سراوان(ہمگام نیوز ) ایران: بدھ، 23 ستمبر 2026 کو جاہ آباد کے علاقے میں قابض ایرانی سکیورٹی اور فوجی اہلکاروں اور مسلح افراد کے درمیان مسلح جھڑپ شروع ہوئی، جو تاحال جاری ہے۔
تفصیلات کے مطابق، یہ جھڑپ تقریباً دو گھنٹے قبل شروع ہوئی۔ ذرائع نے بتایا کہ علاقے میں فائرنگ کی آوازیں سنائی دے رہی ہیں جبکہ فوجی اور سکیورٹی اہلکار بڑی تعداد میں جائے وقوعہ پر موجود ہیں۔
رپورٹ کے مطابق، جھڑپ شروع ہونے کی وجوہات، مسلح افراد کی شناخت اور ممکنہ ہلاکتوں یا زخمیوں کی تعداد کے بارے میں تاحال کوئی حتمی معلومات دستیاب نہیں ہیں۔
ذرائع کا کہنا ہے کہ وہ واقعے کی مزید تفصیلات کی جانچ کر رہا ہے اور قابلِ تصدیق معلومات دستیاب ہونے پر مزید تفصیلات جاری کی جائیں گی۔
