تُربَت (ہمگام حال) گْوادر ءَ 28 جولائی ءِ بی وائی سی ءِ بلوچ راجی مُچّی ءَ پد 11 روچ ءَ داں گْوادر ءَ بگر سرجمیں بلوچستان ءَ نندانک ءُ بلوچ راجی مُچّی ءِ سوبمندی ءَ پد بی وائی سی ءِ سروک ڈاکٹر ماہ رنگ بلوچ ءِ کاروان گوں وتی ہمراہاں سمّی بلوچ، مولانا صبغت اللہ شاہ جی ، سیما بلوچ، ماہ زیب بلوچ،ڈاکٹر صبیحہ بلوچ ءُ ایدگہ سروکانی ہمراہی ءَ تُربَت ءَ شہید فدا احمد چار راہ ءَ سر بوتگ۔ مرچی بلوچ راجی مُچی ءِ شہیدانی یات ءَ تُربَت ءَ شہید فدا احمد چار راہ ءَ دیوان اِنت کہ مردماں سکّیں مزنیں کساسے ءَ ہزارانی ہساب ءَ بہر زرتگ ۔ ءُ باندا بی وائی سی ءِ کاروان ڈاکٹر ماہ رنگ بلوچ ءِ سربراہی ءَ سہب ءَ مہلہ دیم پہ گریشہ ءَ سرگیپت۔ گریشہ ءَ راجی مُچّی ءِ شہیدانی یات ءَ دیوان بیت ءُ چد ءُ پد کاروان دیما جنزان ءَ دیم پہ شال ءَ روت ۔
