مقبوضہ بلوچستان میں بارشوں سے ساحلی علاقے زیر آب، نظام زندگی درہم برہم

گوادر(ہمگام نیوز)مقبوضہ بلوچستان میں موسلا دھار بارشوں سے ساحلی علاقے زیر آب آگئے۔ مقبوضہ بلوچستان کے شہر گوادر، پسنی، اورماڑہ، جیوانی اور کیچ میں نظامِ زندگی درہم برہم ہوگیا جب کہ گوادر میں سڑکیں، گلیاں اور گاڑیاں ڈوب گئیں۔ گوادرمیں نکاسی آب کا نظام درہم برہم ہونے سے بارش اورسیوریج کاپانی گھروں میں داخل ہوگیا جب کہ بارش کے بعد آنکاڑہ، شادی کور، سوڑ ڈیم، بیلار اورڈوسی ڈیم میں پانی کی سطح بلند ہوگئی۔چمن شہر اور مضافات میں بھی طوفانی بارش نے تباہی مچادی، بارش کےباعث رابطہ سڑکیں شدید متاثر ہوئیں۔ مقبوضہ بلوچستان میں آج شام سے ہواؤں کا دوسرا سلسلہ داخل ہونے کا امکان ہے جس کے باعث موسلادھاربارش اورپہاڑوں پربرفباری ہوگی۔محکمہ موسمیات نے ندی نالوں میں طغیانی کے خدشے کی نئی وارننگ جاری کردی۔