کابل:ترک سفارتخانے کی گاڑی پہ خود کش حملہ

کابل (ہمگام نیوز)افغان دارالحکومت کابل میں ترک سفارتخانے کی گاڑی پر خود کش حملہ ہوا جس سے دو افراد جاں بحق ہوگئے۔خود کش حملہ آور نے بارود سے بھری گاڑی سفارتی علاقے میں ترک سفارتخانے کی گاڑی سے ٹکرا دی ۔ واقعے میں دو افراد ہلاک ہوگئے ۔ مرنے والوں میں ایک ترک شہری اور ایک راہگیر شامل ہے ۔ دھماکے کے بعد دیگر گاڑیوں میں آگ لگ گئی ۔ واقعہ ایرانی سفارتخانے کے باہر پیش آیا جس کے بعد تمام سفارتخانوں کی سیکورٹی سخت کر دی گئی ، طالبان نے حملے کی ذمہ داری قبول کر لی ہے۔