سُهریں ، سبزیں ، شونزیں ، نیلیں و هر دابیں … .
و همے وهد ات که پیره مردیں استا کار هم آتک و رَست .
بلے هنوں وتی لوگی پجه نیارت .
پر چا که هر جاه ، بهاداریں و ترپوکیں ڈوکاں رتکگ اتنت .
همے داب ، هر رنگیں رُژن و نیر اوداں گندگ ءَ بوت .
لوگ ءِ بُرزگ ءَ دروج اوشتاتگ ات .
و وتی نگرهیں سُرمب ءَ بان ءِ بُرزگ ءَ کُٹان ات .
و بهاداریں ڈوککاں شپاں و کپان اتنت .
یگبرے دیست اش که مورّروکیں پشلک هم لوگ ءِ بُرزگ ءَ سر کپت ، و دروج ءِ کش ءَ اوشتات ! و وتی مورّرگی بُنگیج کت .
دمانے ءَ رند نه پشلک و نه نگره سرمبیں دروج اوداں نه اتنت .
استاکار هما دمان ءَ جهد کت که بها داریں ڈوککاں به چنت و مُچ بکنت ، بلے دارنکا گوئشت :
_ پیرک جان ، دست اش پر مکن ، بل اش که باندات ، روچ هم ایشان به چاریں .
استاکار هم آئی ءِ هبر ءَ گوش داشت . بلے پگاه ، تهنا مزنیں برپے کپتگ ات
برپان اش رُپت و دور کت انت ، بلے هچ چیز اش ودی نه کت . نون بلے ، آواں ، هما بس اتنت که پیره مرد وتی کلاه ءَ مُچ کرتگ اتنت .
سرجمیں چیز جوان ات ، بلے مورّروک ءِ بَژنیگ بوت انت . آئی ءِ سر و پد ءَ کسے پدا نه زانت . و نگره سُرمب هم وتا ، پدا کدیں پیش نه داشت .
یگبرے وتی پیش داشت _ همے هم جوان ات .
هما رتگیں ڈگارانی زمین ءَ ، هموداں که دروج هما شپ تتکگ ات ، مردماں ڈوککاں ودی کت . گیشتر اش شونزکین اتنت . آهان ءَ « کروزولیت » گوئش انت . بارین شما دیستگ انت ؟
*** آزمانک کُٹ اِت ***
باژوپ پاول پترویچ
کریم بلوچ
