَ کارمرز کنگ ءَ انت، آئی باھد مسیت ءِ جاہ ءَ دگہ جاھے گچین کتیں-
بلوچ رھشون ءَ نبشتہ کتگ کہ کامنئی ءِ زوراکیں رجیم وت ءَ مسلمانی پاسبان گش ایت ءُ آئی اے دمگ ءِ سرجمیں نزوریں راجانی سرا ھد ءَ چہ گیش زوراکی کتگ، ھیربیار مری ءَ دیمتر ءَ نبشتگ ارب الاھواز، بلوچستان ءُ کردستان ءِ لکانی مردم ملا رجیم کشتگ انت-
یات بہ بیت ایران ءِ رزا شاہ ءِ ھاکمی ءَ ۱۹۲۸ ءَ زور گیپتیں بلوچستان ءِ رو ایرشتی بھر ءَ لشکر کشی کتگ ءُ زور گیپتگ ءُ ھمے زوگیری ءَ دارگ ءِ ھاترا ایرانی ھاکماں زوراکی اول روچ برجاہ انت، زورگیپتیں بلوچستان ءَ ھمک روچی ئیں وڑ ءَ جتا جتائیں دروشماں بلوچ ورناھاں کشگ ءَ انت، ایشی ءِ مستریں سبب ھمے گشگ بیت کہ ایرانی ھاکماں ھمے تُرس انت بلوچستان ءَ آجوئی ءِ جنز ءَ روتگ جتگ ءُ ایرانی ھاکماں وت منّ اتگ کہ بلوچستان ءَ آجوئی جنزے بندات انت-
