اسلو(ھمگام حال) ناروے ءِ بلوچ کمیونٹی ءَ ناروے ءِ پارلیمنٹ ءِ دیم ءَ گْوادر ءَ ہوار سرجمیں بلوچستان ءَ بلوچانی آوار جنگ ءُ انسانی ھکّانی لگتمالی ءُ ایران ءِ نیمگ ءَ بلوچ ءِ سر ءَ زلم ءُ زوراکی کنگ ءِ ھلاپ ءَ ناروے ءِ پارلیمنٹ ءِ دیم ءَ زھرشانی کتگ۔
کہ آئی ءِ تہ ءَ گیش ءَ چِہ گیش مردماں بھر زُرتگ، اے زہرشانی ءِ تہا گشتانک دیوکاں زورگیریں ایران ءُ پاکستان ءِ ھلاپ ءَ تران کنان ءَ گُشت کہ زورگیریں پاکستان ءُ ایران ءَ پہ بلوچ راج ءَ زندمان گران کتگ ءُ بیست ءُ یکمی کرن ءَ ھم بلوچستان ءَ انسانی ھکانی لگتمالی کنگ بیگ ءَ اَنت۔
آیاں گوں ناروے ءَ ھوار دگنیا ءَ دزبندی کت کہ زور گیریں پاکستان ءُ ایران ءِ بدکاریانی دارگ ءُ بلوچ ءَ چہ زلم ءُ زوراکیاں رکّینگ ءُ آجوکنئگ ءِ واستہ وتی کرد پیلو بہ کن اَنت۔
