ھمگام بلوچی
اولی بَھر
دنیا ءِ تہ ءَ ھر وڑیں ھنر مکر ڈُگّی ھَست اَنت ھر پڑا لھتے لینڈ(زمین) ماپیہ، لھتے سوداگری ماپیہ ءُ دگہ بازیں ماپیہ ھست انت بلے مئے چاگرد ءَ ادب ماپیہ ھم ھست ۔ دنیا ءِ تہ ءَ باید بلوچ ادب ءَ را ادبی ماپیہ ءِ داد دیگ بہ بیت چُشکہ اولی ماپیہ انت۔ چوناھا ھر پڑا کہ کسے نوکیں جدیدے چیزے کنت گڑا آرا داد نوبل دیگ بیت ھمے وڑا باید بلوچ لبزانک ءُ ادب ءَ ماپیہ ءِ داد دیگ بہ بیت ھرکس گور چیل انت کہ اے نوبل داد من ءَ بہ رسیت بلوچ لبزانک ءُ ادب ءِ نام بلوچی اکیڈمی ءَ را ھر، سال دو سد لک ءَ چہ گیش کلدار دیگ بیت سال ءِ تہ ءَ دہ کتاب چاپ کنت آ ھم وتی دلپسندیں مردمانی ءُ بچیتگیں کلداراں وتی کیسگ ءَ جن اَنت ھیش ءُ نوش کن انت ۔ اے بلوچی اکیڈمی ءِ کارکرد انت بِل ایشی ءَ بہ گر آرا کہ مگربی دمگ ءِ گلانی ھال ھم اش انت کہ آ ھم ھر ماہ چہ ایرانی سرکار ءَ چہ میلیونانی ھساب ءَ تُمن گر انت ءُ ماھے یک دیوانے کن اَنت چاہ ءُ بسکوٹ واری بیت آ ھم وتی دلدوستیں مردماناں داوت کن اَنت بس ھمدا چہ ھلاس باکی زراں ھمے اگدہ دار وتی کیسگ ءَ جَن انت رو اَنت ۔اے مگربی دمگ ءِ ھال بیت ۔ ابید چہ ادبی ماپیہ ءَ گینگ وار ھم ھست انت
ھرکس ءَ وت چار مردم وتی کرتگ ءُ یک گروپے یا گینگے جوڑ کرتگ ءُ نشتگ یکے دومی ءَ را پیسبک ءُ واتساپاں ایر جنگ ءِ جھد ءَ انت ھرکس گش ایت من نہ کُشتگ ھلار نہ انت باید من بہ کوشانے ھمے وڑ انت گڑا باید منی ھبر بہ بیت لھتے گش ایت سید ءِ رھبند جوان انت لھتے گش ایت نہ واجہ سمد ءِ جوڑ کرتگیں رھبند جوانتر انت ءُ لھتے گش ایت کہ بانک اپسالا ءِ نوکیں رھبند شر انت ءُ اسلم کادر ءُ ایوب ایوبی توکا بزگ گار انت لھتے گش ایت کہ نہ تازی اربی رھبند جوانتر انت بِل ایشاں ءُ بہ گر آئی ءَ لھتے گش ایت مکرانی ءُ لھتے گش ایت سلیمانی، رکشانی میانجی ءَ گار انت بزگ ۔ ھر پڑا ھمے وڑا گروپ بندی انت تامرکار ھم انچوش انت ھرکس ءَ وتی گروپ جوڑ کرتگ ءُ نشتگ یکے دومی ءِ ایرجنگ ءِ جھد ءَ انت ۔ ھرکس وتی کتابانی تاکاں سیاہ کنگ ءِ جھد ءَ انت۔ بس منی نام بہ بیت ءُ ھرکس من ءَ استاد، استاد بہ گُش ایت ۔پدا استاد دارگی نہ انت استاد ءِ بگل گوات انت ۔استاد ھم پہ وتی نام کشگ ءِ واستہ پیسبک ءُ واٹساپی گروپاں وڑ وڑیں مکر یا ھنر کنت کہ مرد زور منی نام ءَ بہ گر انت منی نام ءِ پوسٹ شنگ بہ بنت توری آ پوسٹ منی نام ءَ پہ ھرابی ءَ شنگ بہ بنت پرواہ نیست بس نام رسانکجاھاں شنگ بہ بیت مردم بزانت کہ اے پِلانی انت ۔بس ھمے بہ بیت ۔ دومی بد بھتی نشہ انت بلوچ ادب ءِ تہ ءَ کسے نشہ مہ کنت آ ادبی مردمے گشگ نہ بیت بزانکہ آ مردم ھچ نہ زانت پرچا کہ آ نشہ نہ کنت ۔