کراچی(ہمگام نیوز ) مانیٹرنگ نیوز ڈیسک کی رپورٹ کے مطابق کراچی میں سخی حسن چورنگی کے قریب فائرنگ سے زخمی 7 سالہ بچی دم توڑ گئی، جس کے سر میں گولی لگی تھی۔دم توڑنے والی 7 سالہ بچی کا نام مریم ہے، جو گاڑی کے پچھلی سیٹ پر بیٹھی تھی اچانک گولی سر میں لگ گئی، جبکہ بچی کو ممکنہ طور پر روڈ کے دوسری جانب سے نامعلوم افراد کی اندھی گولی لگی ہے۔
واقعے کے بعد بچی کو تشویشناک حالت میں نجی اسپتال منتقل کیا گیا جہاں وہ جانبر نہ ہوسکی، مریم کی لاش کو ضابطے کی کارروائی کے لئے عباسی اسپتال منتقل کیا گیا ہے۔پولیس نے فائرنگ کے واقعے سے اظہار لاعلمی کرتے ہوئے کہا کہ مکنہ طور پر بچی کو اندھی گولی لگی ہوگی، ہمیں ابھی تک اطلاع نہیں ملی لیکن واقعہ کے حوالے معلومات حاصل کرتے ہیں۔
