ہمگام بلوچی نبشتانک : برٹولٹ بریخت 10 اوستپان 1898 ءَ ماں آؤس برگ ءَ ودی بوتگ اے ھما وھد ات کہ جرمنی ءَ یکجاہ بووگ ءَ 27 سال گوستگ ات ءُ اے وھداں آئی ءِ آبادی 61 ءَ چہ گوستگ ات ءُ 65 ملین ات نا کہ ایوک ءَ آبادی سوب ءَ بلکیں جرمنی ءِ راجمانی، واپاری ءُ چاگردی جاور ءَ آشوبی بدلی اتکگ ات بندات ءَ چاگردے بنداتی کار کِشت ءُ کشار بوتگ،نوں دھکان ءُ دست کارانی جاھ ءَ،سائنسدان ءُ ازمی زانتکاراں گپتگاں آئی ءَ جرمن کارجاہ جوڑ کتگ ات کارجاہانی دیمروئی ءَ کوچگانی بستار ھلاس بوتگ ات زمین دارانی شریک دیم پہ شھر ءَ شت انت ھمے واست ءَ آئی ءِ آبادی بے کساس گیش بوان بوت ھمیشی یے ھمرائی ءَ واپاری ءُ پوریاگرانی ھکومت ءُ عسام ءِ سیادی ءَ بدلی آیگ بندات ات، سرمایہ داری ءِ بنشت مھکم بوت آئی راج دوستی ءَ را دیمروی دات ءُ راج دوستاں جرمن قوم ءِ واہشت دیم ءَ برت انت. ہمے جاور ات انت جنگ ءَ ابید آھاں دگہ ھچ راہ نیست ات تانکہ ایشی یے سوب ءَ چے جرمن راج ءِ مزن شانی…. ءُ بڑائی آسل بہ کناں.
برٹولٹ بریخت ءِ چم جرمنی ءِ بدل بووک ایں جاوراں پچ کت انت
میونخ شاھدربرجاھ ءَ آئی درمان ءُ سائنس ءِ اِلم دربرتگ ات مزنیں جھانی جنگ ءِ وھداں درمان جاہ ءَ کار ءَ ات آئی ءَ جنگ ءِ ترسناکی دیست انت
نادراھ جاھ ءَ جنگ ءِ پڑ ءَ ٹپی بوتگیں سپاھیانی ٹپ ءُ ٹوریں میت آھانی کربانی ھمے سوال آئی دماگ ءَ ودی بوت کہ اے درست پرچی ءَ؟؟ ءُ کئی واست ءَ
اولی مزن جھانی جنگ ءَ پد جرمنی ءِ شکست ءَ دردناکیں جاورانی تہ ءَ گوزگی ات.آئی اے جنگ ءَ پد ھما درست بے ھال کت انت کہ آئی جرمنی ءِ یکمشتی ءَ رند حاصل کتگ ات انت اے نا کہ فوجی شکست ءِ ات بلکیں گزرانی ءُ چاگردی اوں بدھالی اے ھست ات کہ آئی ءَ ھر ھمک مردم ءَ را بیوس کتگ ات جنگ ءِ نھاد ءَ ادا بہ کنت چاگردے ھما پرشت ءُ پروشیں سوب ات کہ جرمنی ءَ نازی جماعت دیم ءَ اتک ہٹلر سیاسی کامیاتی ءَ نا ایوک ءَ جرمنی ءِ واپاری ءُ سرمایہ دار ھوار ات انت بلکیں آئی ءَ یورپی ءُ امریکی سرمایہ دارانی مدت ءُ کمک ھم گوں ات ـ یورپ ءُ امریکہ ءَ ھٹلر تاگت ور جوڑ کت روس ءِ گوما میڈینگ لوٹ ات آئی ءَ ھمے واست ءَ بنداتی ترندیں ءِ چست ءُ ایراناں کبول کت انت.آئی ءَ ھما وھد ءَ ھٹلر ءِ ھلاپ ءَ جنگ کت کہ آئی ءِ جند سرجم ءَ ھترھے تہ ءَ ات
جرمنی ءَ ھٹلر ءِ ھکومتی بوت آئی ءَ استان ءِ بستار کم کت ءُ نازی پارٹی آورت توانا جوڑ کت آئی ءِ گل ءِ مول بس ھکومت ءِ مدت ءُ کمک نہ بوتگ بلکیں ھکومت ءِ کار بوتگ کہ گَل ءِ نپ ءِ واست ءَ کار بہ کنت ـ چونائی ءَ گَل ءِ لیکہ ءُ نپ ءِ ھلاپ ورزی دلاری ءِ برابر بوتگ ھٹلر ءَ گَل ءَ نامدار جوڑ کنگ ءِ ھاتر ءَ مردمانی کمک زورگ ءِ واست ءَ کہ رھبند زرتگ ھمیشاں جلسہ ءُ جلوس،ورنا،زالبول ءُ کسانیں زھگانی جماعت،پوشاک،ساز ءُ زیمل،سوت ات جوش ءِ گوما گشتانک دیگ ات ھمے کہ جرمن ءِ قوم دوستی ءُ مردم دوستی ءِ جزبہ پاد اتکگ ات ،
ھٹلر یک انچیں مزنیں کارستے ءِ یے دروشم ءَ دیم ءَ اتکگ ات جرمن راج ءِ دیمپانی ءَ پہ رھبر ئے ات، نازی گل ءِ پروپیگنڈہ ءَ نوکیں رنگ ءُ دروشم زرتگ ات یک نیمگ ءِ بیانان آں ءُ دلیل آں سرجمیں قوم ءِ پگر وتی نیمگ ءَ کتگت.
