فری بلوچستان مؤمنٹ نا انفارمیشن ڈیپارٹمنٹ نا پارہ غان شینگ کروکا دا پمفلٹ نا مسخت ایران نا قوضہ گیر ریاست نا کنڈ تدوکا سد سال ئنا قوضہ گیریت نا نیامٹ بلوچ نسل کشی نا جتا جتا وڑ ئنا زوراکی و تادی تیا پام ء کرفوئی ءِ۔ دا برجا انگا بلوچ قوم نا نسل کشی نا اسہ سیونج او تدینی اس “جمعہ خونی ” ء
30 ستمبر 2022 ایرانی قوضہ کروکا بلوچستان نا ہند زھدان اٹ مروکا تدینی انسانی دیہاڑ نا مون انگا درگہ اتیان اسٹ اسہ۔اراڑے ایرانی قوضہ گیر ریاست مکی مسیت نا تہٹی جمعہ نماز ان پد برانز کروکا بلوچ آتیا بے رحم او سمکاریس شاغا۔ارا نا سوب ان درزن ءَ بلوچ آک شہید او ٹپی مسور۔اندا دے ءِ بلوچ سیاسی و چاگڑدی ٹولی تیٹی “جمعہ خونی” یا “Bloody Friday” نا پن اٹ یاد کیرہ۔ دا تدینی بیرہ اسے تدینی ئس اف بلکن برجا مروکءَ بلوچ نسل کشی نا پالیسی تا اسے پاش او درشان ئسے۔.
’پد ندارہ’ اسے مسیڑ اسے نا چیانٹ ،اسے قوم اسے نا ماتم
دا احتجاج نا پد ندارہ اسہ پانزدہ سال نا بلوچ مسڑ ماہو بلوچ تو سیاہ کاری اس۔
اسے اندن او جرم اس ارا بیرہ انسانی ضمیر نہ بلکہ جہانی قانود آتا ہر اصول نا نہ مننگ ء۔ولے ارا وخت اسہ قوم اس قبضہ مرے اود اچ او فیصلہ کننگ نا اجازت مف اونا شناخت ء اسے جرم اس سمجیر ،و اونا ڈغار ءِ قوضہ گیری وڑ ئٹی برباد کرسہ کیر۔ اوڑے انصاف نا امیت تینٹ اسہ سوج ئسے نا نشان اس جوڑ مریک۔
’ریاستی بیانیہ او زوراکی نا سیاست ‘
ایرانی قوضہ گیر ریاست بلوچ قوم ئنا برانز آتے چپ کرفّنگ کن روایتی قوضہ گیری نا چم آتے کرسہ ء۔وخت ئس منشیات سودا کننگ نا کیس ٹی ہزار ءَ بلوچ ورنا تہ پاؤ تننگک تو وخت اس راجی سلامتی نا پن ءَ سیاسی ءَ بندغ آتا حق ئکن توار بڑز کروکا باسک آک بیگواہ کننگرہ ۔پِڈ ئنا تندور ءِ پُر کننگ نا خاطر تیل ئنا کاروبار کروکا “سوخت برآں”آتے اوفتا گاڈی تیتو اوار ہُشِرہ۔ حیوانی نا اندن او کسہ اراتیا انسانیت ءِ ام شرم برے۔بندغ نا حق آتا تنظیم ‘ایمنسٹی انٹرنیشنل ‘او ‘ہیومن رائٹس واچ’ ہر وار قوضہ گیر ایرانی ریاست نا بلوچ دژمنءَ پالیسی تیا تنقید کرینے ۔ولے قوضہ گیر ریاست بےخوفی ٹی تینا پالیسی تہ برجا تخانے ۔
’زرگزرانی لُٹ و پُل ربیدئی نسل کشی ‘
بلوچستان بیرہ قدرتی وسائل آتیان پُر او ڈغار اس افف بلکہ جغرافیائی لحاظ ئٹ ہم دا ٹِک ئکن مرکز ئسے ولے ایرانی قوضہ گیر ریاست دیہاڑ نا ڈٹ و ڈول ئٹ ہمو قوضہ گیریت والا وڑٹ برجا ء۔ اراڑے بیرہ قوضہ کروکا قوم ئنا وسائل دُزنگپک بلکن اوفتے زرگزرانی ،چاگردی و ثقافتی زلیل کرسہ کیک۔ اینو قوضہ گیر ایران ریاست ام بلوچ قوم ئنا وسائل آتہ بلوچ نا فائدہ ئن بیدس تہران نا فائدہ تیکے غرز کرسہ ء ۔بلوچ قوم ء نہ روزگار ئس ارے ،نہ تعلیمی ادارہ اس نہ تب ئنا آسودئی ئس۔اوفتا زبان ،پجار او ثقافت ء ایسر کننگ کن فارسی زبان و غیر بلوچ ثقافت آتہ اوفتیا ترپ کننگ او ۔گجر او غیر بلوچ آبادی تہ اتیسہ بلوچ اقلیت اٹ بدل کننگ نا سازش اندن برجا ء ۔
