آزاد دیراٙسے کنے خبر اف۔ آزاد دیراسے آزاد نا ایلم اے خبر اف۔ آزاد دیراسے آزاد اے ہم خبر اف ۔ گڑا دشمن اے ہمر خبر آزاد دیراسے ۔ ولے نٙن چانا آزاد دشمن کن قہراسے۔ دشمن ہم چاہِک آزاد ننکن موت اسے۔ ایت نا معنا دادے بی ایل اے تینا پالیسی تے اوّلی دے اٙن اندُن جوڑانے کہ دشمن سرمچارتے نقص تِننگ کٙپ۔ ٣١ جنوری نٙن نا تہاری اٙن پد ہمگام نیوز اٹ حال اس بس کہ سرمچاراک قلات اٹ دڑنگانو ءُ دشمن فوج نا کیپ آ حملہ کرینو ءُ کسر تے ہم تفِینو ۔ کسر تیہا چیکنگ منِّنگے ءُ دشمن نا کیمپ آ چارمہ کنڈ فاہرنگ مننگے اندن لگا عید اے خوشی نا شام اے ۔ ولّا ١١ بجا بی ایل اے نا ترجمان آزاد نا کُلٙو ہمگام اٹ بس کہ دا حملہ نن کرینُن ءُ دشمن نا ١٧ فوجی خلکُنُن ءُ جنگ چٙلنگے ءُ قلات نا کسرْک ننا کنٹرول ٹی او راج ان خواست اے کہ سفر کپس۔ ١٢ بجا بی ایل اے نا پین کُلٙو اس بس کہ منگوچر فوجی کیمپ نا نیمہ ان بُرز سرمچاراک قوضہ کرینو ءُ جنگ چلنگے ۔ دشمن نا کیمپ اے وطن زادہ دشمن تون موم پہ مون او جنگ اے ۔ دشمن نا ۵ فوجی خٙلِّنگِرا ءُ ٢ بکتر بند گاڑی تباہ مریرہ ۔ گن شپ ہیلی کاپٹر دشمن نا کُمٙک اِن رسیفرا ۔اوفتے سرمچاراک راکٹ ءُ ایلو ہتھیار اٹ نشانہ خلیرہ ۔ برز ان شیلِنگ ءُ بمباری مٙنِّنگے شیفا سرمچاراک تینا دفاع کنِّنگو ءُ دشمن آ ہم حملہ کننگو۔
غٹ نن جنگ مریک ۔ سوب مریک۔ وطن زادہ آک مٙش تیہا کارا ۔ دشمن نا ٢۵ فوجی خٙلِّنگِک۔ بروکا دھ تولوک مجلس اُن سنگت اٙس سوج کیک جنگ اٙٹ اٙخّٙس سرمچار شہید مٙسُونو۔ ہی پاریٹ غٹ جوان سلامت پٙدی تینا ٹِکانہ تا انانو غازی مسونو سرصوب مسونو ۔ سد اٙن برز سرمچار قلّو نا شار منگُچر اٹ ڈڑِنگِرا ءُ تینا مسخت اے پورو کیرہ کارا ۔ جنگ اے اندا وڑ اٹ کیرہ کہ تینا راج اے اصُل نُقص مٙف ءُ دشمن اے ہم وار تف کہ راج ءُ ہیلو بے گناہ مسافر تے نقص تِف ۔ بی ایل اے نا پالیسیک اندن جوڑوکو کہ سرمچار تے نقص مٙف یا دیخن دیخس نقص مرے بلے دشمن اے زیات ان زیات نقص مرے ۔ دا گڑا اے ٣١ جنوری نا جنگ ءُ اوڑن مُست ہم ثابت کرینے ۔ اسے کُنڈاں طاقت ور دشمن اے ھیلی کاپٹر ءُ بم آکو اہیلو کُنڈان سرمچار اے نٙن اے گوریلا جنگ اے۔ سرمچاراک سرصوب مریرہ کارا۔ ١٩٨٩ یا اوڑن مُست راجی لشکر بی ایل اے نا بنیاد تِخِنگ کِن کاریم شروع مریک ۔ ١٩٩٢ ٹی سنگت اس راجی لشکر کن افغانستان ان راج نا جنگی مُڈی اے اتیک ۔ ٢٠٠٠ ٹی بی ایل اے نا ترجمان آذاد بلوچ دشمن آ حملہ قبول کیک جنگ پٙدا اسے پوسکُنو گوریلا طرز اٙٹ شروع مریک۔ پدا ایلو تنظیم آک جوڑ مریرہ بی ایل اے ہوفتے کمک کیک جنگی ھتیار ایتک تا ۔ ٢ وار بی ایل اے نا تنظیمی اُصولاتا خلاف ورزی مریک ۔ بی ایل اے ہرتوما وار پنِّک ۔ تینا ءُ پین آ غٹ پاریر آزاد چٹانے آزاد اے بندغ اف ۔ آزاد اسے سوچ اسے نظریہ سے ۔ آزاد اُصول اسے آزاد راج ان جوڑ اے آزاد ہمر کمزور مریک ۔ آزاد تینا گوریلا جنگی حکمت عملی ءُ تینا اصولاتاں دا ثابت کرے کہ بی ایل اے پین مضبوط مسونے ۔ بی ایل اے راجی فوج اے ۔ بی ایل اے راج ان جوڑے ۔ بی ایل اے ہر وخت تینا راج ءُ سرمچاراتا حفاظت اے مونا تِخک ءُ بی ایل اے دشمن کن موت اسے ۔
زندہ مریس بی ایل اے زندہ مریس آزاد۔
زندے مرے راج۔
