لندن (ہمگام نیوز) راجی رھشون ءُ پری بلوچستان مومنٹ ءِ سروک ھیربیاری مری ءَ چاگردی رسانکدر ایکس ءَ وتی یک درشانے ءِ تہ ءَ گشتگ پاکستان پیپلز پارٹی ءَ نوزدہ سد ءُ ھپتاد ءَ دھک ءَ بلوچ لس مھلوک ءِ ھلاپ ءَ لشکر کشی ءُ ناروائی کتگ ءُ دو ھزار نو ءَ جنگ ءُ لاشانی دور دیگ ءِ پالیسی ھمیشی ھکومتی ءِ دور ءَ بندات بوتگ، وھدے کہ اے ھکومتی ءَ کاینت بلوچ راج ءَ چہ پھلی لوٹ انت پد ءَ اوں بلوچ ءِ ھلاپ ءَ ناروائی ءُ لشکر کشی یکشل ءَ برجم داشتگ اِش۔
نوں آسپ زرداری بلوچستان ءَ انت ءُ سیکیورٹی جاورھالانی سرا تران کنگ ءَ انت، من یک برے پد ءَ بلوچستان ءَ لشکر کشی ءِ پیشنگوئی ءَ کناں، بلے بلوچ لس مھلوک پاکستانی پنجاپی ءِ دیم ءَ دارگ ءَ ساڈی انت، یات بہ بیت پنجاپی ءِ لشکر ناروائی ءَ ابید سیاسی، مالی ءُ چاگردی ھساب ءَ پاکستان ءِ وجود چہ بلوچستان ءَ ھلاس بوتگ بلوچستان ءِ آجوئی ءِ جنز گوں سوبینی ءَ دیم ءَ جنزگ ءَ انت، گیشیں ناروائیاں ابید پنجاپی پوج بلوچ راجی جنز ءَ ھلاس کت نہ کنت پرچا کہ اے راجی جنز ءَ وتی لس مھلوک ءِ کمک گوں انت۔