کوئٹہ میں گیس لیکیج سے دھماکا، 2 خواتین زخمی

کوئٹہ(ہمگام نیوز) مقبوضہ بلوچستان کے صدر مقام کوئٹہ کے نواحی علاقے مشرقی بائی پاس پر ایک گھر میں گیس لیکیج کے باعث دھماکا ہوا جس کے نتیجے میں دو خواتین جھلس کر زخمی ہوگئیں۔ریسکیو ذرائع کے مطابق مشرقی بائی پاس پر بھوسہ منڈی کے قریب گھر میں گیس لیکیج کے باعث دھماکا ہوا۔ دھماکے میں دو خواتین جھلس کر زخمی ہوگئیں، زخمیوں کو بولان میڈیکل کمپلکس اسپتال کے برن یونٹ منتقل کردیا گیا ہے۔واضح رہے کہ کوئٹہ کے مختلف علاقوں میں گزشتہ تین روز کے دوران گیس لیکیج کے باعث دھماکوں کے تین واقعات میں 13 افراد جھلس کر زخمی ہوچکے ہیں۔