نبشتہ کار ۔ باسکان مینگل
بی ایل اے بلوچستان ءِ تہا ءَ ھمال گَل انت کہ ھر وھد وتی گوریلہ جنگی رِپک ءُ رھبندانی پابند انت، اگاں کسے شہ رھبنداں در بیتگ آ تاوان بار بیتگ-
ما اندری تہ ءُ توکی جاوراں پوہ نہ انت کہ کے چنچو توان مند انت بلے چندے چیز ما کہ گندگ ءَ اوں ما جیڑ ات کنیں کمو ءُ باز چیزانی بابت ءَ زانیں بی ایل اے ءِ دو بھر بوھگ ءَ رند چاگردی رسانکدر ءَ بہ گر دانکہ لس مھلوک ءِ دپ ءَ اَت کہ بی ایل اے دو بھر نہ بوتگ بلکیں بی ایل اے ھیربیار ءِ دست کشگ بوتگ ءُ ھیربیار سردارے ھچ نہ مّن ایت، دومی نیمگ ءَ جھیند بلوچ ءِ نام ءَ اُرش گیش بوت انت بے کساس سنگت شھید بوت پد ءَ پِدائی اُرش بندات بوت انت، استاد اسلم ءَ وتی زھگ پدائی ءَ دیم دات چائینز جت انت، پد ءَ ما دیست کہ یک تامرے شنگ بوت کہ اسلم بلوچ اَت گپ ءَ ات چائینہ ءَ بیھار دیگ ءَ اَت چود ءُ پد چیزے مُدت نہ گوست کہ ھالے شنگ بوت کہ اوگانستان ءَ وتکش تراکے بوتگ چندے بلوچ سرمچار شھید بوتگ رند ءَ ھال اتک اے اُرش اسلم بلوچ ءِ سرا بوتگ ءُ استاد اسلم شھید بوتگ گوں چندے ھمراھاں، اے ھمے اسلم بوتگ کہ سال دو ھزار ءَ گر دانکہ ھستیں وھد ءَ کس ءَ نہ زانتگ کہ چشیں مردمے ھست انت بلوچ ھان ءِ نام ءَ نامدار بوتگ بلے کس ءَ نہ زانتگ چشیں کارستے ھست وھدے بی ایل اے دو بھر بوت آئی وت ءَ پدر کت ءُ شھید کنائینت-
چُود ءُ پد جھیند ءِ نام ءَ پدائی اُرش سال پہ سال گیش بوان بوت انت ما ھمے سرپد بوتیں اے کاراں کہ اے کنگ ءَ انت بی ایل اے نوں جوان کنگ ءَ انت مھلوک دُرست جزباتی اِتاں، ھیربیار ءِ ڈوبارگ ءَ اَت، ما گشت کہ شر بوت نوں بی ایل اے جوان کار ءَ انت بلے ما رد بوتگیں-
پد ءَ چے بوت ما اے جنگانی گوست چار اِت آغا عبدالکریم ءِ وھد ءَ ءُ ھپتاد ءَ گر دانکہ مرچی ءَ بیا اے مئے سیمی چارمی جنگ انت کہ ما کنگ ءَ انت، گوست ءَ چار ئے ترا سما بیت آ دگہ درستیں گلانی رھبند ھما پیشی کہ جنگ بوتگ انت ھما رنگ ءَ انت بلے بی ایل اے ءَ چار ئے ترا بازیں دروشمانی تہا بدلی گندگ ءَ کیت، گوستگیں راجی آجوئی ءِ جنگاں بہ چار ئے آجوئی لوٹوکانی تہ ءَ سیاسی قیادت ءِ نہ بوھگ ءِ سبب ءَ زوت دژمن ءِ دام ءَ کپتگ انت یا رد اِش وارتگ جنگ ءَ پروش وارتگ اِش ما مرچی اوں ھمے رم ءَ رؤگ ءَ انت تھنا دژمن ءِ فوجیانی جنگ ءَ دژمن ھچبر پروش نہ وارت ھپتاد ءُ چیزے سال انت سلاھبندیں گل جنگ کنان ءُ پیداک انت دژمن ءِ سپاھی جنگ بوھگ ءَ انت بلے راجی جنز ھما جاہ ءَ انت ایشی ءِ مستر مستریں جیڑہ منی جند ءِ زاتی ھیال انت سیاسی قیادت ءِ نہ بوھگ ءُ بلوچ ءِ زوت رد کپگ، جنگی رھبندانی پابندی نہ بوتگ پمیشکا ما زوت دژمن ءِ زد ءَ کپتگ انت سنگت شھید بوتگ انت راجی جنز ءَ پروش وارتگ ـ
آزادی ءِ جنگانی تہا اولی لوٹ ھمیش بیت کہ سلاھبندیں گل سیاسی قیادت ءِ پابند بہ بیت ءُ سیاسی قیادت پالیسی ٹھین ایت ءُ سلاھبندیں جنز ءَ جنزین ایت بلے مئے سلاھبندیں گل سیاسی قیادت ءِ پابند نہ انت ھرکس پہ دیم انت پمیشکا ما زوت تاوان بار بوھگ ءَ انت-
