شال (ہمگام نیوز ) بلوچ اسٹوڈنٹس ایکشن کمیٹی کے مرکزی ترجمان نے میڈیا کو جاری کردہ اپنے بیان میں کہا ہے کہ نئے سال کے آغاز سے شروع ہونے والے کتب میلہ بلوچستان کتاب کاروان بلوچستان بھر میں جاری ہے جہاں مختلف علاقوں میں کتب میلوں کا انعقاد کیا گیا ہے۔
انہوں نے مزید کہا کہ پچھلے تین دنوں میں کلات، خضدار، پسنی، پیشُکان، بل نگْور دشت، شاپُک، ھیرونک، تجابان، سبی، کولپور، مچھ، بھاگ ناڑی بولان، بارکھان، کوہلو، نوکنڈی سمیت دیگر علاقوں میں کتب میلے لگائے گئے۔ طلبا و طالبات، ادیب، استاد، سماجی شخصیات سمیت مختلف طبقہ فکر کے لوگوں نے اسٹالوں کا دورہ کرکے اپنی پسند کی کتابیں خریدیں۔
مرکزی ترجمان نے آخر میں کہا کے بلوچستان کتاب کاروان تقریباً بلوچستان کے ہر حصے تک پہنچی چکی ہے جبکہ یہ کیمپئین آنے والے دنوں میں بھی مختلف مقامات پر جاری رہے گا جس میں کل سوراب میں کتب میلہ لگایا جائے گا۔
