شال ( ہمگام نیوز ) مقبوضہ بلوچستان بلوچ یکجہتی کمیٹی کے مرکزی آرگنائزر ڈاکٹر ماہ رنگ بلوچ سمیت سیاسی اسیران کے اہلخانہ نے احتجاجی کیمپ قائم کردیا۔
مظاہرین کا کہنا ہے کہ ڈاکٹر ماہ رنگ بلوچ، صبغت اللہ شاہ جی، بیبگر بلوچ، گلزادی بلوچ، بیبو بلوچ اور دیگر سیاسی اسیران کی غیر قانونی و غیر آئینی حراست کے خلاف اُن کے اہلِ خانہ نے شال پریس کلب کے سامنے احتجاجی کیمپ قائم کر دیا ہے۔
مزید کہا گیا کہ احتجاجی کیمپ کا مقصد ریاستی جبر کے خلاف آواز بلند کرنا اور اسیران کی فوری رہائی کا مطالبہ کرنا ہے۔ سیاسی کارکنان کو ماورائے آئین طریقے سے حراست میں رکھنا انسانی حقوق کی سنگین خلاف ورزی ہے۔
انہوں نے کہا کہ ہم شال کے تمام طبقات، سماجی و سیاسی کارکنان، انسانی حقوق کے علمبرداروں اور شہریوں سے اپیل کرتے ہیں کہ وہ احتجاجی کیمپ میں شرکت کر کے متاثرہ خاندانوں سے اظہارِ یکجہتی کریں۔
