کراچی (ہمگام نیوز) ویب ڈیسک کی رپورٹ کے مطابق اسلام آباد میں لواحقین لانگ مارچ کے جاری دھرنے سے اظہار یکجہتی کیلئے بلوچ یکجہتی کمیٹی کراچی کی جانب سے بھرپور احتجاج کیا گیا اس موقع پر کراچی کے مختلف علاقوں سے ریلیاں بھی نکالی گئیں۔
کراچی کے علاقوں سے لاپتا بلوچ افراد کے لواحقین کے جاری لانگ مارچ کے جاری دھرنے سے اظہار یکجہتی کیلئے لوگوں کی بڑی تعداد سڑکوں پر آگئی۔ جہانگیر روڈ سے نمائش تک ریلی نکالی گئی جس میں لوگوں کی کثیر تعداد نے شرکت کی۔
ریلی کے شرکاءنے کراچی پریس کلب کے باہر دھرنا دیا۔ اس کے علاوہ ملیر، کورنگی انڈسٹریل روڈ، حب ریور روڈ اور گڈانی میں بھی لوگوں کی بڑی تعداد نے احتجاجی مظاہرہ کیا، ریلیاں نکالیں اور دھرنا دیا۔ ریلی کے شرکا نے اس موقع پر مطالبہ کیا کہ اسلام آباد میں جاری لواحقین لانگ مارچ کے مطالبات تسلیم کیے جائیں، جبری گمشدگیوں کا سلسلہ ختم اور تمام لاپتہ افراد کو بازیاب کرایا جائے۔
