زاہدان (ہمگام نیوز ) آج بروز پیر 17 جون کو بلوچ عالم دین اور زاہدان کے امام جمعہ مولوی عبدالحمید اسماعیل زہی نے عیدالاضحیٰ کی مبارکباد دینے کے لیے ایک ویڈیو پیغام جاری کیا جو کہ مسلمانوں بالخصوص سنیوں کے لیے سب سے اہم تعطیلات میں سے عید کو ایک بتایا ہے اور دنیا بھر میں امن و سلامتی کی خواہش ظاہر کی ۔
اس پیغام میں مولوی عبدالحمید نے دعا کی کہ فلسطین اور یوکرین کی جنگوں سمیت موجودہ تباہ کن جنگوں کو روکا جائے اور اختلافات و تنازعات کو ختم کر دیا جائے ۔
انہوں نے ایران کے زیر سایہ ایران کے مسائل کے بارے میں بھی بات کی اور حکومت سے مطالبہ کیا کہ وہ عوام کے مطالبات سنے اور ایرانی حکومت سے کہا کہ وہ اکثریت کے جائز مطالبات کو سن کر عوام کے سامنے معافی مانگے ۔
آخر میں مولوی عبدالحمید نے کہا کہ دنیا میں سب سے پہلا لفظ انسانیت ہونا چاہیے اور جنگوں کے اخراجات تعمیر و ترقی پر خرچ کیے جائیں اور اگر ایسا ہو جائے تو دنیا کے بھوکے پیٹ بھر جائیں گے اور کوئی انسان بھوکا نہیں رہے گا ۔
