شال(ہمگام نیوز ) فری بلوچستان مومنٹ ءَ وتی درشانے ءِ تہ ءَ گوشتگ پاکستان ءِ زورگیریں تاگت روچ رھمی بلوچ ورناھاں آیانی کھولانی دیم ءَ آوار جنگ ءَ انت ءُ آیاں دروگیں میڑ ءِ نام ءَ شھید کنگ ءَ انت، اے مئے واستا نوکیں گپے نہ انت بلکیں پاکستان چہ بندات ءَ بلوچانی سرا زالم ءُ زوراکیں ریاستے دروشم ءَ بلوچ راج ءِ سرا زورگیر انت، ایشی ءَ چہ بلوچ ءُ پاکستان ءِ سیادی شریں رنگے ءَ پدر بیت کہ یک گلامے ءِ ءُ زورگیرے ءِ سیادی بس زلم، زوراکی ءُ زورانسری ءَ گوں بندوک انت
بلوچستان ءَ پاکستانی زوگیر، وتی زورگیری ءَ برجم دارگ ءِ ھاترا زورگیپتی ءِ روچ ءَ بہ گر داں مرچی بدیں کرد ءُ دروگیں پندل سازی کنان ءُ پیداک انت، ایشی ءِ مستریں درور آگا ابدلکریم ھان انت 1948 ءَ زورگیری ءِ بنداتی روچاں شور ءُ سلا ءِ نام ءَ رد داتگ ءُ ھربوئی ءَ دزگیر کتگ ءُ زندانی کتگ ایشی ءَ پد نواب نوروز ءَ قرآن ءِ ھاتر داتگ ءُ شور ءُ سلہ ءِ نام ءَ لوٹائینتگ ءُ دزگیر کنگ ءُ آئی ھمراھاں پاھو دیگ ءُ نواب نوروز ءِ جند ءَ را داں گُڈی روچاں زندانی کنگ ءِ ھمرائی ءَ نواب اکبر بگٹی ءَ شور ءُ سلہ ءِ نام رد دیگ ءُ ٹوپ ءُ بمباں گوں شھید کنگ، اے ھبر نہ تھنا بلوچ ءِ دل ءَ تہ ءَ کید انت بلکیں انوھیں زالمی گوستگیں درائیں زلم ءُ زرواکیانی داستانانی یات مُچ بلوچانی دل ءِ ٹپاں آزگ کن انت،
ایشی ءَ چہ ابید ھزارانی ھساب ءَ بلوچ بلوچ ورنا جتا جتائیں کنڈاں آیانی کھول ءِ دیم ءَ آوار جتگ ءُ آیاناں شھید کتگ ءُ دگانی لمب ءَ ءُ ویرانگاں چگل داتگ انت یا دروگیں میڑ ءِ نام داتگ آیاناں زندان ءِ تہ ءَ شھید کتگ ءُ دور داتگ اے درست پاکستانی ریاست ءِ زلمانی ھلاس نہ بوھکیں یک رِدے برجاہ انت اے درست بلوچستان ءِ تہ ءَ وتی زورگیری ءَ برجم دارگ ءِ یک رِپکاں
فری بلوچستان مومنٹ ءَ گوشتگ کہ پاکستانی لشکر وتی رَپک ءَ پہ سوبینی ءِ ھاترا بلوچ ءِ چکچینی ءَ برجم دارگ ءَ ورناھاں آوار جنگ ءَ زرھریدیں ھندی کمکارانی مدت ءَ زوریت ءُ اے مردمانی نفسیاتی ءُ سیاسی تب پاکستانی لشکر ءَ انچو جوڑ کتگ انچو کہ ھندوستان ءَ انگریزاں وتی زورگیری ءِ برجم دارگ ءِ ھاترا زورگیریں پنجابی ئیں مسلمانانی کتگ ایشاں وتی ھندوستانی پجار شموشتگ ءُ انگریز ءِ کارمند جوڑ بوتگ انت زورگیپتیں بلوچستان ءَ ھم پنجابی ءِ ھندی کمکاراں وتی راجی پجار یل داتگ ءُ وتساچیں ریاست ءُ قومیت ءِ ھاترا بلوچ ورناھانی آوار جنی ءُ کوش ءَ زورگیریں پنجابی ءِ دست کمکی ءَ کنگ ءَ انت- اے مردم بلوچستان ءَ پاکستان ءِ زورگیری ءَ دراج کش کنگ ءَ پاکستانی لشکر ءِ ھواری ءَ دست ءُ دستانگ ءِ ھساب ءَ انت ۔
ایف بی ایم ءَ دیمتر ءَ گشتگ کہ پاکستان ءِ بُنشت چہ دروگ ءَ جوڑ بوتگ پاکستان ءِ راجدپر دروگے ءُ پاکستانیاں در ءَ چہ اتکگیں ھمک تاگت وریں زوراک ءَ را وش اتک کتگ بلکیں ایشی ءَ چہ ابید یک دروگیں وابے ءِ مانا ءِ نام ءَ ایشی ءَ را کہ وتی بامرد جوڑ کتگ، اے گپ ءِ راجدپتر گواہ انت کہ اھمد شاہ ابدالی، گوری ءُ ایدگہ اوگاناں ھمے پنجابیانی سرا ھاکمی کتگ، چش کہ پاکستان ءِ زوراکیں لشکر کہ ایشی ءَ وتی بامرد گش ایت انچو بزان کہ اے پہ وتی دلوشی ءَ یک دروھاپے ءِ رند ءَ کپتگ انت، پد ءَ مئے ھندی راج دروھاں وتی زاتی نپانی پھریزگ ءِ ھاترا پنجابی زورگیر ءَ گوں ھمے وڑ ءَ ھوار انت چو کہ پنجابی وتی ھاکم انگریزانی ھمرائی ءَ ھندوستانیانی کُشت ءُ کوش ءَ ھوار بوتگ انت
ھمے ریاست ءِ بنشت کہ دروگ ءِ سرا جوڑ کنگ بوتگ ایشی ءَ چہ بلوچ راج ھیر مہ لوٹ ایت بلکیں یک راجے ءِ بستار ءَ اے دروگ بند ءُ دگا بازاں ڈیھہ ءَ چہ وتی کشگ ءِ ھاترا جدوجھد بہ کنت ایں ءُ ھر وھد ءَ یات بہ بیت تاں وھدے بلوچستان چہ پاکستان ءِ پنجگ ءَ در آیگ ءَ سوبین نہ بیت پاکستان ءِ اے رنگیں پندل نا گوں ترندی ءَ برجاہ بنت بلکیں آیوکیں وھد ءَ بے کساس زور ءَ گوں ءُ جتائیں وڑ ءُ پیماں کشت ءُ کوش ءِ تہ ءَ گیشتری کار ایت
مرچی بلوچ راجی آجوئی جھد ءَ ھواریں تاگتاں ھوری ءَ پالیسی یے ٹھینگ ءِ سک باز زلوری انت اے آسر ءَ لس بلوچ مھلوک ءَ پاکستان ءِ زلم ءُ زوراکیاں،……….؟
ـ
