تربت سے بلوچی زبان کے نوجوان شاعر لاپتہ

تربت (ہمگام نیوز ) تربت سے بلوچی زبان کے نوجوان شاعر لاپتا۔ اطلاع کے مطابق بدھ کی رات 8 بجے کے قریب فورسز نے افتخار میڈیکل سینٹر تربت سے قاسم ملار سکنہ دشت باہوٹ چات کو حراست میں لے کر نامعلوم مقام پر منتقل کردیا۔ قاسم ملار بلوچی زبان میں شاعری کرتے ہیں جبکہ وہ تربت میں ایک پرائیویٹ ہسپتال میں کام کرنے کے ساتھ افتخار میڈیکل اسٹور میں بھی کام کرتے تھے۔ واضح رہے کہ بلوچستان میں جبری گمشدگیوں کے خلاف احتجاج کا سلسلہ جاری ہے۔