’بلوچ مزاحمتی بیانہ غلامی نا منظور’
بلوچ قوم مدام تینا آزادی ، پجّار او خد داری نا جنگ کرسہ ء چائے او خانان بلوچ نا بغاوت مرے آجوئی نا خوانوک ءَ ورنا تا تحریک مرے یا اینو نا ورنا تا مزاحمت ،بلوچ قوم ہر وخت اٹ قوضہ گیر ءَ طاقت آتا خلاف سینہ تسون ء ۔جمعہ خونی ہم اندا مزاحمت نا اسہ بشخ ئسے ۔اراڑے اسے مسیت ئسے میدان جنگ جوڑ کریر بےگناہ انگا بلوچ اتے نشانہ کریر ۔ او انسانیت ء دتر اٹ سلار ۔
“جہانی برادری نا چپّی ، مجرمی بیچکاری “
ایران اٹ بلوچاتیا مروکا ظلم آتیا بیرہ الاقوامی برادری نا چپّی بیرہ شرمندئی ئس اف بلکن مظلوم آتا خلاف اسے وڑ ئسے نا اسٹی ئس جوڑ مسون ء۔ اقوام متحدہ ،یورپی یونین،او ائی سی او پین جہانی ادارہ غاک بلوچ نسل کشی ءَ باہ دوی آن تمّانو ۔ دا رویہ نہ بیرہ جہانی انصاف نا اصول اتا خلاف ءِ۔ بلکہ جابر ء پین حوصلہ ایتنگ ءِ۔
“نوابادیاتی قوضہ نا ایسری ۔ اسٹ او حل اس”
ایرانی ریاست بلوچستان آ اسہ نوابادیاتی قوضہ گیرو طاقت ئسے ارا بلوچ قوم نا سیاسی معاشی اور ثقافتی حق آتہ کننگ ء دا نا حل اصلاحات تیان خودمختاری اف ، بلکم پورہ اجوئی او فیصلہ سازی ئٹ خودمختار مننگ ءِ۔ بلوچ قوم ء دا حق ارے کہ او تینا ڈغار وسائل اور ثقافت او آخوبت آ خودمختار تخہ۔
“اصول اتا رکھ “
فری بلوچستان موومنٹ بلوچ قومی جہد آجوئی نا تقاضہ اصول او حق آتیا پین قوم تیا مقدم سمجھک انتئے کہ تحریکی تقاضہ آتا مونہ ڈیٹ مننگ، اصول آتیان بیچکاری او اصول آتا لتاڑ تنیا تاڑ واڑ اس بنا کیک او جہد اجوئی نا ارا تحریک مرے چائے اراڑے مرے ارا قوم انا مرے جہد انا سرسوبی اواری ٹی ء او تاڑ واڑی ناکامی نا بنیادی بشخ اسہ۔ فری بلوچستان موومنٹ نا دا بنیادی نظریہ ء کہ شکست آن بچوئی ءِ تو تاڑ واڑ مننگ آن بچوئی ء تاڑواڑ آن بچوئیءِ تو بے اصولی ان بچوئیءِ۔ و اگر بے اصولی آن بچوئی ء تو تحریکی تقاضہ اتا مونءَ تینا کاٹمے شیف کبو ۔
سبخ “جمعہ خونی اس یات دہانیس “
جمعہ خونی ننے دا یات ایتک کہ آجوئی تنیا اسہ نعرہ ئس اف بلکہ اسہ ضروری او ضرورت ئسے اراتم اسہ قوم ئس تینا پجار ، ڈغار او زبان آ پورہ اختیار الّے تو اونا بقا ءِ خطرہ مریک زھدان نا سڑک آتیا دتر وہیفنگا دتر تنیا اسے برانز اس اف بلکہ اسہ اعلان ئسے کہ بلوچ قوم تینا گڈیکو دم اسکا غلامی نا خلاف جہد کرسہ کیک ۔
اجوئی اسے حق اسے جرم اس اف زوراکی نا خلاف مزاحمت اسہ فطری او عمل ئسے دہشتگردی اس اف۔
پارہ غان۔ میڈیا ڈیپارٹمنٹ فری بلوچستان موومنٹ
