ژوب، تمبو (ہمگام نیوز) اطلاعات کے مطابق کوئٹہ روڈ بادنزئی کے مقام پر ٹوڈی گاڑی الٹنے سے دو افراد جاں بحق اور دو زخمی ہوگئے۔ اطلاعات کے مطابق کوئٹہ نیشنل ہائی وے بادنزئی کے مقام پر ژوب سے کوئٹہ جانے والی مسافر ٹوڈی گاڑی تیز رفتاری کے باعث الٹنے سے سول اسپتال ژوب کے فارماسسٹ ہلال خان اور ٹوڈی ڈرائیور جاں بحق جبکہ دو افراد شدید زخمی ہوگئے جاں بحق اور زخمی افراد کو سول اسپتال ژوب منتقل کیا گیا۔ دریں اثنا ڈیرہ مراد جمالی کے قریب تیز رفتار گاڑی کی ٹکر سے ایک شخص جاں بحق پولیس کے مطابق پولیس تھانہ صدر کی حدود بیرچوکی نزدیک تیز رفتار گاڑی کی ٹکر سے یارمحمد جھکرانی جانبحق ہوگیا اطلاع ملنے پر پولیس جائے وقوعہ پر پہنچ گئی اور لاش کو تحویل میں لیکر ہسپتال پہنچا دیا جہاں ضروری کاروائی کے بعد لاش کو ورثہ کے حوالے کرکے مزید کاروائی شروع کردی ہے۔