یک وھد ءِ مخالفین دلار ءُ جرمن قوم ءِ دژمن جوڑ اتاں ءُ پد ءَ ھماھاناں زنداناں کنگ ڈک ءُ ویل دیگ ءُ کُشگ درست جاھز بوت. ھاس کر نازی گل ءَ ھما دانشور نشانگ جوڈ کتگ ات انت کہ نازی گل ءِ مول ءُ مراد نہ منیتگ ات ھما دانشور کہ ھاموش بوت انت یا ھماھاں کہ جاوراں سرپد بیتاں آیاں گل یل دات ایشی یے سوب ایش ات کہ نہ منوکیں دانشوراں جرمنی ءَ یل کنگ کپت ءُ ماں دگہ ملکاں پناہ زورگ کپت اے مزنیں کچے ءَ روگ ئے سوب ءَ چے جرمنی ءِ چاگردی، ربیدگی ءُ شاھدربرجاھ ویران بوت انت اِلم ءُ ادب ءِ مول ءُ مراد یکے بچ اتگ ات گل ءِ نپانی ھاتر ءَ کار کنگ بہ بیت
نازی گل ءِ واجہی زمانگ ءَ بریخت ءَ ھم جرمنی یل دیگ کپت پرچا کہ نا ایوک ءَ آئی ءِ وانگیانی سر ءَ اوشت جنگ بوتگ ات بلکیں نا ممکن ات کہ آ آجوئی ءِ ھیالاتاں درشان بہ کنت دراھ ڈیہی ءِ زمانگ ءَ آئی ءَ آسٹریا،ڈنمارک،سویڈن،فن لینڈ،امریکہ ءُ سوئٹزرلینڈ ءَ گشتانک ءُ نبشانک ءَ نازی ازم ءُ فاشزم ءِ ھلاپ ءَ جنگ کت
جنگ ءِ ھلاس کنگ ءَ پد آئی ءِ دوستانی نیمگ ءَ روکپتی جرمنی آیگ مکن کنگ بوت ھمے واست ءَ آ رودر آتکی جرمنی ءَ شت جنگ ءَ پد آئی ءِ سرجمیں دزگٹی (تھیٹر) ءِ ھاتر ءَ ات انت 14 ساچان 1965 آ بیران بوت
بریخت کسمانک کار کسہ نویس،نبشتانک کار ءُ شائر ءِ ئے بستار ءَ نام ات، آئی وتی نبشتانکاں گوں لاچار ءُ بزگیں مھلوک ءِ تہ ءَ زانشت ودی کت لبزانک مھلوک ءِ نپانی ھاتر ءَ کارمرز کت آئی سرجمیں نبشتانک درست (فاشزم) ھلاپ ات انت ھمیشی ءَ آ مردم پرستی ءِ ھلاپ انت ھما چاگرد ءَ مردم پرستی جاھ بہ کنت ھود ءَ مردمانی تخلیقی بودناکی چیر تر انت ھمے وڑ ءَ کہ یک جُونزیں درچکے ءِ چیر ءَ کاھوک یا درچکک سبز نہ بیت انوھیں ایں جاور مزن شانیں ایں شخصیتانی دروشم ءَ چہ بیت وتی نامداریں کسمانک گلیلیو ھاس کر ھمے پیشداریت کہ شخصیت قوماں جہلی ءِ نیمگ ءَ بارت
بریخت ءِ دیم ءَ ھٹلر یک شخصیت یے ات کہ آئی وتی زور بیان ءُ شخصیت ءِ اثر سرجمیں جرمنی قوم ءِ دماگ ءَ قبضہ داتگ ات ءُ مردمانی جزبگ گوں آیا بندوک اتاں ءُ آئی رندگیری ءَ کنگ ءَ انت شخصیتی پرستی ءِ سوب ءَ چہ مخالفت ءُ ھیال ءِ درشانی پابندی بوتگ ات ھمے جاور ات انت کہ ھمیشی ءَ بریخت اے گپ ءَ زور دنت (شانشور) آں گل ءُ ھکومت ءِ زوراکی آں چہ جنگ کنگ لوٹ ایت چپ ءُ چاگرد ءَ اگاں پابندی بہ بیت گڑا آھانی ھلاپ ءَ نوکیں راھے درگیجگ لوٹ ایت
آ یکے ءَ پلامرزی ءَ ھم ھلاپ ات پرچا کہ اے رویہ ھکومت ءَ مھکمی دنت ھمے واست ءَ ھکومت زلم ءُ زوراکیانی ھلاپ ءَ دیمداری ءَ زلوری سرپد بیت ایشی ءَ ابید چاگردے اوشت ءَ کس پروشت نہ کنت
بریخت ءَ ھرچی کہ نبشتہ کتگ ایشی یے پشدر جرمنی ءِ جاور ات. بلے چوشیں بازیں چاگرداں ھود ءَ فاشزم ءِ روایت ھست ھود ءَ یک لیکہ یے بادشاہی ھست ھود ءَ اوں بریخت ءِ نبشتانک اثر دور دے انت۔
