وھدے کہ جنگ بیت،جنگ ءِ دیمروئی ،چاگرد ءِ پگرمندیں سنگتانی کوپگ ءَ انت کہ گون تمردی ءَ بلوچ ءِ آشوب ءَ مان ھرچ سکیاں کوپگ دے اَنت ءُ وتی نگرہ ئیں ساہ ءَ پہ راج ءِ آجوئی ءَ کربان کن اَنت ءُ ھمے شھیدانی رتکگیں ھون بلوچستان ءِ آجویی مانزمان جوڑ بنت۔
مئے کسو دلیر ءُ سرمتابیں سرمچار سنگت شھید سعید ڈگارانی پنام شپی اِنت کہ آئی ءَ وتی نگرہ ئیں ساہ پہ بلوچ ءِ باندات ءَ سوگات کُت۔
شھید سعید جان سْیاست ءُ جنگی جاور ھالانی درگت ءَ یک سوھوئین ءُ سرپدین ءُ دانائیں باسکے ءُ سکیں مھروانے اَت کہ کوم ءِ دراھیں آشوبی ءُ چاگردی مشکل ءُ سکیاں اوشتُک بیتگ ،سنگت ءَ مدام ھمے گپ جت کہ اگان ما نہ بہ اِیں ،بلے مئے چک بنت،مئے پدریچ بیت ،بائد اِنت بلوچ گوں زمین ءَ ھمگرنچ بہ بیت،گلزمین ءِ آشک بہ بیت ءُ گون ایمانداری ءَ کار بہ کنت۔
شھید سعید جان ءَ مدام بلوچ جنگ ءِ ارزشت ءُ بلوچ وت واجھی ءِ تک ءُ پھناتانی بارو ءَ گپ جت ءُ سنگتی سکین دات اَنت کہ گلامی ءِ زند ءَ چے وشنامیں مرگ گھتر اِنت۔
شھید وش کندیں مردے اَت ءُ وش روھی ءَ وتی ھند ءُ جاہ ءَ سجھیں مردم،سنگت،ھمسائگ ءُ … چہ آئی ءَ رازیگ بوتگ اَنت ءُ ھچ کسے آزار نہ داتگ،مدام گون وتی کوم دوستی ءَ گریب ءُ پکیرانی یا چاگرد نزورتریں مردماں گوں گیشتر وھد گوازینتگ ئِے۔ سنگت شھید سعید ءَ دراھیں آشوبی گَل گون یکیں چم ءَ چار اِتگ اِنت ءُ دراھیں گلاں گون ،ھمکوپگ ءُ باسک بوتگ ،کلبر،تگران،بلیدہ،دشت، مند ءَ ،ءُ یدگہ دمگان ھرچ وڑیں راھے ءَ ،ءُ کارے ءَ وتی کومی ڈبہ گون مخلصی ءَ پیلو کتگ۔
راجی آشوبی گلانی سنگتانی برگ ءُ آرگ،راھے ءُ کارے ءِ چارگ ءُ ٹپاسگ ،سنگتانی راشن ءُ ورد ءُ وراکانی بند ءُ بست ،ءُ ھلاکہ سنگتانی دست گَرگ ءِ زمہ وتی کوپگان جتگ۔
شھید سنگت چراگ ءَ کسو کت ما تمپ ءِ دمکاں راھے ءَ سرگپتگ ات اِیں دژمن ءَ مئے سرا اَٹیک کُت ،سنگتے تیر وارت ءُ دگہ سنگتے شھید بوت،مئے تیر وارتگیں سنگت گون شھید ءَ پَشت کپتگ ات انت ءُ ما دشمن ءِ تیر ءُ انگرانی چیر ءَ ات اِیں ،ما شھید سعید پون کت ،سعید اتک ءُ تیر وارتگیں سنگت ءُ شھید کش اِت ءُ بُرت انت ئِے ءُ انچش دگہ بازیں تمردی ءُ دلیری ئِے کسہ ءُ کربانی کہ راج ءِ دیم ءَ پدّر اَنت۔ جنگی رپکانی سوھوئی ءُ راجی آشوبی ڈبھانی بستار ءُ زانت چکاریں بالاد ءُ آیوکیں بلوچ جھد ءِ مانزمان،وش نیاتک ءُ دشمن ءِ پندل ءِ آماچ بوتگیں مردماں برداشت کُت نہ کُت ءُ گڈی شپ ءَ کہ سنگت لوگ ءَ روت بدواھانی زد ءُ انگر ءَ کپ اِیت۔ رمس 20\09\2017 ءَ گوں شھید امجد گھرام ءِ ھوری ءَ شھید کنگ بنت۔
شھید بالیچہ ءِ وش بوہ ئیں ھاک ءَ میار کنگ بیت ءُ وتی شیدائیں اِشک ءَ مھروانیں مادریں ھاک ءَ امباز اِیت ءُ داں اَبد زندگ ءُ اَبدمان بیت۔
