کوئٹہ ( ہمگام نیوز ) بلوچستان لبریشن فرنٹ کے ترجمان میجر گہرام بلوچ نے میڈیا کو جاری بیان میں کہا ہے کہ سرمچاروں نے دو جون کو رات نو بجے مشکے میں فرنٹئیر کور (ایف سی) کی ہیڈ کوارٹر اور مین کیمپ پر راکٹوں اور خودکار بھاری ہتھیاروں سے حملہ کیا۔ مشکے نلی میں واقع کیمپ پر سرمچاروں نے دو اطراف سے حملہ کرنے کے بعد مین گیٹ میں گھس کر راکٹ کے کئی گولے فائر کئے۔ گیٹ کے سامنے کھڑے پانچ اہلکار راکٹ حملے میں پہلے ہی ہلاک ہو چکے تھے۔ شدید حملے میں نو اہلکار ہلاک، متعدد زخمی اور دو گاڑیاں تباہ ہوئی ہیں۔ ہلاک اہلکاروں میں وزیر نامی ایک مقامی ایجنٹ بھی شامل ہے جو ریاستی ڈیتھ اسکواڈ سرغنہ سرور کا بھتیجا ہے۔
انہوں نے کہا کہ دو جون ہی کو کیچ کے علاقے مند میں چکاپ کے مقام پر قائم فوجی چوکی پر سرمچاروں نے اسنائپر سے حملہ کیا، جس سے ایک اہلکار ہلاک ہوا ہے۔
ترجمان نے مزید کہا کہ بی ایل ایف ان حملوں کی ذمہ داری قبول کرتی ہے۔ یہ حملے بلوچستان کی آزادی تک جاری رہیں گے۔
