ھر ھما کار کہ تئی دستءَ بیت بکن په دژمن ءِ پروشءِ ھاتر ءَ، بلے بچار که پروش دیگ ءِ نیام ءَ چوشیں ھچ کارے مکن که کار نہ تھنا ترا بلکن تئی راج ءَ ھم پروش بدنت ـ
لاھور ءَ کسانیں زھگے ھم کشگ بیتگ ـ ترا جست بیت زھگ ءِ میار چی انت؟
تو گشے دژمن ءِ زھگ انت یا تئی گُڑی پسه ایش انت که پلان ءَ جاہ ءَ پلان بلوچ زھگ دژمن ءَ شھید کتگ ادا تو ھچ نه گشے؟
بلے ایش ھبر ءَ ھچبر کمار نه کنے یا ترا سما نیست که تئی ءُ تئی دژمن توکا زمین ءُ آزمان ءِ فرق انت ـ
تئی میارجلی ءُ تئی دود ترا گش انت کسانیں زھگ ءِ کشگ وتی جاہ ءَ، آئی ءَ را سزا ھم مدے ـ
تئی میارجلی ءِ اندرء ھمے ھبر است انت که اگاں کسانیں زھگے جرم یا ردی ئے کنت گرا آئی ھچ داب ءَ سزا مدے بلکن آئی مات ءُ پتاں جرمانه بگر ءُ مات ءُ پت ءَ ھدایت ھم بکن که وتی زھگ ءَ ھما ھیلکاری ءَ بدے که باندا روچ مزن بیت گرا یک مجرمے جوڑ مه بیت ـ
تئی دژمن پنجابی انت ءُ بلوچے ءِ ـ
ھمے لاھور ءِ اندرءَ یک جاھے است گش انت “ھیرا منڈی ” ایش جاہ مغلانی دور ءَ بگر دانکه انیگ ءَ ھم برجا انت ـ
ھیرا منڈی ھما جاہ انت که زمانگی شاہ ءُ بادشاہ ءُ میر ءُ معتبراں اتکگ وتی شپ گوں جنکانی گوں ماں گوازینتگ ءُ ایش جاہ ءِ جنک چه ھمے راج ءَ بیتگ انت ءُ انگت است انت بلکن ایشاں وتی جنک وت آؤرتگ انت ھمدا ناچ فرماتگ انت ـ
آیا نی تو بگش بلوچستان ءِ تھا چوشیں ھیرا منڈی بیتگ؟
بلوچ وتی زالبول ءِ ھاترا سرا قربان کنت کشگ ءُ کوشارینگ ھچ چک ءُ پد نه بیت ھیرا منڈی دیریں ھبرے ـ
پنجابی پنچایت ءَ ھمے فیصله دات که سر ءِ عام مختاراں ماھی ریپ کنگ به بیت آئی بلوچ ءِ پنچایت اے دابیں فیصله دات کنت؟
نی ھبر ایش انت که تئی آئی کلچر ءِ تھا زمین ءُ آزمان ءِ فرق انت ـ
من نه گشاں شما وت برو ات پجاب ءُ پنجابی ءَ مشاھدہ بکن ات شما وت زان ات که ایش یک uncivilized ءُ غیر فطری راجے ـ
بلوچ ھزارانی History ءِ واھند انت ـ پنجابی ءِ تاریخ چه رنجیت سنگھ ءَ بندانت ـ
پیش چه مسیح ءَ وھدے پارس ءُ یونان ءِ جنگ بیت یونان پروش وارت ھر اول دسته بلوچ بیت یونان ءِ اندر ءَ ایر کپیت، بلوچ گشیت پارس ءِ لشکر ءَ که زالبول، کسانیں زھگ ءُ کماشیں مردماں ھچ نقصان مدیئے ات ـ
ترا اسلام ءَ چاردہ سد سال ءَ پیسر گشتگ كه جنگ ءِ نیام ءَ جنین، بزرگ ءُ زھگاں مه کشے ـ
بلے تئی قانون ھزاراں سال ھمیش بیتگ ءُ انگت است انت ـ
دومی تئی تھذیب و فرھنگ ھمیش انت که تئی دژمن نزور بیت آئی گوں ھچبر جنگ مکن دانکه آ توان به بیت ـ
مرچی دنیا ءِ اصول ءُ جنگی قانون ھمیش انت بلے ایش اصول ءُ جنگی قانونانی خالق بلوچ بیتگ انت ـ
مرچی تو وتی جند شموشتگ ـ
یک ھبرے یات بکن دنیا اگاں تئی بازین احمقی ءُ بے وقوفی آن درگوز کنت ایش مطلب ایش نه انت که راست ات ـ
ایشی مراد ایش انت که دنیا تئی راجی تھذیب ءُ فرھنگ ءَ زانت که تو پیدائشی یک سپاھی قومے ءِ جنگی ھنرانی دودانی خالق ءِ ءُ انگت چوش کنے؟
اگان وتارا زانگ لوٹے گرا وتی پت ءُ پیرکی جنگ داستانی یکبرے یات بگر که آیان گوں وتی راجی ءُ گلزمین ءِ دژمنانی گوں ماں چطور جنگ کتگ؟ کجام اصولانی آیان رندگیری کتگ که تاریخ ءِ تھا آ رستر ءِ بدل ءَ یک civilized راجے زانگ بیتگ ـ
