نبشتہ کار : سنگت اکبر داد
گوں سنگتاں ھوار ھما وھد ءَ میتگ ءُ شھر بازاراں تاں کوھانی ٹُلانی سر ءَ سیاسی پارٹیانی زور شور آت نواب اکبر بُگٹی ساب ءِ شھادت ءَ پنجگور ءَ ھم سوچگ ماندارگ تھتگ بند پرگ بند جاری ساڑی آت اَنت مزانیں کّچے ءَ بلوچ ھوار جَنگ بوت یک نیمگ ءِ تُپنگی گَلانی اُرش برجاہ آت اَنت دژمن ءَ وتی بے سوبیانی سبابب ءَ شھید گلام مھمد لالہ منیر شیر مھمد ایپ آئی آر کُرت اَنت پیشی پاشیاں تَھا پاکستانی ھامد گِس ءَ چہ چِست کنگ بوت اَنت ساڑینتگیں کُنٹ مُرگاپ ءَ دور دات اَنت۔
دژمن گوں تیزی ءَ بلوچ نسل کُشی یے کاراں سرگرم آت سئے سئے ءَ درچِن ءُ بلوچ چست کن ساڑینتگیں کُنٹانیں دور دئے دژمن ءِ ھروچیگیں کار جوڑ بوت۔
بلوچستان ءِ جِتا جِتائیں ھنداں بلوچے جوانیں سرانی کُنٹ ناپاکیں دژمن ءَ تُھپہ دات اَنت شھید اگاہ ابد شاہ شھید ماسٹر سپیر شھید ماسٹر ستار بلوچ دِگہ بازیں سنگت شھید سنگت سنا شھید سنگت رزا جان ۔
اے وھد ءَ تپاکی ھست آت بلوچ نیشنل پرنٹ ھساب ءَ گوں مُچی ءَ کار دیم ءَ رَوگ ءَ آت اَنت اگاں بی آر پی ءَ جارے جَتیں بی ایس او آزاد ءِ سنگت گوں آت اَنت انچو ھمے پیم ءَ بی این ایم ءَ جارے جَتیں بی آر پی ءِ سنگت ھور بوت اَنت۔
سنگتانی ھونانی کُربانیاں چہ بلوچ مھلوک گیش ءَ چہ گیش آگاہ بوھاں بوت اَنت گلامی یے ھِلاپ ءَ پادیاں بوت اَنت۔
بازیں مئے بلوچ کماش ناپاکیں ریاست ءَ چِست کُرت اَنت کُنٹ کوہ ءُ گیاباناں چَگل دات اَنت بازیں بلوچ زانتکار زنداناں بندیگ کُرت اَنت بلے راجدپتر گواہ اِنت بلوچ پُشت کینز نہ بوت تاں مرچی پہ وتی سرڈگار ءَ ھون ریچگ ءَ اَنت بلوچ ورنا زالبول بزگر شپانک ڈاکٹر ٹیچر کُل بلوچ ءَ ناپاکے گلامی نمنّ اِت وتی جان دات۔
بلوچستان ءِ کُنڈ کُنڈ ءَ مراگش دیوان برجم داشت اَنت برے شالے دلبند ءَ برے نوشکی ءَ برے تربت ءَ برے پنجگور گوادر جیوانی ھیرونک راھی نگور پروم کوچگی ھند ءُ دامگاں سنگتانی بے کساس کُربانیاں چے تاں مرچی مئے ماس ءُ گُھاراں برات پِتاں پہ وتی گار بیگواہئیں مردماں وتی جدجُھد داشتگ۔
من ءَ مرچی شھید مجید اُرپ ءِ سنگت کریم مُرتزا دلجان ءِ پنجگور سبزکوھے بلوچستان ءِ دلبند ءِ سرے رھتگیں ھوناں زندگ کُرت بُرت آ دِگہ شھید سنگتانی یاتان شھید مجید ئے گِند آں اکس بُت ءَ من ءَ شھید کمانڈر کامریڈ داؤد جان یات کئیت شھید اُستاد کمانڈر سئید اُرپ ءِ ھاجی شھید ھمید جمال کُھنیں سنگتانی یاد نوک کُرت اَنت باز سنگت چہ بلوچستان درآتکگاں درانڈیھ ءَ رپتگ اَنت باز ءَ وتی زندگی جان ندر کُت پہ سرڈگار ءَ باز لاگور بُوت ۔
