چاگرد ءِ مکسد بنی آدم ءِ میان ءَ سیادی ءِ مھکم کنگ، ءُ انچیں چاگردے ءِ جوڑ کنگ کہ اود ءَ ھر کس وتی زند ءِ گوازینگ ءَ آجو بہ بیت، ءُ دومی مردم ءِ ھکانی اھترام کنگ بہ بیت۔
یک شریں ءُ مھکمیں چاگردے ءِ تہ ءَ ھمک مردم وتی ھکاں زانت ءُ سرپد بیت ءُ وتی کاراں گوں ایمانداری ءُ ساپ دلی ءَ کنت۔
چاگردے راھبند:
چاگردے تہ ءَ نشتگیں ھمک انسان ءَ یک شریں کردے بیت، چے ءَ کہ آ تھنا وتی ناں بلکہ وتی کھول ءُ سنگتانی ءُ چاگرد ءِ تہ ءِ نشتگیں ھمک مردم ءِ زمہ دار اِنت۔1. مھرے: مھر ، وت ماں وتی چاگردے بنکی رھبندانی تہ ءَ ھوار انت۔ وھدیکہ یکمردمے گوں دومی مردم ءَ مھر کنت گڑا تھنا وتی واستا انا بلکہ سرجمیں چاگردے ءِ واستا کار کت کنت ، مھر ءِ دیار ءَ انسان زیادہ یک ءُ دومی ءِ کمک ءَ کت کنت ءُ گوں یک ءُ دومی ءَ نند ءُ نیاد کت کنت۔
2. انساپ: چاگردے تہ ءَ ادل ءُ انساپ ءِ بوَگ ھژدری انت، دانکہ ھمک مردم ءَ آئی ءِ مزّ(ھک) بہ رس اِیت ءُ گوں کسّے ءَ ناانساپی مہ بیت، انساپ چاگرد ءِ دیمروی ءِ مانزمان انت، بید ءِ انساپ چاگرد سوبمند بوت نہ کنت۔
3. کمک: چاگرد ءِ تہ ءَ یک ءُ دومی ءِ کمک کنگ وتی وھد ءَ وتی چیز ءُ ساماناں پہ دگرے ءِ پائدگ ءِ واستا کارمرز کنگ، وھدیکہ گوں یک ءُ دومی ءَ یکمُشت بئے گڑا چاگرد دیمروی کنت، ءُ مھلوک ءِ میان ءَ وت ماں وتی گیش بیت۔
4.اھترام:
چاگردے ءِ تہ ءَ اھترام ءِ بزانت اش انت کہ ھر مردم ءَ آئی ءِ ازّت بہ رس اِیت ءُ آئی ءِ بستار منّگ بہ اِیت۔ اھترام کنگ ءَ ناں تھنا آئی ءِ بستار گیش بیت بلکیں چاگرد ءِ تہ ءَ تاھیر(سکون)ءُ مھر ءِ شریں چاگردے ءِ ودی بیت۔