دگہ سہ جیڑگ انگت ھم ھست یکے زگری ءُ نمازی اگاں کسے ءَ را زاتی جیڑگ بیت آرا ھم کار انت ادب ءَ گوں ھمگرنچ کن انت شرو بنت دکانداری ءَ کسد ءُ کینگ ءِ آس ءَ چست کن اَنت ءُ دستاں پشت ءَ بند انت جیڑگ سیمی آلم ءِ کائنات رب پاک ءِ کائنات ءِ ھچ چیزانی ارزشت نہ بوگ بزانکہ آیانی ھیال کمیونسٹ(Marxism. Karl. Marx) رھبند ءَ بیت ۔ پہ زانت پہ زور پہ وتی، منّی کہ اے جھان انچوش وت جوڑ بوتگ اے مئے ادیبانی ھیال انت ۔ منی ھیال ءَ اے ادب ءَ را 60 سال چہ گیش انت دگہ 600 سال درکار بیت گڑا بلکیں یک روچے راہ کپ ایت۔
دنیا ءِ تہ ءَ اے دگہ ادب ھم ھست چشکہ مئے ھمسایگی ادب پارسی، اردو، پشتو، سندھی ءُ دگہ ھم ھست بلے چش مئے وڑا ادب اش رزوا نہ کرتگ اش ما وتارا انچوش کتگ سرجمیں وھد روچ ءُ شپ یکے دومی ءِ جیگ بند ءَ لگت سَک کتگ انت نہ زانیں کجام کار ءَ دست بہ جن ایں ءُ نام بہ کش ایں رجانکاری من اش کتگ یک زبانے دومی زبان ءَ رجانک کنگ ۔ ما انچوش دیمروئی کتگ کہ بلوچی ءَ گوں بلوچی ءَ رجانک ترجمہ کنگیں مست توکلی ءِ شئیراں سُرینگ گالبنداں مٹ کنگ۔ سلیمانی ءُ مکرانی گالانی ترجمہ کنگ من ءَ توبہ انت ۔۔اے مئے دیمروئی ءِ مستریں چیدگ انت ۔ مئے مزن مزن نامیں ادیبانی ھال اش انت واجہ جان محمد دشتی وتی کتاب “وش اِتاں اھدی دور بلوچانی ” آئی تہ ءَ ھمل کلمتی ءِ شئیر ءِ گالبند بدل کتگ۔۔۔ “*ھمل ءِ ھمراہ بے دلیں جدگال بوتگ انت*”” اے مئے مزن نامیں ادیب ءِ زانتکار ءِ ھال بوت. گال پرچا بدل بوت ھمے واستہ کہ جان محمد دشتی یے ۔ بلے واجھیں زانتکار تو ھمے گال “دَشتی یا دِشتی ” بابت ءَ تو باید گیشتر پٹ پول کتگیں کہ اے گال دَشتی انت یا کہ دِشتی انت،؟؟ تو وتی سر ءَ وت شک مہ کن کہ شائر ءَ مارا گشتگ کہ شما دشتی گون بوتگ اِت!!!!! دیمترا واجہ جان محمد نبشتہ کنت کہ ھمل جیھند دزُے ڈُنگے بوتگ ۔ ھشکیں ھبر ھوادگ بنت بے دلیل ءُ منانک ءَ ھشکیں ھبر شر نہ بے مکسدیں ھبر بنت پہ تئی بالاد ءَ شر نہ انت باید تو اے پڑا گیش ءَ چہ گیش پٹ ءُ پول کتگیں ھشکیں تاکانی سیاہ کنگ نہ انت وتی کتابانی گیش کنگ نہ انت باید ھرکار پہ دلیل پہ منانک بہ بیت ۔مرچی تو اے گال مٹ کتگ. ۔۔جدگال ءِ نام آرتگ ۔چوناھا جدگال جند مکران ءَ نہ بوتگ انت آ وھد ءَ چون ھمل ءِ ھمراہ بوتاں.!!؟ جدگال ءِ راجدپتر ءِ بابت ءَ پٹ پول کتیں کہ کجا ءُ کدی ءُ چتور مکران ءَ آتکگ انت !!؟ باید ھر چیز پہ دلیل بہ بیت مرچی تئی ھمے گال ءَ یکین ءَ سرجمیں راجے دلپروش کتگ ترا اگاں زاتی جیڑھے گوں جدگالاں ھست انت گڑا ادب ءِ سر ءَ مہ کش ئِے شما کہ زانتکار ءُ ادیب چش کن ات لَس مھلوک ءَ میار پِر نیست انت۔
روان انت۔۔۔۔
