بارکھان (ہمگام نیوز ) اطلاعات کے مطابق گزشتہ روز بارکھان کے علاقے بٹھا کڑی میں واقع پولنگ سٹیشن کے اوپر دو الگ حملے ہوئے تھے۔
ذرائع کے مطابق دونوں حملے بی ایم 12 میزائلوں سے ہوئے تھے۔
تفصیلات کے مطابق بارکھان بٹھاکڑی میں واقع پولنگ سٹیشن پر پہلا حملہ گزشتہ روز 11 بجے ہوا تھا جب مسلح افراد نے پولنگ سٹیشن پر بی ایم 12 میزائل داغا۔ اس کے علاوہ کچھ دیر بعد قریب 2 بجے ایک اور بی ایم 12 میزائل داغا گیا۔
واضح رہے کہ بلوچستان بھر میں گزشتہ روز کے ریاستی انتخابات پر لاتعداد حملے ہوئے تھے، تاہم گزشتہ روز انٹرنیٹ سروس معطل رہنے کی وجہ سے بہت سی خبریں آج موصول ہورہی ہیں۔