شھید مجید ھما بلوچ جُھد کار آت سیاسی پارٹیانی تَھا سر زاھر ءَ باسکے نہ آت بلے اَملی ھکیکی راستی دُروشما گوں آت مُدام مراگشاں چے رند ھوٹل ءَ گِندگ ءَ آتک سنگتانی گپانیں گوش کُرت ھالتاک ءِ دست ءَ آت جاور ھالانیں وانت ھر وھد ءَ پایادگ سپرے کُرت وتی مراگشانی واستہ کُربانی یے دات۔
سوچگ ماندارگاں زَرور ترا سنگت مجید گِندگ ءَ آتک ۔
بیگاھاں گوں سنگتاں دیوان آت ۔
ھمے وھد ءَ کہ پنجگور ءَ ناپاکیں پوج ءِ چِن لانچ آت کہ لشکر کشی بکنت اے وھد ءَ سک باز لٹ وارتگ آت بازیں بمب تراک اُرش بوتگ آت اَنت دژمنے سر ءَ
شپ ءَ دیوان ءِ بوت ما کہ بی بی سی لندان ءَ گوش کنگ ءَ آتیں سکیں سردے شپے آت انچو نارشتاناں کش اِتیں بدَیتاں
سنگت مجید من ھما شپ ءَ دیست تُپنگ ءِ ھم بڈّ ءَ آت بی ایل اے بی آر اے بی ایل ایپ ھور یک کَساگ یے تّھا نان وارت بی آر اے کمانڈری ءَ شھید سئید اُرپ ھاجی کنگ ءَ آت بی ایل اے شھید داؤد بی ایل ایپ ءِ بشام نِشتگ دیوان آتیں بی بی سی ءَ گوشدارگ ءَ آتیں بی بی سی ءَ گُشت چہ ھُزدار ءَ 400 چار سد ءَ چہ گیش ناپاکیں پوجے گاڑی درکپتگ دیم پہ پنجگور ءَ ھرکت سُر پُر کنگ ءَ اَنت۔
گڑا سنگتاں وت مہ وت ءَ شور کُرت ھمے پیسلہ بوت سنگت گوں گروپاں شِنگ تالان بِبنت شھید سئید ھاجی ھمے لشکر کشی ءَ شھید بوت ۔
شھید دِلجان جاوید ءَ من ءَ ھما وھدیگیں ھیالاں بُرت شھید ابد سلیم سنگت شُئیب جان سبزو یے تْرانگاں بُرت سر کُرت شھید شئیپ سلیم ھما سنگت آت کہ پہ شھیدی ھُدوک گُلزمین ءَ پہ گنوک آت پہ دژمن ءَ ملکموت جوڑ آت بے واب بے آرام آت کُج ءَ نہ کُج ءَ دژمن تاوان بِدیان وتی زمین ءَ ھپازت بکناں سنگت دلجانے مِھروانی ءَ چہ جوانیں سنگت ودی بوتگ سنگتاں پہ ھوسلہ دِلبڈی مِسال درورے بوتگ شھید دلجان۔
سنگت مجید او سنگت دلجان
رپت اَنت پہ درمُلک ءَ درملکے وش نہ بوت سرڈگارے گماں وتی سنگتانی ھوناں آؤرت جنگ ءِ پِڑ میدان ءَ وتی جُھد کُرت لنگڑی گُژنگی اُپار کُرت بلے وت ءَ بَھا نہ کُرت وتی ساھے رکینگ ءَ پہ زرّ لالچ ءَ وتی راجے سر ڈگارے سودا نَجت راھبندانی سر ءَ کار کُرت وتی ازابی ءَ نچار اِت راجے کومے وشھالی باندات ءِ پگر ءَ سر مہ سر آت اَنت وتی نُگراہیں جان پہ بلوچستان ءَ ندر کُرت ۔
سنگت مجید جان ءُ دلجان 13 دسمبر ءَ وتی سنگتانی دُمب گیری کُرت پہ ماتیں گُلزمین بلوچستان وتی سر جَھل نہ کُرت وت ءَ ابدمان نمیران کُرت۔
سُھریں دْروت بلوچستان ءِ کُل شھیداناں۔
