ھمگام بلوچی نبشتانک
بلوچ آگا بو سرپد بو وتی پجار ءَ وت شرّی ءَ بزاں ترا آجوئی ءَ چے دِگہ راہ نیست دژمنانی مَکر ھُنر ھیلاھاں سرپد بو بار بار داتگیں دَگہ پریباں بزاں تاریک ءَ پٹ پول کن کہ مئے پیسری بلوچ جُھد کارانی جنگ چون تاں جاھے ھلاس کُرتگ دژمن ءَ بلوچ راھشونچوں شھید کنگ بوتگ اَنت ؟-
بلوچ ءِ سرڈگار چون بھر کنگ بوتگ؟
بزاں بلوچ ترا کُجام تاکتّانی دست ءَ گلام کنگ بوھگ اِنت ترا زانگی انت تئی زمین ءَ کہ چُنڈ چُنڈ کنگ ءَ اِنت تو بزان گڑا تئی زمین ءِ گنجانی سودا ءَ کہ جَنگ اِنت تئی زِر ءِ سودا ءَ اوں تئی سِنگانی سودا ءَ تئی سرے سودا ءَ اوں جنگ ءَ انت- ایش چیزاں ھر بلوچ زانتکار بہ بیت۔
پاکستان ایران ھر دو وت ءَ را مُسلمانی مُلک گُش اَنت انسان دوستیں بلے ایشانی کار کرد نہ مسلمانی اَنت نہ انسان دوستی اَنت انسانیت ایشانی تہ ءَ چَٹ پھک چُٹ اِتگ پہ زَر انسانانی جانانی سودا ایشانی ھر روچیگیں کار دندہ جوڑ بوتگ۔
ما بلوچ وتی گوست ءِ راجدپتر ءَ چم شانک بِہ دیاں درونت سَبک بزیراں ۔
بلوچستان 11 اگست ءَ 1947 ءَ وت یک مُلکے بیتگ پد ءَ کبز ءَ کنگ بیتگ بلے ایش کبزاھے ھلاپ ءَ بلوچ ءَ جنگ کُرتگ گلامی نہ منّ اِتگ چار پنچ رند ءَ بلوچ ءِ جنگ تاں جاھے شُتگ مکّاریں پاکستان ءُ ایران ءَ وتی مکّراں گوں بلوچ شھید کُرتگ اَنت اگاں پاکستان ءِ دست نہ رستگ گڑا ایران ءَ تچک ءَ بلوچ جَتگ ءُ شھید کُرتگ اَنت۔
پاکستان ءَ چینکس جاہ کُران پاک آؤرتگ پد ءَ کُران دور داتگ بلوچ جَتگ شھید کُرتگ اَنت پاکستان ھُشکیں نامے مسلمانی- نوروز ھان گوں سنگتاں کُرآں پاک ءِ نام ءَ چہ کوہ ءَ لوٹارینتگ گپتگ گوں ھمراھاں پاھو داتگ۔
گپانی مول مُراد مرچی پارلیمنٹ ءِ تَھی مردمانی سر ءَ پاکستانی جاسوسانی سر ءَ ھچ باور مہ کن اِت وتی آجوئی یے جُھد ءَ ھچ رنگ ءَ مہ دار اِت ایش ھما دَگہ بازانی مردم اَنت مئے سرڈگار ءَ سودا ءَ کنگ ءَ اَنت ۔
زی کہ 1970 ءَ بلوچانی سر ءَ تچک ءَ اُرش کُرت ایرانی شاہ ءَ 15 ھزار بلوچ شھید کُرت۔
مرچی پد ءَ پاکستان ایران ءَ را وا وا کنگ ءَ اِنت تئی اھساں مند بیں پہ من کارے بکن ایران ءِ دست مان اِنت بلوچ چکچینی ءَ رودرآتکی بلوچستان ءَ ایران نئیلگ ءَ اِنت کہ آجو بہ بیت چہ وتی تُرس ءَ انگریزے پالیسی یے بھر کنگ ءِ بلوچ ءَ ایران ءَ برجاہ داشتگ اے پگرے تَہ ءَ وت ءَ رودرآتک ءِ بلوچستان آجو بہ بیت یا اپگانستان ءِ چہ ایشاں یکے آجو بہ بیت روبرکتی بلوچستان زوت آجو بیت ھمے سبب ءَ رودرآتکی بلوچستان ءَ ایران جنت آجو بوھگ ءَ نئیلیت پاکستان ءَ کُمک کنت۔ بلے اے رندی بلوچانی گُڈی جنگ اِنت بلوچ راج ءَ را آجوئی ءَ دگہ ھچ راہ نیست۔