منی گپ بی ایل اے ءِ جنگی رپک ءُ رھبندانی سَرا اَت چش کہ بی ایل اے دوھزار ھژدہ ءَ رند ھاموش بوتگ اَت چندے وھد ءَ نہ زاناں چے جیڑہ بوتگ انت چاگردی رسانکدر ءَ ما ھمے دیستگ اَت کہ گشگ بوتگ معاشی ھساب ءَ نزور انت، بلے باز کس ئے گشگ بیتگ کہ بی ایل اے مردم نیست کار کت نہ کناں، کوھلو ءُ کاھان ءِ ھند ءُ دمگاں ھروھد ءَ ما دیستگ اُرش ٹک ٹُک ءَ برجاہ بوتگ انت بی ایل اے ءَ ھما جاھانی سرا اُرش کتگ کہ اود ءَ پاکستان ءَ معاشی تاوان بوتگ باز یا کم بلے بوتگ چُش کہ دژمن ءِ چاریگیں موبائل ٹاور جتگ انت، ریل پَٹری جتگ، کمپنی ءِ کار جتگ انت، ما پوہ نہ بیں بلے ھمے ٹاورانی کُمک ءَ ریاست ءَ چنچو تاوان داتگ راجی جنز، سنگت گرگ بوتگ، اے ٹاور مزنیں کمک انت پہ ریاست ءَ ، ریل پٹری بہ بیت بی ایل اے ءَ جتگ پد ءَ ریاست ءَ دو روچ ءِ تہا جوڑ کتگ انت اے زانگی گپے اد ءَ ریاست ءِ پاھدگ انت ریل پٹری کہ جنگ بنت یکیں روچ ءَ جوڑ کنت ئے لس مھلوک ءَ پہ گموار نہ انت پرچا کہ ھاس فوجی ھمے ریلانی سرانی سپر کن انت،
پد ءَ ھیرانی گپ اِش بوت کہ پاکستان ءِ وتگڑیں گچینکاریانی روچ ءَ بی ایل اے ءَ کوھلو کاھان ءَ گر دانکہ مکران ءُ رکشان ءَ بیا بلوچستان سرجمیں ھنداں پاکستان ءِ گچینکاری ءِ پولنگانی سرا اُرش کتگ تھنا چاردہ اُرش گوادر ءِ ھند ءَ کنگ بوت، ھاران ءَ مزنیں کساسے ءَ اُرش بوت پنجگور ءَ اوں انچو، ما ھیران بوت انت بی ایل اے یکیں دمان ءَ یکیں روچ انچو اُرش چون کتگ گوادر ھما ھند انت کہ ھود ءَ چپ ءُ چاگرد ءَ دژمن ساڈی انت مکسکے بال کنگ نیل اِیت، بلے بی ایل اے مھکمی انت کہ اود ءَ شریں رنگے ءَ گچینکاریانی ھلاپ ءَ جوانیں اُرش کت ءُ وتی راج ءَ را باور دات کہ من ساڈی آں، پد ءَ یک چیزے من سما کت بی ایل اے ھما مردمانی سرا اُرش کت آ تچک ءَ بلوچ کُشیں پارٹیانی بنیاد ءَ گچینکاریاں بھر اِش زرتگ اَت چش پی پی پی انت پی پی ءَ بھٹو ءِ زمانگ ءَ چنچو آپریشن کت چنچو بلوچ شھید کت، دژمنی و درست کنگ ءَ انت بلے اے گل پہ بلوچ ءَ تچک ءَ دژمنی کنت آجوئی جنز ءَ ھلاس کنگ لوٹ انت، پمیشکا اے مردم بھیار دیگ بوت انت، بوت کنت من رد بہ باں بلے منی وتی زاتی ھیال ءُ جیڑگ انت-
ھمے کار بی ایل اے ءِ جنگی رپک ءُ رھبندانی جوانی ءِ شون ءَ دنت ریاست زانت نہ کنت منی دژمن چنچو تیار انت ءُ آئی گورا چنچو تاگت ھست، بی ایل اے ءَ ریاست ءِ گچینکاری ءَ بے سوب کنگ ءَ مزنیں دستے اَت دژمن ءُ لس مھلوک ابکہ اَت کہ ھمے بی ایل اے کہ ھاموش اَت کہ بلے یکیں دمان ءَ دژمن ءِ وتگڑیں گچینکاریانی سرجمیں جاھاں یکیں روچ چل ءُ ھشت اُرش کت، اے گوریلہ رھبندانی پابندی انت بی ایل اے وتا پدر نہ کنت کہ ما چنچو تاوان مند انت دژمن اوں نہ زانت اے چنچو تاوان مند انت ھر وھد ءَ دژمن ھما ساھتاں تُرس ءِ شکار بیت تئی نزوری ءُ تاگت ءَ مہ زانت تئی رھبند مھکم بہ بنت دژمن اگولو بیت، ھمے شھید اسلم بلوچ بی ایل اے جنگی رپک ءُ رھبندانی پابند اَت کس ءَ نہ زانت چشیں مردمے ھست وھدے کہ بی ایل اے ءَ شہ در کپت دیر نہ گوست شھید کنگ بوت، دگہ یک چیزے کہ ما دیستگ بی ایل اے ردی ءِ کنت وتی لس مھلوک ءِ دیم ءَ پدر ءِ کنت پھلی لوٹ ایت، بی ایل اے چو جنزگ ءَ انت امیت زوت سپر ءَ آسرے ءَ سر کنت!!
بلوچ ءُ بلوچستان زندگ بات انت
