خاران (ہمگام نیوز ) تازہ ترین اطلاعات کے مطابق خاران میں تین مختلف ممکنہ پولنگ سٹیشنز پر یکے بعد دیگرے تین بم دھماکوں کی آواز سنی گئی ہے۔
تفصیلات کے مطابق نامعلوم مسلح افراد کی جانب سے پہلے خاران شہر میں واقع قلعہ سکول جوکہ ممکنہ پولنگ سٹیشن بتایا جارہا ہے، کو بم حملے میں نشانہ بنایا گیا ہے۔
اس کے ساتھ ہی شہر میں واپڈا محلہ میں واقع ایک اور ممکنہ پولنگ سٹیشن پر بم حملہ ہوا ہے۔
اس کے علاوہ ایک اور ممنکہ پولنگ سٹیشن گرلز ہائی سکول کے اوپر بھی دھماکہ ہوا ہے۔
واضح رہے کہ خاران میں حالیہ ریاستی الیکشن کے سلسلے میں اُمیدواروں، ان کے ٹھکانوں اور کیمپئینز پر آزادی پسند تنظیموں کی جانب سے شدت اور تیزی کے ساتھ حملوں کا سلسلہ برقرار ہے، ان میں حالیہ تمام حملوں کی ذمہ داریاں بی ایل اے اور بی ایل ایف کی جانب سے قبول کی گئی ہیں۔
یاد رہے اسی سلسلے میں گزشتہ روز خاران شہر میں دو حملے ہوئے تھے جنکی ذمہ داری بلوچ لبریشن آرمی کے ترجمان آزاد بلوچ نے قبول کی تھیں، پہلے حملے میں بازار میں واقع قومی امیدوار چنگیز ساسولی کے انتخابی دفتر کو نشانہ بنایا گیا تھا۔ اس کے ساتھ ہی پولیس ایس پی کو نشانہ بنانے کیلئے موٹر سائیکل پر نصب ریموٹ کنٹرول بم دھماکہ ہوا تھا۔