انگریز ءَ چہ ھندوستان ءَ کادو دیم دات رودرآتک ءِ بلوچستان ءَ بہ گر جُلی ھم دیم دات روبرکت ءَ بگر ھمے پیم بلوچستان انگریز ءِ پرمان ءَ بلوچ زمین چُنڈ چُنڈ کُرت تاں مرچی ھمیش پالیسی یے سر ءَ نوں وت اُشتوک اَنت پاکستان ایران بلوچستان ء بھر بانگی ءَ تپاک اَنت چُنڈے اپگانستان ءِ دست ءَ ۔ دژمنان زانتگ ما شکست وریں بلوچ تاگت وریں راجے بلوچستان ءِ تھنائیں ھل ھمیش اِنت بھر کنگ تاں مرچی ھم جاری ساڑی اِنت نوں لس مھلوک سر پد اِنت وت گندگ ءَ اَنت بلوچ سیمسر بُمب مین کّل کُرتگ اَنت سیم ھاردار ٹٹ جَتگ اَنت یک دومی بلوچ وتی لوگ ءَ شُت نہ کنت کسانیں راہ پچ کُرتگ ریاستی مھلوک کاربار کن اَنت گوں دژمن ءَ۔
آجوئی لوٹوک بلوچ پرزنداں پہ راہ در بند کُرتگ اَنت۔
پاکستان وت ءَ نیک راھی یے مُلکے استان گُش ایت بلے کارکرد ءِ ھچ وڑ ءَ نیک راھی نہ اَنت اسل ءَ پاکستان مُلکے نہ اِنت ایش انگریز ءِ جوڑ کُرتگین ئے پہ کارمرز کنگ ءَ ھمے انگریز ءَ پہ اپگانستان ءَ کارمرز کُرت۔
دُنیایے سر ءَ ھرجاہ دھشتگردی بیت پاکستان ءِ دست ھور اِنت۔
بلوچ نیک راھی یے منّوگر اِنت بلوچ دِلساپیں راجے پاکستان ءَ نیک راھی نام ءَ بلوچ دَگہ داتگ اَنت شھید کُرتگ اَنت برے پیکج ءِ نام برے دِگہ نام ءَ زالمیں ریاست ءِ ھر وھد دور ءَ بلوچ زمین ءِ کبزا کنگ ئے ھاتر ءَ زانتکاریں بلوچاں گار ءُ بیگواہ کنت کُنٹانے جنگل کوچگ گیاباناں چگل دنت۔
لالچ ھور زمین پروش داشتگ اَنت چو کُچک سَگے وڑ ءَ چو کہ کُچک ءَ واھُند کُچک ءَ توار دنت چو بیا چُنڈے نان دنتے ایشانی درور مسال چو کُچکے وڑ ءَ اِنت۔
او ھمے بلوچ کہ پاکستان ءَ منّ اَنت بلوچ زمین سرڈگار بھا کنگ ءَ اَنت پاکستان ءِ پارلیمنٹ ءِ منّوک اَنت۔ ایش نہ لوٹ اَنت بلوچستان آجو بہ بیت اے پاکستان اسمبلی ءَ بائیکاٹ بکن اَنت ووٹ گچینکاری ءَ بھر مہ زور اَنت پاکستان بزان پروشتگ- چمّاں پچ کن اِت مہ بند اِت دِلگوش بہ دے اِت وتی کاراں وت بکن اِت مہ نند اِت مہ چار اِت پہ دِگر ءَ ترا آجوئی گِیپت دنت چوشیں دگر ءِ گپتگیں داتگیں بے کُربانی ءَ آجوئی پاکستان اِنت کادو ءَ رستگ مرچی بچارے ھال ءَ پرنگانی گلام اِنت۔ بلوچ پر تو کس گم وار نہ بیت وپادار نہ بیت وتی گماں وت بزیر تو پہ وت، وت توار چِست کن ئے ھر روچ دُنیایائی انسان دوستیں گلّان توارے جن ئے کس تئی پسّہ ءَ نہ دنت ۔ انچُش کہ بلوچ راجی مُچی ءَ چے جھان لرزگ ءَ اِنت بلوچ تو رودرآتک روبرکت گوریچان یکجاہ بو دژمن ءَ راہ پہ تچگ ءَ نہ بیت ۔ بلوچ ترا آجوئی ءِ ابید دگہ راہ نیست تاں کدیں دِگہ رجانی دست ءَ وت ءَ لگت مال کنے بے جیڑ پگر کن آجوئی یے جُھد ءَ گوں رھبندی دروشما ھمگام بو۔
